سعر الماروتي مبالغ فيه

[mohamed_kta]

بعد سنه و اكثر مع الماروتى ( العربيه دى حلال فيها الـ 38000 ) بجد

[malta]

انا احترت و الله دا ظلم اللى بيحصل فينا شوفوا اسعار العربيات فى كل حتة فى الدنيا رخيصة ازاى و الواحد قعد يصبر فى نفسه على امل ان العربيات قال هترخص فى 2010 جت 2010 و طلعولك فى بند جهنمى ان الجمارك هتنخفض بالتدريج 10% كل سنة لغاية 2020 و عليك خير و قال ايه دى بس مع العربيات الاوروبية يعنى يابانى كورى صينى هندى هيفضل عليه جمارك شفتوش الحلاوة

[ayman 2010]

احسن وافضل عربية ركبتها من وجه نظرى وعن تجربة
الماروتى بلا منازع فى هذة الفئة

[MEDO84EG]

متقلقش العربيه اه سعرها زايد بسبب الجمارك بس ارخص الموجود
هنعمل ايه منتا مننا و عارف
و بالنسبه لعيوبها و مميزاتها بعد دراسه متأنيه
لو الكماليات شيء محوري عندك اصبر شويه لحد متجيب عربيه فيها كماليات زيرو بردو ( و مش صيني )
و لو الكماليات ممكن تعيش من غيرها ( زي اي ماروتاوي في الدنيا ) يبقي اتجه علي طول الي ماروتي حبيبه الملايين
عربيه مميزاتها اكتر من عيوبها
قطع غيار متوفره
صيانه سهله
كربراتير
و يكفي انها ياباني ( صنع نضيف ) و تقفيل هندي ( بردو دوله نضيفه )
و استخير و احنا هنا اخواتك تحت امرك
و كفايه اوي عظما ء السوزوكي جاوبوك

[wasta]

فعلا

دي بسبب عجائب الجمارك المصرية

فعلا

اللى أنا فاهمه إنك مستغليها هيه فعلا مبالغ فيها بحوالى 20 ألف جنيه زياده بس علشان الجمارك إنما إن الجمارك إتشالت سعرها الطبيعى من عشره لخمستاشر ألف
بس بتعتبر هنا أرخص عربيه عمليه أى نعم كأنك راكب صندوق بس هتقول إيه فى الجمارك

[m7nsh]

والله ياباشا لو جبتها مش هتندم .. انا كل شويه بعز العربيه دى عن الأول

[kimo_cat]

بالنسبة لى الماروتي أول عربية أركبها
بس انا شايف انها تحفة في كل شيء
احيانا بنركب فيها خمسه
لو معايه حاجات بنقلها بتني كرسي ده بيشيل كتير ولو تنيت كرسيين بيبقه أكتر من نص العربية شنطه
خفيفه وبتجري وبتتركن في اي مكان (مرة خارج بالعربية واحد جه يركن مكاني شفته في المرايا بعض على سنانه من الغيظ مكنش لاقي ركنة ومكاني مكفاهوش ههههههه)
حلوة في السفر روحت بيها كفر الشيخ ورجعت في نفس اليوم أكتر من مره (400 كيلو)
موفرة في البنزين (فولت وانا رايح ورجعت بيها من غير ما ازود بنزين ) يعني التفويله بتعمل حوالي 400 كيلو (في السفر)
موضوع الجري انا آخر حاجه جبتها بيها كان راكب معايه 2 وكان معانا شنط علشان السفر 130 كيلو (معتقدش انك هاتجري اكتر من كده)

بصراحه حتى لما ربنا يكرمني ان شاء الله لو جبت بي أم دبليو مش هافرط في الماروتي

[haneen83]

انا بافكر اجيب العربيه دى بس خايفه من ان الناس بتقول عليها خفيفه و بتعوم احيانا لما مثلا عربيه نقل تعدى جنبها بسرعه او اتوبيس او عاصفه
يا ريت حد يطمنى لانى هامشى بيها على المحور

[zigzag2001]

انتا في نفس الحيرة بتاعتي علي فكرة انا زيك برده بس سمعت ان سعر الماروتي نزل شوية هل دا صحيح

[zigzag2001]

يا جماعه سؤال مهم الله يكرمكم هل العربية دي تستحمل تروح من القاهرة للاسكندرية ؟ سؤال ساذج جايز بس انا فعلا بسال يعني من اللي كنت بشوفة وانا في الطريق من عطلة ناس علي الطريق وبعربيات محترمة

[m7nsh]

تروح ياباشا

[fadod]

مينفعش يركب لها تكييف؟

[ABDULLAH AHMED]

العربية دي الفلوس فيها حلاااااااااااااال :d
كانت معايا لمدة سنة تقريبا
العربية بتركنها في اي حته وجبت فيها 140 و 145 وكنا حنفتح البيبان واطيير :p:p
لا بحد هيا كعربية تحفة بمعنى الكلمة لا يعيبها سوى التكييف
بالنسبة للمساحة يركب فيها 4 عادي
وانسى البنزين مع الماروتي
وبجد كل ما اشوفها بحن اوي للعربية دي كنا بنضحك ضحك لما نركبها :d

[ehab_11_22]

انا بافكر اجيب العربيه دى بس خايفه من ان الناس بتقول عليها خفيفه و بتعوم احيانا لما مثلا عربيه نقل تعدى جنبها بسرعه او اتوبيس او عاصفه
يا ريت حد يطمنى لانى هامشى بيها على المحور

انا ساكن فى الشيخ زايد وشغلى فى المهندسين حاليا
وكل يوم تقريبا على المحور

العربية جميلة وثابتة
بالنسبة لموضوع انها خفيفة
هى فعلا خفيفة وممكن تعوم منك لو عدى من جمبك مكروباص بسرعة بس تعويمة خفيفة جدا
ومع الوقت هاتتعودى على سواقتها وان شاء الله يكون اختيار موفق بإذن الله

[shiko85]

هو مش خلاص مفيش ماروتى جديده بعد القرار بوقف انتاجها لانها لا تتطابق المواصفات القياسيه البيئيه
يعنى الموجود هيكون موديل قديم و كمان المفروض من شهر 8 على ما اتذكر ان مصر هتبدأ تطبيق الشروط و المواصفات القياسيه للسيارات المستورده و المجمعه محليا
يعنى اللى عايز يشترى عربيه ماروتى يلحق قبل تنفيذ القرار بس يبقى عارف انها موديل قديم