زيت الماروتى 2010

[medo_sirion]

السلام عليكم
معلش ياجماعة انا داخلل على 1000ك
ومش معايا كتاب الضمان بتاع العربية والمعرض بيقول بيكون فى ورقها مش فاهم يعنى اية
فهل الزيت بيتغير فى 1000 ك ولا انا سمعت على 3000 هل الكلام دة صح ولا لا
وياريت ياجماعة حد يرد عليا ضرورى

[Abdm]

حضرتك أنا مش عارف أنت معاك عربية أية لكن على أى حال :

أولا : ممكن تكون بتختلف من ماركة عربية أو توكيل عن مكان تانى أو توكيل تانى

ثانيا : ودة الغالب أن كل العربيات بتعمل صيانة الآلف الآولى وبيتم فيها تربيط العفشة وتصليح أى مشكلة تكون ظهرت أو عيوب صناعة
مع تغير الزيت الى 5000 أو 10000 ذى ما أنت عايز
مع مراجعة المياة للكاربراتير والبطارية والسيور وكل حاجة فى صيانة الآلف الآولى
وكل السوزوكى كمان كدة
والله المستعان

[medo_sirion]

انا معايا سوزوكى ماروتى وقلاقان جدا اوديها التوكيل يبوظولى حاجة زى ماعملوا مع عضو معانا هنا

[mrghost]

انا معايا ماروتى 2010 وغيرت الزيت والفلتر بنفسى فى البيت بعد 1500 كيلو متر ومروحتش التوكيل لحد دلوقتى لانى خايف برضه ممكن يعكوها بدل مايصلحوها

[medo_sirion]

طب حضرتك غيرت على 1500 على اساس اية
والفلتر جبتة منين اصل اللى عندى بيخترعوا اللى عايز يدينى فلتر تيوتا يركب على ماروتى واللى قالى الكيا بيركب وانا مبحبش العك دة

[Abdm]

طب حضرتك غيرت على 1500 على اساس اية
والفلتر جبتة منين اصل اللى عندى بيخترعوا اللى عايز يدينى فلتر تيوتا يركب على ماروتى واللى قالى الكيا بيركب وانا مبحبش العك دة

أنا كمان عايز أعرف جبت الفلتر منين وأية هى الآماكن الآكيدة اللى فيها قطع غيار سوزوكى أصلية
وجزاكم الله خيرا

[medo_sirion]

مش ممكن ياجماعة يعتبر الاغلبية هنا ماروتى ومحدش عارف ليها قطع غيار اصلية فين ومنين وتتعمل امتى
ياريت محدش يبخل بمعلومة يمكن تفيد ناس كتير

[omaroof]

انا كمان خايف اروح التوكيل يظهر مشكله فى العربيه بعد الزيارة
عشان كدا روحت بنزينه وغيرت زيت والفلتر ركبلى فلتر زيت بتاع التيوتا هوا زى بتاعها الاصلى بس اصغر فى الحجم لكنه كويس ركبته وركبت زيت موبيل 10 الاف بس حاسس انى اضحك عليا فى السعر لان زيت وفلتر عملو 300 جنيه فالاسعار كده صح ولا فعلا اضحك عليا؟؟؟؟؟؟؟؟؟؟

[medo_sirion]

الزيت الموبيل من غير تركيب ب235 وبلتكيب 240
الفلتر اللى سالت علية تيوتا ب 25

[omaroof]

يعنى شكلى اضحك عليا فى 40 جنيه على الاقل حاشوف الموضوع ده وارجع اطلع عين الناس اللى فى البنزينه

[medo_sirion]

لا ياباشا انت تاخد بالك بعد كدة
واللى حصل دة اعتبرة حاجة لله طالعة منك يعنى نيتك صافية مش اكتر

[medo_sirion]

لاسف بعد لف ودوران كتير ملقتش غير فلتر التيوتا الاصلى اليابانى هوة اللى يكبلها مع ملاحظة انة صغير الحجم عن بتاع العربية خالص لولا بيركب لل 1600 للتيوتا

فغيرت زيت 5000 شل 100 بلتغير
والفلتر الاصلى اليبانى 45 بلتغير بردة
وكان فى المصرى ب20 ج
بس فضلت اليبانى

