الحمد لله حجزنا الماروتى

[HRH_Sameh]

انا سمعت ان الموديل الجديد فية كاسيت وسنتر

بس الواضح من كلامك انها ما تفرقش خالص عن موديل السنة اللى فاتت

مش عارف دي افتكاسة من المصرية ولا ايه !!
كانو كاتبين في الاعلان بتاعهم كده

الف الف شكر ليكوا ياجماعه وبأذن الله الاستلام النهارده ان شاء الله ادعولنا بقى يتم على خير بأذن الله

بالتوفيق يا محمد
وانت اكيد قريت الموضوع هنا اللي بيتكلم عن اللي بيتسلم مع الماروتي

[خالد]

ربنا يباركلك فيها ويديك خيرها ويكفيك شرها
كان فيه موضوع بيتكلم عن أزاى تعرف موديل العربية (سنة الصنع يعنى ) من رقم السريال اللى على جسم العربية نفسه
ياريت تدور عليه وتشوفه هايفيدك كتير
وربنا يوفقك

[خالد]

أنا عاوز أعرف سعرها غلى ولا أيه ؟
هية مش سعرها نزل وكانت بــ 35 ألف بس ! رفعت تانى لــ 37 ألف
وبعدين أيه موضوع الحجز ده ؟ هية مش موجودة ولا أيه ؟ أنا كنت بفتكر أنها مرطرطة فى السوق
على العموم هيه عربية بسم الله ماشاء الله جميلة وعملية وتفوت من خرم أبرة ومفيش مشكلة فى ركنتها ، وشنطتها واسعة خاصة لما تتنى الكرسيين ، والله بشيل فيها حاجات كبيييييييييرة جداً بالطريقة دى
ربنا يباركلك فيها وتستلم على خير

[Abdm]

انا حجزت برضه موديل 2010 بس اكدوا لى ان فيها كاسيت وانذار وسنتر
وقالوا الاستلام الاسبوع ده

يا أخ عمر حضرتك كتبت قبل كدة فى موضوع ماروتى 2010 كاسيت وسنتر فى الصفحة التانية أنها نازلة ب 35500 هل ممكن تتأكد لنا من المبلغ دة وأنة هيكون بالمبلغ دة فيها كاسيت وسنتر وأنذار وأنها 2010 وأمتى هتنزل بالضبط .

لآن أنا سئلت النهاردة فى التوكيل الدقى قلى بنفس المواصفات دية ب 38000 فى شهر فبراير
نرجوا التوضيح علشان فرق السعر كبير مش صغير .
وحضرتك قلت فى 6 أكتوبر . فين فى 6 أكتوبر علشان أنا مش من هناك ومحتاج وصف أروحلة اذاى مع العنوان بالضبط ورقم التليفون لو سمحت ومعلش بنتعب حضرتك معانا رجاء الراد الوافى الشافى كاملا.وجزاك الله خيرا

[amrshaban]

ايوه انا فعلا حجزتها بس هو صاحب المعرض معرفة لكن غالبا مش هيببعها بالسعر ده لكن هى فعلا فيها السنتر والانذار والكاسيت وهى المفروض وصلت مصر والتسليم هيكون الاسبوع ده ان شاء الله بس خطوات البنك هى ليس ماخلصتش لان هاجيبها بالتقسيط ان شاء الله

[Abdm]

شكرا لردك يا عمر باشا يا ريت تبقى تقولنا هى هتتباع للجمهور بكام ولاعضاء نايل موتورز Special بكام لو عملنا عرض كويس ممكن كل اللى عايز يجيب ماروتى يجيب من عندة بس هوة يعمل معانا واجب صح . يا ريت تعملنا على طول update وترد علينا علشان نعرف الدنيا وصلت لغاية فين وأيضا تتطمنا على عربيتك وألف مبروك مقدما .ولك جزيل الشكر

[mrghost]

الحمد لله ياجماعه استلمنا الكتكوته الصغيره من حوالى ساعتين وهى فعلا طلعت بكاسيت وسنتر وانذار وولف والراجل صاحب المعرض خد مننا 38000 جنيه علشان الكماليات دى
الكاسيت اخره 60 جنيه لانه صينى وببكر
الانذار والسنتر ماركة وولف بحوالى 330 جنيه ونقول مثلا السماعات ب 50 جنيه بس بصراحه
انطباعى الاول عن السياره
التقفيل الهندى انضف من تقفيل مصر بمراحل زمنيه بما انى امتلك شاهين وتقفيلها زى الزفت
العربيه ناعمة بس بترعش وهى طالعه على الاول مش عارف ليه
الدبرياج زى الريشه واخف كمان
الفتيس بيعض فى الغيارات
صوت الموتور واطى حتى 70 كم فى الساعه
ناشفه فى المطبات شويه
التقفيل بالنسبه للشاهين ممتاز جدا والفرش شكله شيك
لون الحوض بنفس لون السياره ذهبى
واستنوا بقى لما تتخص باذن الله واقولكوا على ملاحظاتى باذن الله والف شكر للناس اللى شاركوا فى الموضوع

