شويه حاجات نفسها اعرفها عن الماروتي

[romeo_6887]

دلوقتي انا هموت و اشتري العربيه الجميله دي
بس في نفس الوقت مقدرش ابيع اللانوس
فهنفترض اني ناوي اشتري
و عايز اعرف معلومات عامه عنها
لان معلوماتي ضعيفه شويه في الماروتي
1- انا طولي 183 سم فهل هتبقي مناسبه بالنسبه ليا و لأ ؟
2- ممكن يتحطلها بنزين 80 و لا لأ ؟
3- لو الواحد اكل بيها نؤره و لا حاجه ممكن حاجه تحصل في العفشه و لا عادي ؟
4- هل العربيه جرايه و بتجمع بسرعه و لا لأ ؟
5- هي العربيه ناعمه كده زي اللانوس و لا لأ ؟
6- ايه الكماليات اللي بتنزل معاها ؟
7- هل الواحد ممكن يجنط عادي ( جنط 13 مثلا ) ؟
8-قطع غيارها متوافره بره التوكيل زي مثلا اللانوس ولا لأ ؟
9- ايه مستوي التوكيل بتاعها ؟
10- هل في عيوب مشتركه ظهرت فيها ؟
ياريت حد يرد علي اسئلتي من باب اني عايز ابقي فاهم في العربيه دي
عشان لو حصلت معجزه اشتريها و انا فاهم بجوار اللانوس
و ميرسي مقدما لوحوش الماروتي

[Abdm]

نصيحة منى يا باشا أنت طالب موسوعة عن الماروتى لكن ممكن حضرتك تقرأ فى الموضوعات المهمة "مميزات وعيوب الماروتى بالتفصيل " دية حاجة أما الحاجة الثانية كل سؤال من أسئلة حضرتك مكتوب عنة موضوعات كتير هنا يعنى كل أسئلة حضرتك تعتبر القسم كلة ممكن حضرتك أولا تتصفح كل الموضوعات هتلاقى كل الآجابات ولو فى أى أسئلة لحضرتك بعد كدة ممكن تسئلها منفردة فى موضوع مخصوص أو داخل الموضوع نفسة اللى حضرتك عايز تستفسر عنة وأسف على الآطالة .وبالتوفيق ان شاء الله

[romeo_6887]

نصيحة منى يا باشا أنت طالب موسوعة عن الماروتى لكن ممكن حضرتك تقرأ فى الموضوعات المهمة "مميزات وعيوب الماروتى بالتفصيل " دية حاجة أما الحاجة الثانية كل سؤال من أسئلة حضرتك مكتوب عنة موضوعات كتير هنا يعنى كل أسئلة حضرتك تعتبر القسم كلة ممكن حضرتك أولا تتصفح كل الموضوعات هتلاقى كل الآجابات ولو فى أى أسئلة لحضرتك بعد كدة ممكن تسئلها منفردة فى موضوع مخصوص أو داخل الموضوع نفسة اللى حضرتك عايز تستفسر عنة وأسف على الآطالة .وبالتوفيق ان شاء الله

تمام يا سعاده الباشا
هتصفح الموضوعات

[khaled_amer]

مع احترامي للماروتي و عن تجربه مافيش مقارنه بين الماروتي و اللانوس و اللي اخد على اللانوس مستحيل يركب ماروتي

[srm]

لو سمحتو يا جماعه انا ان شاء الله ناوى اشترى ماروتى 2010 وكان نفسى اسأل سؤال هو الفتيس بتاعها ناعم فى النقلات بتاعتو ولا تقيل لان انا كان عندى عربيه فيات وبعتها لان الفتيس بتاعها كان تقيل اوى وكنت بتخنق منو وشكرا يا شباااااااب.........

[m7nsh]

دلوقتي انا هموت و اشتري العربيه الجميله دي
بس في نفس الوقت مقدرش ابيع اللانوس
فهنفترض اني ناوي اشتري
و عايز اعرف معلومات عامه عنها
لان معلوماتي ضعيفه شويه في الماروتي
1- انا طولي 183 سم فهل هتبقي مناسبه بالنسبه ليا و لأ ؟
2- ممكن يتحطلها بنزين 80 و لا لأ ؟
3- لو الواحد اكل بيها نؤره و لا حاجه ممكن حاجه تحصل في العفشه و لا عادي ؟
4- هل العربيه جرايه و بتجمع بسرعه و لا لأ ؟
5- هي العربيه ناعمه كده زي اللانوس و لا لأ ؟
6- ايه الكماليات اللي بتنزل معاها ؟
7- هل الواحد ممكن يجنط عادي ( جنط 13 مثلا ) ؟
8-قطع غيارها متوافره بره التوكيل زي مثلا اللانوس ولا لأ ؟
9- ايه مستوي التوكيل بتاعها ؟
10- هل في عيوب مشتركه ظهرت فيها ؟
ياريت حد يرد علي اسئلتي من باب اني عايز ابقي فاهم في العربيه دي
عشان لو حصلت معجزه اشتريها و انا فاهم بجوار اللانوس
و ميرسي مقدما لوحوش الماروتي