وانا اخد فلترها الاصلى لعل وعسى اقدر اجيبة ولو حتى من برة
وان شاءلو لقيتة هقولقوا على طول
تقبلوا تحياتى

[خالد]

أنا منفض للتوكيل الزبالة ده خااااااااالص بعد تعامل 3 مرات صيانة ، وأنطباعات سيئة عنهم
بالنسبة للفلتر الأصلى موجود بــ 35 جنيه فى التوفيقية مركز بيع قطع غيار سوزوكى اللى فى السنتر فى الدور التانى
وكمان عند محمد حسنى فى ساحل روض الفرج عند مستشفى الرمد وده وكيل لسوزوكى من زمان ، وفيه نوع سعودى بــ 15 جنيه وشغال حلو برضه ، والمصرى بـــ 8 جنيه بس ، مش بعشرين زى عند ولاد التيييييييييييت

وبالنسبة للزيت أول مرة بيتغير بعد 1000 كم لأن ده بتاع تليين العربية
وبعد كده أما بتحط زيت 5000كم أو 10000كم والعربية الماروتى بتاخد لترين ونص من غير فلتر ، وتقريباً 3 لتر عند تركيب الفلتر
والكتالوج بتاعها بيقول الفلتر يتغير كل 10000 كم

أنا عن نفسى بحط زيت أمارات مصر 5000 كم ، الجركن 4 لتر بــ 90 جنيه ، هما عندهم السايب تقريباً نفس السعر ، بس أنا بشك فى جودته لأنهم كل مرة بيحاولوا يضغطوا عليك علشان تاخد السايب بس على مين ، آخد الجركن وعليه كل البيانات ومضمون ، أحسن من السايب اللى ماعرفلوش أى بيانات ، وبغير الفلتر بعد كل مرتين
وعلى فكرة بيقعد الزيت معايا 5000 كم بالتمام ، ومابسمعش كلام البنزينة اللى بيقولك تغيره بعد 3500 - 4000 كم
مع تحياتى

[medo_sirion]

الف الف شكرك ليك ياستاذ خالد بس المشكلة انا لفيت على الفلتر حسيسونى انى بجيب فلتر مينى كوبر

وكلام حضرتك مظبوط فى تغير الزيت على 1000
انا حطيت شيل زى مهوة موصى بية للعربية وبسم الله ماشاءالله الماتور بقى هادى جداا

بس ليا سوال حضرتك ظبطت كهربة العربية ولا لا
اصل لما اجى ابطل مش بطبتل على طول والماتور بيرج

[LORD.ADeL]

السلام عليكم
فى كلام كتير عن الفلتر وزي ما استاذ خالد شرح ووصف فعلا
سنتر سوزوكي اللى في توفقيه بيقولك الاصلي والغير وكله بسعرة
وعندي فى واحد فى فيصل مستورد وموزع لقطع غيار ماروتي ونسيان يعنى تقريبا ياباني كله وبيجب من عندة كل حلجه وصراحه حاجه كويس ونظيفه وبتعيس ومفيش منها مشاكل لحد دلوقت والحمدلله
وفلتر زيت بيجبه 15 تايوني هوا صغير بس فلتر مش بيتقاس بحجمه
بيتقاس باشفتحات وشفه بتعته اللى فوق يعنى مش بالحجم ابداا
لان فلتر ماروتى الاصل كان برتقالي وكبير واللى موجود دلوقت صغير الحجم ولنه من اسود لازرق بس الشفه وفتحات بتحه واحد وهيا الاهم..؟
---
وبخصوص زيت نفسه كنت بتعامل مع موبيل لحد ماعرفت زيت اسمه فيسكو ودة موجود فى محطات كارجاز وجربته فعلا مع تغير فلتر معه
وبجد صوت ماتور بقا هااادي عن الاول بنسبه ملوحظه وبيسحب حلو وهادي ودة بيقعد 5000 اول مرة وتانى مرة بيقعد 10000 ودة من كلام مسؤل الدعم الفنى للزيت هنا فى المنتدي ويرجكن 4 لتر وعربيه بتاخد 3 لتر وسعرة 72ج بجد جميل ومهدى ماتور وسعرة فى الحنين ((: والله مستعان