سؤال مهم جدا بخصوص الآلتو

[Abdm]

لو سمحتم يا شباب المنتدى الكرام عايز أعرف الفرق بين الموتورين 800 و1100 فى الآلتو تعرفهم ازاى
يعنى ازاى أفرق بين الآلتو 800 فول أوبشنز والآلتو 1100 فول أوبشنز

هل الموضوع دة بتعرف بالنظرة السريعة ولا لازم فحص العربية وما هى كيفية الفحص وأية الآماكن اللى ممكن اعرف منها نوع الموتور والسى سى بتعتة

الموضوع مهم جدا نظرا لخطورتة لآن ممكن يحصل لعب من طرف البائع سواء كان زيرو أو يوزد .
وحتى لو مفيش لعب للمعلومات العامة أزى أعرفهم وأفرق بينهم . رجاء المشاركة من الجميع .
وجزاكم الله خيرا

[LORD.ADeL]

عبدة باشااا ابسط شي يا صحبي
اذا كانت مستعمله شوف رخصه العربية مكتوب فيها ايه ؟,,
واساسي هيكون مكتوب فى رخصه ايه وكم سي سي وكل شي؟
و
اذا كانت زيرووو بردو ورقها هيكون مكتوب فيه كل معلومتها وربقم شاسيه بتعها كمان واذا حصل لعب فى ورق بتعا وعدى منك مش هيعدي من مرور واذا متلخبط خالص روح توكيل الدقي ومن وخليبهم يشفولك الدنيا فيهاايه بس؟
وبالنسبه للاوبشنز بديهي هيبان من سنتر وزجاج كهرباءء وتكيف .....((:
((: وباذن الله خير و وطمنااا

[Abdm]

ألف شكر ليك يا أبو عادل بس من ناحية الآوراق أنا مش قلقان قوى لكن أنا بسأل اذاى أقدر أعرف بنفسى عن طريق فحص العربية ككل أو الموتور بالآخص اذاىىىىىىىىىىىىىىى How How
وشكرا لكم جميعا على حسن تعاونكم معنا

[x_gomgom]

افتح الكبوت و بص في كام سبك بوجيه ظاهر امامك...
ال 800 سي.سي غالباً 3 سلندر هتلاقي 3 سلوك بوجيهات امامك رايحين على المكنه ..
و في حاله ال 4 سلنر ال 1100 هتلاقي 4 سلوك...
يا رب اكون افدت

[Abdm]

افتح الكبوت و بص في كام سبك بوجيه ظاهر امامك...
ال 800 سي.سي غالباً 3 سلندر هتلاقي 3 سلوك بوجيهات امامك رايحين على المكنه ..
و في حاله ال 4 سلنر ال 1100 هتلاقي 4 سلوك...
يا رب اكون افدت

يا باشا ألف شكر ليك على الرد كلامك مظبوط 100 فى 100 بالنسبة للموضوع بتعنا لكن لو فى عربيات تانية زى مثلا فيات 128 ال 1100 و 1300 أو شاهين 1400 و 1600 دية عربيات كلها 4 سلندر أحنا طبعا بنعرف من الرخصة أو شكل العربية من الداخل أحيانا لكن لو الآتنين من الداخل زى بعض بالضبط وعايزين نستدل من مكان أخر داخل حوض الموتور يا ترى ممكن يكون فين بالضبط .الموضوع دة مفيد جدا للجميع برجاء اللى يعرف حاجة يكتبها وجزاكم الله خيرا

[Abdm]

سؤال تانى بس ما تنسوش السؤال الآول لآنة أهم. مع الآجابة على السؤال التانى اللى هو : أنا سمعت أن فى ألتو 1100 مكيفة فقط يعنى هاف أوبشنز بدون كماليات تكييف فقط بدون زجاج كهربا أو سنتر أو أنذار .هل هذا صحيح أم أن الآلتو 1100 ما فيش منها غير فول أوبشنز فقط . برجاء الرد على السؤال الثانى ومتابعة الآول . وشكرا

[Amr Axel]

بالنسبة للسؤال الاول : بتفرق في عدد السلندرات الــ 800 3 سلندر و الــ1100 4 سلندر بالاضافة انك تشوف رخصة العربية و رقم الشاسيه و الموتور

بالنسبة للسؤال التاني : ف الالتو الــ1100 بينزل منها حاجة واحدة بس تكييف و ازاز كهربة امامي و كاسيت و سنتر

[Abdm]