اهلا بيك يا روميو .. منور القسم :)
1- تناسبك جدا
2 - انا بحطلها 80 من بعد تفويلتين 90 فقط اول ما جبتها (زيرو )
3 - ياما كلت بيها مطبات و نقر,, اخرهم جبل ع سرعه 100 و شيكت بعدها ع العفشه و الزوايا و كله تمام بفضل الله
4 - بتجمع بسرعه معقوله لحد 100 ,, لكن بعد ال 100 التجميع هيقل بشكل ملحوظ
5 - انا مسقتش لانوس الصراحه ,, بس العربيه كفتيس ناعم و دبرياجها زى الريشه و الدركسيون خفيف رغم انه مش باور
6 - موديل 2010 بينزل ب سنتر و انذار و كاست زى ما قال بعض الأعضاء فى مشاركات تانيه
7 - ينفع طبعا مع تعريض الكاوتش .. وانا ناوى على الخطوه دى قريب جدا
8 - قطع الغيار متوفره جدا ,, بس مش زى اللانوس اللى ماشاء الله تروح للبقال تقوله نص رومى و فلتر زيت
9 - التوكيل مش أد كده .. لأهتمامه بالنسيان اللى كعبها عالى هنا اوى على حساب السوزوكى اللى حظها قليل فى مصر ( الوكيل مودرن موتورز).. بس عموما مش هتحتاجه و كل صياناتها ممكن تتعمل بره مع اى مكيانيكى
10 - مشفتش منها حاجه وحشه لا انا و لا حد من الأعضاء هنا .. باستثناء الشنطه الصغيره و اللى مع تنى الكنبه اللى ورا بتديك مساحه محترمه فعلا تعوض صغر الشنطه

اتمنى اكون افدتك يا زعيم :)

[romeo_6887]

مع احترامي للماروتي و عن تجربه مافيش مقارنه بين الماروتي و اللانوس و اللي اخد على اللانوس مستحيل يركب ماروتي

اصلي نفسي اركب زيرو عشان اتخنقت من المستعمل

[romeo_6887]

اهلا بيك يا روميو .. منور القسم :)
القسم منور باصحابه يا باشا
2 - انا بحطلها 80 من بعد تفويلتين 90 فقط اول ما جبتها (زيرو )
يعني نسبه الانضغاط اقل من 10 فينفع تحطلها 80 و لا بتحطلها 80 بالحب و التراضي زي ما ناس بتحط 80 للفيرنا و اللانوس مش عارف ازاي
7 - ينفع طبعا مع تعريض الكاوتش .. وانا ناوى على الخطوه دى قريب جدا
ان شاء الله تجنط قريب و متنساش تجيبلنا الصور
8 - قطع الغيار متوفره جدا ,, بس مش زى اللانوس اللى ماشاء الله تروح للبقال تقوله نص رومى و فلتر زيت :s_thum1[1]:
ههههههههههههههههههههههه لا حلوه بس انا مبكلش جبنه رومي هههههههههه
اتمنى اكون افدتك يا زعيم :)

و احسن افاده يا باشا
بس اتمني اشوفك في اقسام المنتدي التانيه

[m7nsh]

فعلا ياروميو نسبه الأنضغاط بتاعها 8.8 فمش مشكله خالص مع ال80 .. بس ال90 و ال92 بيفرقو جدا معاها و بتبقى فايقه كتير عن ال80
و على كلام المانوال بيقول حطلها بنزين ميقلش نسبه الأوكتان فيه عن 85
ووالله ياروميو بادخل العام و الاجتماعى غالبا بس الدخول قليل عشان الامتحانات و الخرف الأزرق ده .. ربنا يعدى الأيام دى ع خير :)

[LORD.ADeL]

شوف ياروميو الراجل قالك كلام زى الفل محدش يقول حاجه تانى بعدة
وباختصار هيا زى الشعار اللى في صورتك دى بالضبط بس ع شعبيى شويااا ((:

[romeo_6887]

فعلا ياروميو نسبه الأنضغاط بتاعها 8.8 فمش مشكله خالص مع ال80 .. بس ال90 و ال92 بيفرقو جدا معاها و بتبقى فايقه كتير عن ال80
و على كلام المانوال بيقول حطلها بنزين ميقلش نسبه الأوكتان فيه عن 85
ووالله ياروميو بادخل العام و الاجتماعى غالبا بس الدخول قليل عشان الامتحانات و الخرف الأزرق ده .. ربنا يعدى الأيام دى ع خير :)

يعني من الافضل تحطلها بنزين 90
و ان شاء الله ناجح و بتفوق كمان