فلتر زيت الماروتى !!!!!!!!!!!!!!

[mrghost]

السلام عليكم ورحمه الله وبركاته
بعد معاناه مع فلتر زيت الماروتى لتغييره اكتشفت الاتى
دورت عليه عند كل بتوع الزيت ولم اجده الا عند بتاع قطع الغيار
لازم علشان افكه او اركبه لازم افك الاكصدام الامامى
والحمد لله ركبته لوحدى بعد معاناه

[Abdm]

أنت تعبت نفسك جامد قوى عايز الصراحة كان المفروض تروح الآول لميكانيكى كويس تعرف هو هيركبة أزاى الآول أو تسئل لكن تعمل كل دة . مش معقولة أى ميكانيكى علشان يركب فلتر هيفك أكصدام لكن أن بتكلم علشان تعبك الكتير أوى دة . وكنت ممكن تشترية من التوكيل وتخلى أى ميكانيكى برة يركبة وأبقى أعرف منة هو بيركبة أزاى بس أقولك بردة أنك 100 100 لكن حاول تتعلم من برة الآول علشان توفر كل المجهود دة . وفين بتاع قطع الغياراللى جبت منة الفلتر .والله المستعان

[spider_amrdiab]

فعلاا كنت تروح لتتوكيل و تخليه يركبهولك بدل وجع الدماغ

[josephn]

السلام عليكم ورحمه الله وبركاته
بعد معاناه مع فلتر زيت الماروتى لتغييره اكتشفت الاتى
دورت عليه عند كل بتوع الزيت ولم اجده الا عند بتاع قطع الغيار
لازم علشان افكه او اركبه لازم افك الاكصدام الامامى
والحمد لله ركبته لوحدى بعد معاناه

هو أنت مكنتش لائيه ليه هو لازم نوع معين للفلتر و لا أى نوع ممكن يتركب

[mohamed_kta]

أظن أن الفلتر متوفر عند كل بتوع قطع غيار السوزوكى و فى حدود 30-35 ج و أنا شخصياً بغيره فى البنزينه .

[abogogo]

الفلتر عند اي بتوع زيت وغيرته عند بتاع زيت بـ 30 جنية هو فعلا مكانه صعب ورخم شويه عند التغيير بس فك الاكصدام دبكة وشغلانه وخصوصا لو مركب فوجات في الاكصدام زي كده

[mrghost]

شكرا لكل الردود دى ياجماعه
بس انا قبل ما اركبه بتاع الزيت هو اللى قالى انه لازم افك الاكصدام لان الفلتر فى مكان ضيق اوى
والفلتر جبته من العاشر من رمضان ب 12 جنيه ونوعه مصرى

[abogogo]

والفلتر جبته من العاشر من رمضان ب 12 جنيه ونوعه مصرى

ياباني ياباشا !!!! 30 جنية

[romeo_6887]

كان لازم تروح للميكانيكي

[Abdm]

طيب هل الفلتر بتاع الماروتى أو الآلتو أو أى قطع غيار أخرى ممكن أشترية من التوكيل . ولا التوكيل ما يبعش أى قطع غيار وجزاكم الله خيرا

[LORD.ADeL]

طيب هل الفلتر بتاع الماروتى أو الآلتو أو أى قطع غيار أخرى ممكن أشترية من التوكيل . ولا التوكيل ما يبعش أى قطع غيار وجزاكم الله خيرا

مش شرط توكيل انت يعنى مش بتشوف اللى بيحصل هناك معاك يعنى فلوس عايز تتطيرها روح هناك
مهم سيبك
الخلاصه عندك واحد بتاع قطع غيار فى مطبعه فيصل تدخل فى الشارع اللى ع نصيته شبراوي
لاخرة وانت بتعمل يوترن تانى علشان تتطلع ع فيصل هتلاقيه فى وشك اسمه جيزة بتاع قطع غيار ماروتي واكيد هيكون للاتو..؟
==
وعندك بتاع التوفيقيه سنتر سوزوكي بردو هتلاقي فيه باذن الله كل شي فى العربيه ؟
انت بس خش شراع اللى امام سنترال هناك واسئل ع سنتر دة الف مين يدلك ...

[Abdm]

شكرا أوى يا لورد

بس أنا كنت عايز أعرف أنت رحت فين أنت ومحنش والبشمهندس سبعاوى وكل الحبايب .بقالك كتير غايب عن القسم . خير أنت كويس . وأية سبب عدم تواجدك
يا باشا أنا عايز أطمن عليكم بس وبكون سعيد بتواجد جميع الآخوة هنا فى قسم السوزوكى بالذات . وربنا يطمنا عليكم دايما وتكونوا بخير . والسلام عليكم ورحمة الله وبركاتة

[LORD.ADeL]

الشكر لله يا عبدة
الحمدلله انا بخير ويعنى هوا مشاغل مش اكتر يا غالي بس بتابع ع السريع واعتقد ان محنش وباقي نفس الكلام وباذن الله كل ناس تكون بخير وصحه ومعلش ماقلتش لك مبروك ع عربيتك ربنا يبارك لك فيها ويكفيك شر عجلها يارب وربك يسهل يا عبدة تقبل تحياتى وتسلم ع شعورك الطيب دة

[mohamed_kta]

التوكيل بيبيع الفلتر بـ 50 ج ده غير أنهم مستحيل هيرجعولك باقى الزيت لو هتغير عندهم أنصحك بنزينه و تكون فوق دماغ الصنيعى هناك .

[tamercc]

و لو تعبت فى موضوع الفلتر خد نصيحة اخوك و ركب فلتر السيفيا زى مانا مركبه...و ادعيلى