ماروتي كسر الزيرو ولا برايد 99

[amamt606]

عايز اعرف انهي الاحسن تشتري ماروتي كسر الزيرو وتريح دماغك من مشاكل المستعمل ولا تجيب برايد 99 وتكون عربية اقوى

ياريت اللي جرب العربيتين يقول الاعتمادية بتاعتهم في المدينه وفي السفر

[Abdm]

كسر زيرو يعنى أستخدام سنة واحدة أو أثنين بالكتير قوى عدد كيلوهات تحت 10000 كيلو أو 15000 بالكتير
لو كدة يبقى ماروتى لآنها تعتبر زيرو
أما لو غير كدة وباين على الماروتى البهدلة أو عاملة كيلوهات زيادة يبقى برايد أحسن وفى الحالة دية أنا أشجع وأميل للبرايد أكتر لآنها أوسع وأكبر فى سى سى وكلة يعتبر ذى بعضة مستعمل والمقارنة هنا هتكون بين ماروتى مستعمل وبرايد مستعمل
لكن لو فعلا الماروتى كسر زيرو حقيقى زى الزيرو أكيد أحسن من البرايد المستعمل ولو عربية ماروتى زيرو يبقى أحسن وأحسن
والله الموفق والمستعان

[amamt606]

شكرا abdm

انا فعلا اقصد حاجه تكون بالكتير 2009 وتكون عاملة اقل من 15000 كيلو
او استنى شوية واشوف حاجه 2010 كسر الزيرو بس ديه هاقلق منها لان صاحبها هايكون عايز يبيعها بالسرعه ديه ليه

يعني افهم من كلامك ان من بعد 2009 يكون كسر زيرو فعلا ويكون افضل من برايد 99

[3ateef]

راى الشخصى....ماروتى كسر الزيرو...

[dolly13]

ماروتى كسر احسن طبعا
على فكرة انا كان عندى العربية دى وهى كويسة جدا
لكن بعتها لما بقيت كويسة فى السواقة وكنت عايزة اوبشنز اعلى

[omaroof]

اكيد ماروتى 2009 افضل من برايد قديم وكله يرجع لحالة العربيه نفسها وبالتوفيق

[aymanay32]

اتفضل عربيتى ماروتى 2009 و عاملة 4800 كيلو و مركب فيها كاسيت و عاملها مشمع فى الارضية

[rockana9112007]

اعتقد ان لو حالة البرايد كويسة تبقى البرايد تكسب لانها اوسع والموتور اعتقد انة احسن

[amamt606]

شكرا على المتابعه

[amamt606]

اتفضل عربيتى ماروتى 2009 و عاملة 4800 كيلو و مركب فيها كاسيت و عاملها مشمع فى الارضية

انا كنت عايز اعرف ايه اسباب البيع للعربيات اللي زي بتاعتك كده
ايه فكره البيع بسرعه
شكرا

[Abdm]

انا كنت عايز اعرف ايه اسباب البيع للعربيات اللي زي بتاعتك كده
ايه فكره البيع بسرعه
شكرا

بالنيابة عن الآستاذ aymanay32 لغاية ما هو يرد عن نفسة

أنا هكلمك عن الناس الكويسة خاصة اللى فى منتدانا لآنهم أكيد ناس محترمة مش هيعمل حركة وحشة مع حد زميل لية هنا .. لو فيها عيوب أو مشاكل مش هيعرضها هنا للآعضاء علشان الآخوة وغيرة ....

المهم أغلبية الناس بيكون لعدة أسباب السبب الآساسى أنه بعد ما يركبها ما يرتحش معها يحس أنها مش ملبية كل رغباتوا ذى مثلا صغيرة شوية أو ضيقة شوية أو ما عجبتوش بعد ما أشتراها .أو ربنا كرمة ورزقة بفلوس وعايز يغير لعربية أكبر أو لقى نفسة مزنوق وعايز فلوس يفك ضيقة فأضطر يبيع أو مسافر برة مصر أو مكان بعيد جو مصر

وفى الناس اللى بتعمل حوادث وما تصرحش المشترى بالحقيقة وتغش علشان السعر ما ينزلش أو تصارحة بالحقيقة ويكون عندها ضمير وتتقبل السعر الحقيقى المنخفض علشان بيتعامل مع ربنا

أدى يا سيدى تقريبا كل الآسباب وأنت ونصيبك فى أى سبب منهم للبيع يكون من نصيبك
والله الموفق والمستعان

[aymanay32]

انا كنت عايز اعرف ايه اسباب البيع للعربيات اللي زي بتاعتك كده
ايه فكره البيع بسرعه
شكرا

بصراحة ارتبطت باستثمار مالى و احتمال السيولة اللى معايا ما تكفيش و فى هذه الحالة ساضطر اسفا انى ابيع العربية و دة شىء نفسى ربنا يسترها معايا و ما اوصلوش


و على فكرة ان بعت العربية و ربنا كرمنى تانى بقريشين هشترى ماروتى
لانى ارتحت معاها
انا مركبلها شبكة فمفيش مشكلة عندى ان شنطتها صغيرة
و معليها من ورا بكاوتش علاية
و عاملها الارضية مشمع فوق الموكيت
و فرش على الكراسى و الكنبة
و راديو اف ام و به مكان للفلاشة
و اريال اف ام
و جايب لها غطاء قماش قطن 100% و ناعم على البوية
و مريحه جدا فى الركنه بتركن فى حته صغيرة جدا

و فى الطريق سهله جدا بل ممتازة فى المناورات و بتحضر السرعة المطلوبة بسرعة معاك و مسعفة
و تقدر تدخل بين العربيات فى اماكن مزنوقة و تعدى منها

كل اللى فاضل انى بعد الكاوتش بتاعها ما يقترب من عمره الافتراضى هغير الجنوط لحنوط 13 عريض اسبور و مقدرش اعمل كدة دلوقتى لانى مستحرم الكاوتش الجديد يتباع فطيس

[bayoumisoft]

انت اشتريت عربية ولا لسة

لانى قدامى برايد 99 وخايف البس فى قصة الميكانيكية والحوارات دى