العربية مش قادرة علي التكييف

[mrpress]

مساء الخير يا شباب
انا معايا سويفت 93 جايبها من 7 شهور بس لسه مصلح التكييف بس فوجئت ان المكنة مش قادرة تشغله يعني العربية بترعش جامد والار بي ام بينزل لتحت خالص لدرجة أن العربية بطلت مني وهي ماشية ورغم كده الموتور كويس وبيطلع مية من الشكمان والتكييف مطفي طبعا فايه هي المشكلة ارجو الافادة والنبي

[exact]

مساء الخير يا شباب
انا معايا سويفت 93 جايبها من 7 شهور بس لسه مصلح التكييف بس فوجئت ان المكنة مش قادرة تشغله يعني العربية بترعش جامد والار بي ام بينزل لتحت خالص لدرجة أن العربية بطلت مني وهي ماشية ورغم كده الموتور كويس وبيطلع مية من الشكمان والتكييف مطفي طبعا فايه هي المشكلة ارجو الافادة

بص ياباشا
دي لها كذا احتمال
اول هام ممكن يكون الكومبريسور قافش من الشحن الزائد او انه فريون 12 والباشا شحنهولك 134

ثانيا فيه سيلينويد في صدر العربية جنب ارقام الشاسيه ده اسمه VSV Vacuum Switching Valve وده وظيفته تظبيط الهوا اللي في الكاربيراتير عشان يتلاءم مع الحمل بتاع الكومبريسور وده بايظ عندي

ثالثا ممكن فيه مسمار من المسامير اللي في اذرع وروافع الكاربراتير عاوز يتربط شوية وانا ده اللي عملته ...اما بتشغل التكييف بيخللي الكاربيراتير يدي سنة بنزين لوحده

النصيحة جرب ال 3 حلول مع بعض

[exact]

على فكرة هي غالبا السيلينويد لأني عشان خاطرك فصلته لقيت العربية بتقطع والكومبريسور مش قايم خالص

[semsem_inside]

شكرا على الردود الوافية

[exact]

شكرا على الردود الوافية

المهم تيجي بفايدة فالآخر

[Dr_Smart]

مش ممكن تكون عايزه ظبط كهربا ؟

لأن المفروض ال rpm يعلا لما تشغل التكييف

[mrpress]

شكرا يا جماعة علي الردود بس كان في خراطيم كده الكهربائي ركبها في الهواية الرعشة راحت والتكييف بقي تمام
وكمان انا الحمد لله بعت العربية بعد ما خلتها 10/10 لأني تعبت منها شوية رغم أن حالتها المفروض انها ممتازة

[hani_elashry]

انا نفسى اركب تكييف بس شايف مشاكله كتيره

[د.محمود صلاح]

البيع والشرا ملياان خساير .. وربنا يوفقك في حاجة حلوة

[MEDO84EG]

هو المستعمل في الغالب كدا

[WALEED9001]

محدش يعرف بتاع تكيفات (فى منطقة الجيزة مثلا المهندسين الدقى الهرم فيصل )كويس ممكن الواحد يخليه يكشف على التكييف ويغير سيرة والفلتر