رابطة مالكي السوزوكي التو

[حسن 100]

السلام عليكم
انا معايا التو 2008 وشريها زيرو عاوز اعرف سعر مساعدين الشنطه الجداد والاقيهم فين ان ساكن فى العاشر من رمضان
فى استقسار انى لما ادور العربيه الصبح فى البر الاقى الصوت بيوطى بحس انها حتبطل بس بتعلا تانى وميتبطلشى هل كده فى حاجه اقدر اعملها قبل ما تكبر ولاادى
وشكراً

[Amr Axel]

عادي يا باشا بس مكن مبتدوش المارش كويس و الحساسات و الكونترول بيزود بنزين عشان العربية متبطلش و بعدها بتهدي

[dina123]

انا معايا التو 2007 شارياها زيرو ممكن اعرف ايه الصيانه اللى ضرورى اعملها ليها غير تغيير الزيت والفلتر هى دلوقتى 11 الف كيلو

و هل سير الكاتينه فعلا لازم يتغير كل 3 سنين ؟؟؟

[al_manara]

انا معايا التو 2007 شارياها زيرو ممكن اعرف ايه الصيانه اللى ضرورى اعملها ليها غير تغيير الزيت والفلتر هى دلوقتى 11 الف كيلو

و هل سير الكاتينه فعلا لازم يتغير كل 3 سنين ؟؟؟

كل 40 الف . بس 3 سنين كويس اوي عليه كده . يتغير احسن

سير الكاتينة والتكيف وفلتر البنزين والهواء والزيت .
تربيط عفشة وضبط زوايا .

وفي الغالب تغيير الكاوتش لان العربية بقالها 6 سنوات . وكدة انتهي تاريخ الكاوتش .

[BiGGeMY]

Alto 800.cc

[مجدى مكرم]

سوزوكى التو صينى

ممكن لو تكرمتوا ايها الاعضاء الكرام تقولولى فين مكان بيع قطع غيار السوزوكى الالتو الصينى او الوكيل بتاعها علشان انا دوخت على قطع غيارها.

[مجدى مكرم]

دلونى يا مالكى الالتو

ياجماعه حد يقولى ويدلنى انا اشتريت سوزوكى التو 2008 مستعمله موتورها 1051ccمكيفه زجاج كهرباء وسنتر وشكلها ماروتى طبق الاصل من الخارج بس الطابلوه مختلف تماما و4 سلندر وسير الكاتينه داخلى حديد جنزير وبها سير الدينامو وسير التكييف فقط سير الدينمو 3pk750 وهيا انجكشن مش كاربرتير وفرامل ودبرياج على باكم واحد والفرامل كهرباء يعنى مافيش فرامل والعربيه مبطله وكلها حساسات حساس لامبير السرعه ولمبه الزيت وطلمبه البنزين كهرباءوحساس لزيت الفرامل ومروحه الرداتير كهرباء على ترموستات.سامحونى انا وصفتها بدقه علشان تدلونى هيا صينى ولا هندى .

[D . a .\ AYMAN]

ياجماعه حد يقولى ويدلنى انا اشتريت سوزوكى التو 2008 مستعمله موتورها 1051ccمكيفه زجاج كهرباء وسنتر وشكلها ماروتى طبق الاصل من الخارج بس الطابلوه مختلف تماما و4 سلندر وسير الكاتينه داخلى حديد جنزير وبها سير الدينامو وسير التكييف فقط سير الدينمو 3pk750 وهيا انجكشن مش كاربرتير وفرامل ودبرياج على باكم واحد والفرامل كهرباء يعنى مافيش فرامل والعربيه مبطله وكلها حساسات حساس لامبير السرعه ولمبه الزيت وطلمبه البنزين كهرباءوحساس لزيت الفرامل ومروحه الرداتير كهرباء على ترموستات.سامحونى انا وصفتها بدقه علشان تدلونى هيا صينى ولا هندى .