بالنسبة للسؤال الاول : بتفرق في عدد السلندرات الــ 800 3 سلندر و الــ1100 4 سلندر بالاضافة انك تشوف رخصة العربية و رقم الشاسيه و الموتور

بالنسبة للسؤال التاني : ف الالتو الــ1100 بينزل منها حاجة واحدة بس تكييف و ازاز كهربة امامي و كاسيت و سنتر

بالنسبة للسؤال الآول : أنا شرحت مثال لنوعبين من المواتيير بينزلوا فى عربية واحدة زى 128 أو الشاهين الآثنين 4 سلندر . نعرف أزاى من غير الآوراق والرخص يعنى بالفحص أزاى نعرف ونفرق من جوة حوض الموتور بعد ما أفتح الكبوت على طول أن دية 1400 ودية 1600 بالنسبة للشاهين .أو 1100 و1300 بالنسبة لل 128

بالنسبة للسؤال التانى : أنا سئلت فى التوكيل الدقى قلى فية ألتو 1100 تكييف وراديو سى دى فقط مش فول أبشنز . الكلام دة معناة أية
يا ريت الآجابة الوافية الشاملة الكاملة يا أجدع شباب وما تأخروش عليا . وجزاكم الله خيرا

[bmw323]

الألتو ال 1100 مفيش منها غير فئة واحدة كاملة 2 زجاج كهرباء أمامى وتكيف وباور وسنتر وكاسيت أما ال800 فيها 3 فئات كاملة نفس كماليات ال1100 والفئة التانية 800 تكييف فقط والثالثة بدون أى كماليات
يارب أكون قدرت أفيدك

[YoussefMostafa]

بالنسبة للسؤال الاول نظرة سريعة ع العدادات هتعرف الفرق

ال1100 فيها عداد ار بي ام واضاءة العدادت خضرة اما ال800 عدادات باضاءة برتقالي ولا يوجد ار بي ام

[E30power]

مش عارف الكلام دة اتغيرالسنادى ولا لا .......بس واحد صاحبى معاة الالتو وكان بيقولى ان ال 1100 بيكون الاكصدام ادام نفس لون العربية ....اما ال 800 بيكون لونها اسود ......كنظرة سريعة

[YoussefMostafa]

مش عارف الكلام دة اتغيرالسنادى ولا لا .......بس واحد صاحبى معاة الالتو وكان بيقولى ان ال 1100 بيكون الاكصدام ادام نفس لون العربية ....اما ال 800 بيكون لونها اسود ......كنظرة سريعة

كلام حضرتك صح

بس الالتو ال 800 الكاملة اكصدماتها بلون العربية

[Abdm]

أنا لما سئلت فى الدقى على الآلتو ال 1100 قلى الموجود حاليا موديل 2009 وثمنها بعد الخصم 51000 وأنها من غير سنتر أو أنذار أو أزاز كهربا ومن غير rpm و الاكصدام لونة أسود مش نفس لون العربية فقط تكييف و راديو سى دى .أنا مش عارف هو النوع دة موجود فعلا ولا هو أدانى معلومات مش صحيحة وأذاى أنا أعرف نوع العربية بنفسى . وجزاكم الله خيرا

[tahayt]

طيب يا جماعة حد يعرف السعر الحقيقى حاليا للثلاث فئات ال800 عشان السعر المعلن اعتقد انة اغلى من الحقيقى مثلا ال1100 معروضة فى كونتاكت ب 60 الف مع انها بقت ب55 فاعتقد ان باقى الفئات المفرض ترخص
و شكرا

[Abdm]

حاليا أنا لسة مكلم التوكيل بتاع الدقى قلى الموجود حاليا بالنسبة للألتو 1100 هى الهاف أبشنز تكييف موديل 2009 فقط ب 51000 بعد التخفيض ألفين جنية علشان موديل السنة الجديدة علشان كانت ب 53000 تقريبا وهو دة الموديل اللى هينزل بعد كدة وقالى بالنسبة للفول أوبشنز كانت ب 60000 وعلشان هى غالية بطلوا ينزلوها ونزلوا مكانها السلاريو فول أوبشنز أرخص من الآلتو فول أوبشنز والآلتو هتبقى هاف أوبشنز فقط بعد كدة علشان السعر العالى بتاعها فول أوبشنز . الفول أوبشنز لو موجودة فى السوق هتكون بواقى 2009 وهتكون فى حدود 55 أو 56 ألف لكن التوكيل ما عندهوش فول أوبشنز. والله الموفق