ماروتى 2010

[medo_sirion]

السلام عليكم
كنت محتاج مساعد هل حد يعرف الماروتى نزلت 2010 ولا لاسة واكون شاكرا ليكم

[RAMYALI_1982]

او نزلت كاسيت وسنتر وانزار 36500 عند المصرية

[Abdm]

تمام كدة فعلا هى نزلت بس علشان تكون عارف للمعلومة هو سعرها الرسمى 38000 لو أى مكان عامل تخفيض يبقى كويس بس أحترس من المصرية فى ناس كتير هنا بتحذر منهم . وربنا يسترها معانا جميعا

[medo_sirion]

يعنى ملهاش وكيل اشتريها منة

[Abdm]

يعنى ملهاش وكيل اشتريها منة

عندك مودرن موتورز فرع المساحة الدقى ممكن تشتريها منة هو الوكيل بتعها بس تقريبا بالحجز أو السبع أوتوموتيف اللى فى مصر الجديدة تقريبا بدون حجز أو سمير ريان أو أى مكان تانى يكون ثقة وكويس . والله الموفق

[RAMYALI_1982]

انا بس سالت على السعر عشان كدة قلت المصرية بس بصراحة فعلا ابعد عنهم اوتو سمير ريان هايكون احسن لو عامل تخفيض على الكاش واللة الموفق

[mrghost]

انا جبتها ب 38 الف جنيه من معرض اسمه gear one فى مكرم عبيد بمدينة نصر كاسيت وانذار وسنتر

[bayoumisoft]

انا جبتها ب 38 الف جنيه من معرض اسمه gear one فى مكرم عبيد بمدينة نصر كاسيت وانذار وسنتر

ممكن تقولنا اية اخبار العربية معاك؟؟؟؟؟؟

[mrghost]

ممكن تقولنا اية اخبار العربية معاك؟؟؟؟؟؟

العربيه ناعمه وسحبها كويس بس طبعا لما بتحمل ناس كتير بتوطى والمساعدين الخلفيه بترزع فى المطبات غير كده اقتصاديه فى البنزين وثباتها معقول

[romeo_6887]

العربيه ب 38000 جنيه
فيها كاسيت و سنتر
و حاول تجيبها من التوكيل افضل

[medo_sirion]

السلام عليكم
بجد لازم اشكر كل الاهضاء اللى نصحونى وبخلوش عليا باى معلومة
ثانيا انا استلمت العربية انهردة 2010 لونها احمر عداد 91 ك
وجبتها 37000 ج

[Abdm]

ألف مبروك يا باشا وربنا يستر طريقك ويديك خيرها ويكفيك شرها
وعلى مهلك فى التليين ما تزدش عن 60 : 80 كيلو لغاية ال 1000 كيلو الآولى .
ربنا يسترها معانا جميعا ويكفينا شر الطريق

[TheQueenMary]

طب يا جماعة لو حبيت اجيب ماروتى 2010 بالقسط من اى حد كويس من اللى قولتوا عليهم (مودرن موتورز او سمير ريان او جير وان ) و هدفع مقدم 15000 و يكون القسط على خمس سنوات ،هيكون القسط كام؟؟؟ و الفايده كام؟؟؟ للوظائف الحكوميه (هيئة تدريس جامعيه ) علشان انا اعرف ان الوظائف الحكوميه بتكون فايدتها اقل من المهن الحره اللى بيحطلها فوايد عليه
و كمان عايزه اعرف اذا كان هناك اى مصاريف خفيه ..... مثل التأمين و خلافه هتكون اد ايه ؟؟؟ علشان اعرف انا فى النهاية هدفع اجمالى كام ؟؟؟
جزاكم الله خيرا و جعل كل من يتقدم ليقول نصيحه او معلومه ان تكون فى ميزان حسناته

شكرا مقدما
بسنت

[Abdm]

طب يا جماعة لو حبيت اجيب ماروتى 2010 بالقسط من اى حد كويس من اللى قولتوا عليهم (مودرن موتورز او سمير ريان او جير وان ) و هدفع مقدم 15000 و يكون القسط على خمس سنوات ،هيكون القسط كام؟؟؟ و الفايده كام؟؟؟ للوظائف الحكوميه (هيئة تدريس جامعيه ) علشان انا اعرف ان الوظائف الحكوميه بتكون فايدتها اقل من المهن الحره اللى بيحطلها فوايد عليه
و كمان عايزه اعرف اذا كان هناك اى مصاريف خفيه ..... مثل التأمين و خلافه هتكون اد ايه ؟؟؟ علشان اعرف انا فى النهاية هدفع اجمالى كام ؟؟؟
جزاكم الله خيرا و جعل كل من يتقدم ليقول نصيحه او معلومه ان تكون فى ميزان حسناته

شكرا مقدما
بسنت

لو عايزة ماروتى 2010 ما تتعامليش مع المعرض فى التقسيط لآنة كدة كدة حيحوليك لبنك ويأخذ عمولة أزيد وفائدة أعلى أتعاملى مباشرة مع بنك محترم فائدة بسيطة تقريبا متوسط 6.5 %
يعنى هيأخد منك فى 5 سنوات 7500 جنية
وفى الشهر القسط بالفائدة هيكون كلة على بعضة 385 قسط المبلغ الآساسى المتبقى اللى هو 23000 جنية + 125 جنية قسط الفأئدة = 510 جنية

التأمين حوالى 2% من المبلغ الآساسى سنويا يعنى حوالى 800 جنية مع شركة محترمة والتأمين دة أختيارى مش أجبارى
وبعد كدة مصاريف الترخيص حوالى 1000 جنية بالكتير لكل حاجة لمدة ثلاث سنوات ويا ريت تتعاملى مع بنك يكون ما بيعملش حظر بيع أو بأخد نسخة من المفتاح .علشان تعرفى ترخصى ثلاث سنوات وتقدرى تبيعى فى أى وقت أنت عايزاة . والله الموفق

[TheQueenMary]

شكرا اخى عبد الحى على ردك السريع و الفورى جزاك الله الف خيرا

معلش عندى استفسار هو انا هاخد قرض من البنك و اروح اشترى من المعرض و له هشترى السياره من البنك مباشر بدون معرض ( معلش اصلى ما فهمتش اوى اعذرنى خبرتى ضعيفه فى المواضيع ديه ) و اى بنك بيعمل كده اسمه ايه يعنى ؟؟؟ و لازم يبقى ليه حساب فيه ؟؟
و له هيدينى كده بضمان الوظيفه و له تحويل مرتب ؟؟؟ يعنى اعمل ايه ؟؟

شكرا ليك اوى
بسنت