تجربة جامدة مع الماروتى

[alking_2006]

طبعا يا جماعة انا الحمد لله اشتريت العربية امبارح موديل 99 و لسه طازه فى الدنيا بتاعة الماروتى بس بجد المنتدى هنا علمنى حاجات كتير فى الماروتى و انا حبيت احكيلكوا امبارح اللحظات الاولى السعيدة مع عربيتى الماروتى الجديدة .... و الله لسه مسمتهاش اسم ... بس بجد كانت لحظات سعيدة

المهم انا قبل مشتريها صاحبتها قالتلى ان العربية الترموستات بتاعه مروحة الرادياتير بايظة و انها عاملها زرار فى التابلوه علشان تشغل المروحه بنفسها اول ما تشوف الامبير بتاع الحرارة عدى النص و طبعا الحوار دا بيخنق و خصوصا لما تمشى مشوار طويل و الدنيا حر و ممكن تنسى تبص على الامبير و الماتور لا قدر الله يحصله حاجة - المهم روحت عند الميكانيكى و اشتريت 1 ترموستات رادياتير هندى بعلبته ب 45 جنيه و لازم تشتريه بعلبته علشان تتأكد انه اصلى علشان انا لقيته من غير علبه و ب 35 جنيه و طبعا الراجل بيحلف ميت يمين انه هندى و اصلى و كمان اشتريت 1 كتاوت يوغسلافى ب 15 جنيه و الحمد لله المروحه بقت بتشتغل اوتوماتيك اول ما الماتور يسخن و شويه هركب تربو و اطير بيها

[RAMYALI_1982]

ياباشا الفين مبروك ربنا يباركلك فيها ويديلك خيرها ويكفيك شرها ياترى وقفت عليك بكام وعاملة كام كيلو

[Abdm]

ألف مبروك يا باشا وربنا يباركلك فيها ويستر طريقك ويكفيك شرها وعلى مهلك فى المشى ما تجريش جامد . والله المستعان

[alking_2006]

ياباشا الفين مبروك ربنا يباركلك فيها ويديلك خيرها ويكفيك شرها ياترى وقفت عليك بكام وعاملة كام كيلو

الله يبارك فيكوا جميعا ربنا يخليكوا
هيا ماروتى موديل 99
عاملة 87000 كيلو
على 16000 جندى

يا ترى مناسب و لا ايه؟

[romeo_6887]

1000000000 مبروك يا باشا
و ان شاء الله تكون قدم السعد عليك

[alking_2006]

1000000000 مبروك يا باشا
و ان شاء الله تكون قدم السعد عليك

الله يبارك فيكوا يا جدعان يا ريت تقبلونى عضو جديد فى نادى الماروتيه الغلابه

[TheQueenMary]

الف ...الف مبروك

[aymansaad]

الف مبروك وربنا يبارك لك

[muhmado_furp]

الف مبروك
ربنا يباركلك فيها

[bayoumisoft]

ربنا يباركلك فيها ويديلك خيرها ويكفيك شرها

[josephn]

الف الف مبروك

[alking_2006]

الله يبارك فيكوا بجد حاسس انى وسط اخواتى

[mahmoud_magdy]

اولا مبروك عليك الماروتي وربنا يحفظهالك
وعاملها معامله كويسه علشان تعيش معاك ومتهلكهاش
ثانيا
انا كنت عاوز اسأل حضرتك اسئله اذا سمحت
اكيد انت شفت اكتر من ماروتي
ايه اخبار حالات العربيه واسعارها ؟
ايه الاماكن اللي دورت فيها على ماروتي؟
الموديل ده في تكييف ولا لا ؟
معلش انا اسألتي كتير
بس انا بفكر في ماروتي تكون معايا بعد فتره مش طويله ان شاء الله
ومحتاج اعرف الاماكن والاسعار والحالات واذا كانت مزوده بتكييف ولا لا علشان مش هعرف اركبها من غير تكييف حتى لو هركبوا
شكرا لسعة صدرك

[Abdm]

يا أخ musiccairo أية اللغة اللى مكتوب بيها فى محل الآقامة والسيارة بتاعت حضرتك

برجاء من سيادتك يا غالى تغيرها لآنها مش مفهومة . وأسف على تعليقى عليهم لكن ما ينفعش ما أقولكش وأنصحك
وجزاك الله خيرا

[mahmoud_magdy]

يا أخ musiccairo أية اللغة اللى مكتوب بيها فى محل الآقامة والسيارة بتاعت حضرتك

برجاء من سيادتك يا غالى تغيرها لآنها مش مفهومة . وأسف على تعليقى عليهم لكن ما ينفعش ما أقولكش وأنصحك
وجزاك الله خيرا

معقول اللغه دي مش مفهومه
عموما ان شاء الله هغيرها طلباتك اوامر حضرتك