[Abdm]

حضرتك مقولتش باقى التفاصيل عن العنوان علشان نروح نشترى مع رقم التليفون وفين فى 6 أكتوبر بالتفصيل علشان أنا مش من هناك وأهم حاجة رقم التليفون وشكرا .

[LORD.ADeL]

الف مبروك يا استاذ محمد ع العربيه ربنا يبارك لك فيها ويحفظك من شر عجلها ع طريق
واعبال الاستذا عمر باذن الله بس ياربت توضحو للناس الحلوة اللى معنا الاجرائات ومكان معرض وهكذا ...

استاذ محمد العربيه فوانيس بتعاتها العاديه ولا متغيرة وكرسيتال؟

[Abdm]

ألف مبروك يا أستاذ محمد وربنا يباركلك فيها ويكفيك شرها
ويا ريت تتابع معانا باقى التفاصيل عن العنوان وعن كل أخبار السيارة
وأية هية ملاحظاتك عليها وتجربة القيادة وبالتوفيق ان شاء الله

[mohamed_kta]

الف مبروك ربنا يديك خيرها و يكفيك شرها فعلاً مش هتندم سياره جميله

[mrghost]

الف مبروك يا استاذ محمد ع العربيه ربنا يبارك لك فيها ويحفظك من شر عجلها ع طريق
واعبال الاستذا عمر باذن الله بس ياربت توضحو للناس الحلوة اللى معنا الاجرائات ومكان معرض وهكذا ...

استاذ محمد العربيه فوانيس بتعاتها العاديه ولا متغيرة وكرسيتال؟

الله يبارك فيك ياباشا
والمعرض فى مدينة نصر اسمه جير وان وبصراحه الناس محترمه جدا هناك بس لما اتضح انها بسنتر وانذار وكاسيت زاد السعر واصبحت ب 38 الف جنيه
وهى نازله بالفوانيس العادهيه مش الكريستال

[mrghost]

ألف مبروك يا أستاذ محمد وربنا يباركلك فيها ويكفيك شرها
ويا ريت تتابع معانا باقى التفاصيل عن العنوان وعن كل أخبار السيارة
وأية هية ملاحظاتك عليها وتجربة القيادة وبالتوفيق ان شاء الله

الله يبارك فيك ياباشا
عنوان المعرض
53 ش معز الدوله من مكرم عبيد مدينة نصر
0125000353
استاذ عبد الحميد
بصراحه ناس فى قمة الاحترام والالتزام
بس لسه ورق العربيه مستلمتوش بأذن الله ميعاد استلام الورق يوم السبت ان شاء الله
وعلى فكره اتضح ان لون الحوض ابيض مش ذهبى(ماخدتش بالى الا النهارده الصبح)
والعربيه ناعمه بس الابواب ثقيله فى القفل وبتشرق لما باجى امونها بنزين لان الزور بتاع التانك ضيق والفتيس بيعض بس التقفيل ممتاز

[LORD.ADeL]

الف مبروك يا استاذ محمد ع العربيه ربنا يبارك لك فيها ويحفظك من شر عجلها ع طريق
واعبال الاستذا عمر باذن الله بس ياربت توضحو للناس الحلوة اللى معنا الاجرائات ومكان معرض وهكذا ...

استاذ محمد العربيه فوانيس بتعاتها العاديه ولا متغيرة وكرسيتال؟

الف مبروك يا غالي
ربنا يباركلك فيها..
وغريبة انها نزله بنفس فوانسيها العاديه سؤاء الامامي اولا الخلفي
مع العلم ان الفوانيس بتعتها كلها نازل منها الجديد فى السوق؟
ومديها شكل تانى خالص يلا مبروك عليك وانت روشها ع مزاجك بعد ما تخلص اورقها وترخيصها باذن الله
تحياتى..

[romeo_6887]

1000 مبروك يا باشا
و عايز تقرير مفصل
عن اداء العربيه و
ان شاء تستلمها قريب
و تفرح بيها