الحقوا يا ماريوتية

[tenen10]

انا رحت معرض مصر للسيارات عشان اشوف ماروتي 2010
اول حاجة:لقيت مكتوب عليها مصنوعة في الهند هيا مش المفروض ياباني
ثاني حاجة:لقيت حاجة مكعبرة في التابلوه كدة وطالع منها بوزين اتاريه كاسيت بس شكله موديل السبعينات

ثالث حاجة:لقيت فيها جهاز انزار بس مجربتوش صراحة بس اكيد هوا كمان تعبان والعربية ب 37000 في المصرية للسيارات جانب اكاديمية طيبة الي في المعادي

رابع حاجة:سالت الراجل الي هناك معرفش هوا وظيفته ايه هوا زي موظف استقبال كدة هيا ينفع يتركبلها تكيف بصلي من فوق لتحت انا والعربية وقلي لاااااااا

بس انا بشوف معروض علي النت ماروتي مستعملة وفيها تكيف يعني في ناس ركبت مشعارف حاسس ان الواحد لو جبها هياخذ مقلب ومشهيتركبلها محدش ركب فيكوا يا جماعة تكيف؟؟؟؟؟؟؟؟

[pharonicking]

مش حتستحمل التكييف"

[Abdm]

أنا سوف أجيب على بعض النقاط اللى متأكد منها

أولا هيا سيارة يابانى قطع غيار لكن تقفيل هندى ممتاذ
موديل 2010 نازلة بسنتر وكاسيت وأنذار
العربية بيركبلها تكييف تبع التوكيل أو شركات تانية متخصصة لكن دة لا يمنع أن ممكن تحس بضعف فى السحب فى العربية مع التكييف لكن بيركبلها . والله الموفق

[ehab_11_22]

تكييف على 800 سى سى مش هايبقى تمام
تانى حاجى لازم تلاحظ ان العربية امكانيتها على قد فلوسها
لو عايز تشترى انصحك تجيب موديل 2009 وتركبلها انت الكاسيت الى على مزاجك بس المشكلة انك ممكن تخرج من ضمان الكهرباء

لاكن لعربية جميلة اقتصادية موفرة وبتجرى كويس

[dolly13]

انا كنت اشتريت العربية دى زيرو موديل 2007 وكانت فاضية بدون الكاسيت والكلام ده ب36.500
هى العربية جميلة جدا بالنسبة لسعرها وكانت تقفيل هندى برده
لكن التكييف على الموتور ده هايقلل سحبها جدا ومش هاتبقى ممتعة خالص

[mrghost]

على فكره عربيه موفره جدا فى البنزين وناعمه اوى وسحبها حلو والانذار اللى فيها نوعه وولف وضمانه 5 سنوات

[joly010]

بخصوص تكيف الماروتى انا لدى سيارة ماروتى موديل 2008 قمت بتركيب تكيف لها فى البداية ذهبت للتوكيل وعرفت ان التكيف بيركب بحوالى 5000 جنيه فذهبت لوكالة البلح مع فنى تركيب النكيفات وصيانتها واشتريت كل مستلزمات التكيف وكلفتنى 1500 جنيه وهى للعلم مفكوكة امامى من سيارة سوزوكى ماروتى موديل التسعنيات سيارة استعمال خارج والمصنعية كلفتنى 500 وشويه خراطيم بتاعت الضايو لان خرطيم التكيف بتاعتها موجودة فى التوكيل بس ومش بيبعوها بس بتاعت الضايو بتركب عليها ومستلزمات بحوالى 250 جنيه يعنى التكلفة النهائية 2250 تقريبا .

بالنسبة لسحب السيارة على الطرق السريعة لا اشعر بفرق لكن داخل الشوارع والمشى البطىء طبعا احس بفرق بس للامانة مش كبير عن الاول بس بيقولو الماتور بيهلك من الماشى البطىء مع التكيف بس سورى فى التعبير اللى عايز الدح ميقولش اح هههههههههه وللعلم انا ركبت هيونداى اتوس هى مكيفة وداخل شوارع القاهرة والزحمة بتحس ان السيارة عايزة تتجر لما اكون مشغل التكيف انا سيارتى افضل منها بالرغم من انها 800 سى سى هذه هى تجربتى

الحاجة الوحيدة اللى دوختنى لحد لما ارتحت هى سير الدينمو وسير الكمبروسر بتاع التكيف انا عانيت لحد لما لقيت سيور مش بتتمط من الحرارة انا جربت كل الانواع وجبت الكورى واليبانى والتركى
ومفيش سير مشى معايا كويس وبقالى كتير اوى معايا غير السيور الصينى اللى بــ 5 جنيه والله كلامة صدق . وجبته منين من جنب محمد ذكى بتاع قطع غيار السوزوكى فى واحد فاتح بس بيبيع حاجت السوزوكى بس الصينى منها وللعلم ارخص وبتعمر عن الحاجات اللى عند محمد ذكى


