بالينو

[DR.M]

من فضلكم أي معلومات عن البالينو مو 95

[muhmado_furp]

من فضلكم أي معلومات عن البالينو مو 95

انا هقول لحضرتك علي الي اعرفه
البالينو عربيه ياباني 1300 مفهاش اعلي من كده
مش منتشرة او قليلة بمعني اصح واعتقد نزلت لغاية 99 تقريبا
قطع غيارها غالية شوية بس موجوده ومش كتير وفي منها استيراد
طبعا في البيع والشراء مش متداولة فهتلاقيها تقيلة شوية
بس هيا كعربيه ممتازة
وبصراحه افخم واقوي كتتير عن السويفت

[DR.M]

شكرا لرد سيادتك

[dramir1]

البالينو

الحقيقة انا ناوي اعمل تقرير مفصل عن البالينو ولكني مشغول الان بالاستعداد لامتحان الدكتوراة
وقريبا ان شاء الله هاعمل التقرير

ولكن باختصار يارب افيدك
انا معايا بالينو موديل 99 اتوماتيك خليجي

بصفة عامة البالينو بالنسبة للفئة السعرية تتفوق بشدة على مثيلتها (الاكسنت -اللانوس-....)
من حيث الاداء والثبات وقطع الغيار المعمرة والاداء الياباني 100% علما بانني كان معايا لانوس طبعا مفيش وجة مقارنة مع البالينو .

سعر البالينو يتراوح من 33 الف حتى 43 الف جنيه على حسب الحاله والفتيس والدواخل والكيلومتر والموديل

ولكن لو ظروفك المادية تسمح تشتري بسعر اعلى ممكن افضل تشتري تويوتا كرولا او اوكتافيا.

وبالنسبة لقطع الغيار اغلى شوية ومش متوفرة بكثرة زي الكوري وان كان قطع الغيار موجودة جديد واستيراد ولكن المشكلة ان الناس مش عارفة الاماكن واليك اماكن بعض قطع الغيار:


الجديد:
1-شركة ليدرز في الدقي بجوار التوكيل.
2-محمد امين في عابدين(جديدواستيرادومركز صيانة).
3-اليابانية بجوار نادي المعادي.
4-شارع دمشق اكثر من محل لقطع غيار السوزوكي.



الاستيراد: حرفيين السلام فيها حوالي 4 محلات للبالينو اشهرهم
1-معتز وبهجت.
2-الاسلامية.


بالنسبة للصيانة في اكثر من مهندس في التوكيل عندهم ورش خاصة بيشتغلو فيها بعد السادسة مساء
ويوم الجمعة
واحد في جسر السويس
وواحد في الهرم
وواحدفي عابدين .



بالنسبة للتوكيل الحقيقة ممتاز بالنسبة للكهرباء والتكييف بتعامل مهاهم ولكن بالنسبة للاشياء العادية بعملها برة عشان فرق السعر.
مثال للاسعار
تيل فرامل امامي اسباني 100 جنيه
الياباني (كوبي)ب 85 جنيه
الاصلي سوزوكي ياباني460 جنيه

فلتر بنزين تايواني 40 جنيه
الاصلي 110

فلتر هواء كوري30 جنيه
اصلي 90

بوبينة كوري 320 جنيه
الاصلي دنسو ياباني 750 جنيه





وسامحني لو تاخرت في الرد لضيق الوقت .
واهم حاجة اكشف على العربية في التوكيل قبل شرائها عشان ماتدفعش كتيروتتعب لو كانت مش كويسة.

ولا تنسي ان تستخير الله قبل الشراء

[dramir1]

هاه عملت ايه؟؟؟؟؟؟؟؟؟؟؟

[DR.M]

متشكر جدا لرد حضرتك
العربية كان صديق لي بيشتريها ... واتباعت....ملوش نصيب فيها
متشكر جدااااااااااا لردك انا على فكره بحترمها جدا العربيه دي
وربنا يبارك لك في عربيتك

[dramir1]

لا شكر على واجب ....ربنا ان شاء الله يرزقه بافضل منها ولو احتاج اي معلومة انا في الخدمة

[DR.M]

Thanks alot