المواصفات اللى حضرتك بتقولها دي أنا أول مرة أشوفها في عربية ألتو

الألتو شكلها عمره ما كان زي الماروتي

في ألتو 1000 سي سي فعلا نزلت موديل 2008 أربعة سلندر وشكلها زي الألتو العادية تماما بدون أي اختلاف ... فقط فرق الموتور

وماكانش السير بتاع الكاتينة بتاعها جنزير ... لكنه كان رابر وبيتغير عادي

وكانت إنجكشن

فرامل زيت دبرياج سلك مش باكم

...

ده اللى أعرفه عن الألتو 1000 سي سي موديل 2008 ... لكن ما اقدرش أقول اللى مع حضرتك دي إيه لأن ماصفاتها محيرة شوية .. لو ممكن ترفعلنا صورتها يمكن تدل عليها بشكل أكتر

[د/ وائل سعد]

انا بردوا هنضم ليكم واشتريت التو 2013 لسه شاريها من يومين ياريت تفيدوني هل اوديها الصيانة ولا امشي بيها عادي وايه اللي اعمله دلوقتي بعد ما استلمتها من التوكيل ،، وشكرا ليكم

[Sygata]

انا لسه شارى الالتو 2013 زيرو من شهر

ياريت اى حد يقولى نصائح بالنسبة للعربية ديه انا بصراحة ماشى بيها بالراحة وانتوا عارفين الواحد لما بيجيب العربية زيرو بيقعد يحسس عليها هيه عاملة دلوقتى 550 كم بس سامع صوت ورا ناحية اليمين كده مع المطبات زى خبطة كده وتنصحونى اتعامل مع التوكيل ولا انفض واصلحها بره وكده ناس تقولى اجرب الالف الاول وبعدين لو معجبونيش مكملش معاهم ايه رأيكم يا اصحاب الرأى باعتبار ان فيه ناس معاهم العربية من 2008 وكده واسعار قطع غيارها دلوقتى ايه لان انا حاسس ان الاسعار الى على النت ديه قديمة شويه وكتر خيركم جميعا

[al_manara]

زيت الفتيس بيتغير منين .
النهارد كنت في بنزينة شل الراجل معرفش الزيت بيتغير منين ؟

العربية 1100 سي سي

[dr.hazem]

زيت الفتيس بيتغير منين .
النهارد كنت في بنزينة شل الراجل معرفش الزيت بيتغير منين ؟

العربية 1100 سي سي

معنديش فكرة عن الالتو بس اكيد فيه طبه ليه من تحت
الماروتي الفتيس له طبه وشكلها غريب بيسموها طبة زيت بيجو

فممكن تكون زيها وهو منتبهش لان شكلها مربع

تحياتي

[dr.hazem]

تم تثبيت الموضوع
:)
تحياتي

[al_manara]

معنديش فكرة عن الالتو بس اكيد فيه طبه ليه من تحت
الماروتي الفتيس له طبه وشكلها غريب بيسموها طبة زيت بيجو

فممكن تكون زيها وهو منتبهش لان شكلها مربع

تحياتي

شكرا جزيلا .

جبتها من الكتالوج هي في جنب الفتيس . ان شاء الله هاروح اغيرة واقولكم المكان تحديدا .

سالت علي كام حاجة للعربية منها .

الكبالن الصيني ب 125 ج
المقصات 150 جنية
مساعدين خلفي هندي 200 ج

[aboomara]

صيانة 5000 النو

لو سمحتم يا جماعه انا هغير الزيت للعربيه alto 800 2013 هى عامله 7000 كيلو دلوقتى.

صيانة الاف فى التوكيل للاسف حطو موبيل معدنى 5000 ما كنتش اعرف حاجه
وعاوز المره دى اغير لشيل تخليقى مش عارف احط ايه الترا ولا HX7 واجيبه منيين يكون مضمون؟ ويا ترا هحتاج كام لتر؟ والاسعار ايه ؟

وبالنسبه للفلتر بتاع الزيت بفكر اجيبه واركبه بره برده تنصحونى بنوع ايه؟

وممكن اعمل ايه تانى للعربيه فى الصيانه دى؟