هذه تجربتى الشخصية وحبيت انقلها لكم انا سيارتى موجودة معايا حتى الان وبفكر اجنطها لو حد مر بتجربت الجنوط ياريت يكتبلى عن الماقاس الممتاز اللى مايأثرش على العفشة سيارتى من 8/2008 الى الان 2/2010 عملة 32000 كيلو متر تقريبا

[romeo_6887]

انا رحت معرض مصر للسيارات عشان اشوف ماروتي 2010
اول حاجة:لقيت مكتوب عليها مصنوعة في الهند هيا مش المفروض ياباني دي حاجه معروفه من زمان
ثاني حاجة:لقيت حاجة مكعبرة في التابلوه كدة وطالع منها بوزين اتاريه كاسيت بس شكله موديل السبعينات دي ازواق

ثالث حاجة:لقيت فيها جهاز انزار بس مجربتوش صراحة بس اكيد هوا كمان تعبان والعربية ب 37000 في المصرية للسيارات جانب اكاديمية طيبة الي في المعادي العربيه علي قد فلوسها

رابع حاجة:سالت الراجل الي هناك معرفش هوا وظيفته ايه هوا زي موظف استقبال كدة هيا ينفع يتركبلها تكيف بصلي من فوق لتحت انا والعربية وقلي لاااااااا :t_thum1[1]: مينفعش يتركبلها تكييف خالص عشان المحرك سعته صغيره

بس انا بشوف معروض علي النت ماروتي مستعملة وفيها تكيف يعني في ناس ركبت مشعارف حاسس ان الواحد لو جبها هياخذ مقلب ومشهيتركبلها محدش ركب فيكوا يا جماعة تكيف؟؟؟؟؟؟؟؟:_alshmokh08[1]:

ماروتي التسعينات كان فيها تكييف و يمكن و الله اعلم كان مناسب لكن دلوقتي مش مناسب

[rockana9112007]

ياجماعة تعالو نحسبها واحدة واحدة بالعقل
العربية فى بلدها فيهاااا تكييف ...يبقى التوكيل مبنزلهاش بتكييف عشان يعنى بيفهم اكتر من اللى صنعوها ؟؟؟ولاعاوز يوفر ويكسب اكتر وميتكلفش كتير زى كل التوكيلات فى مصر

ثانياااا
الصيف فى مصر اصبح جهنم وصيف غير عادى فوجود التكييف فى العربية مبقاش رفاهية دى ضرورة عشان الناس تقدر تعيش
والناس اللى راكبة الماروتى او بتفكر فيهاااا اعتقد انها ناس ملهاش فى المنظرة خالص
وعاوزة حاجة تقضى الغرض فأعتقد انها مش بالضرورة عاوزة تكييف تلاجة يعنى

وموضوع انه بيأثر فى الموتور فبشمهندس سبعاوى حسم النقطة دى من زمان

اعتقد انى لو مكان صاحب العربية كنت هركب تكييف بالطبع وهعمل زى مالعضو الكريم عمل وهروح افكها من عربية استيراد او اعرف نوع التكييف اللى راكب عليها بتاع بلدها وهجيبة
لان اكيد هو اللى مناسب تماما على العربية
ثانيااا ههتم بالعزل الحرارى للزجاج بتاع العربية
وههتم بدورة التبريد بتاعت العربية
وشكراااا

[romeo_6887]

ياجماعة تعالو نحسبها واحدة واحدة بالعقل
العربية فى بلدها فيهاااا تكييف ...يبقى التوكيل مبنزلهاش بتكييف عشان يعنى بيفهم اكتر من اللى صنعوها ؟؟؟ولاعاوز يوفر ويكسب اكتر وميتكلفش كتير زى كل التوكيلات فى مصر

ثانياااا
الصيف فى مصر اصبح جهنم وصيف غير عادى فوجود التكييف فى العربية مبقاش رفاهية دى ضرورة عشان الناس تقدر تعيش
والناس اللى راكبة الماروتى او بتفكر فيهاااا اعتقد انها ناس ملهاش فى المنظرة خالص
وعاوزة حاجة تقضى الغرض فأعتقد انها مش بالضرورة عاوزة تكييف تلاجة يعنى

وموضوع انه بيأثر فى الموتور فبشمهندس سبعاوى حسم النقطة دى من زمان

اعتقد انى لو مكان صاحب العربية كنت هركب تكييف بالطبع وهعمل زى مالعضو الكريم عمل وهروح افكها من عربية استيراد او اعرف نوع التكييف اللى راكب عليها بتاع بلدها وهجيبة
لان اكيد هو اللى مناسب تماما على العربية
ثانيااا ههتم بالعزل الحرارى للزجاج بتاع العربية
وههتم بدورة التبريد بتاعت العربية
وشكراااا

انت جبت الزتونه يا ريس
بس انا مش من مفضلي اللعب في العربيه
و خصوصا حاجه كبيره زي التكييف
في عربيه زيرو