كاسيت و سماعات للماروتى

[alking_2006]

السلام عليكم

الأخوة الخبرة الماروتيه انا دلوقتى لسه جايب العربية مستعملة و عايزة اركبلها كاسيت و سماعات
انا عايز اجيب الكاسيت اللى بيقبل فلاش ميمورى و سماعات تكون كويسة فكنت عايز اعرف

- رنجات الاسعار من الناس اللى جربت النوع دا من الكاسيتات
- أماكن البيع
- أيه رأيكوا فى النوع الصينى (للكاسيت) اللى هوا من 100 جنيه لحد 150 جنيه دا
- انسب مكان لتركيب الكاسيت فى الماروتى
- المصنعيه هتبقى فى حدود كام

و شكرا ليكم

[abogogo]

السلام عليكم

الأخوة الخبرة الماروتيه انا دلوقتى لسه جايب العربية مستعملة و عايزة اركبلها كاسيت و سماعات
انا عايز اجيب الكاسيت اللى بيقبل فلاش ميمورى و سماعات تكون كويسة فكنت عايز اعرف

- رنجات الاسعار من الناس اللى جربت النوع دا من الكاسيتات
- أماكن البيع
- أيه رأيكوا فى النوع الصينى (للكاسيت) اللى هوا من 100 جنيه لحد 150 جنيه دا
- انسب مكان لتركيب الكاسيت فى الماروتى
- المصنعيه هتبقى فى حدود كام

و شكرا ليكم

اولا الف مبروك على العربيه ربنا يديك خرها ويكفيك شرها
ثانيا انا مركب كاسيت من النوع ده الصيني بيشتغل بفلاشه او كارت ميموري او وصلة واحد * واحد واشغل من الموبيل كان بـ 75 جنيه فقط من العتبه في كذا محل في أول شارع الازهر وكذا نوع من نفس الكاسيت ده وشغال معايا زي الفل بقاله 6 اشهر الخرج بتاعه كويس وبعدين لو لاقدر الله باظ او اتسرق ما يتزعلش عليه
و الى ركبهولي الكهربائي بتاعي
خد في حدود 20 جنيه بس

[alking_2006]

شكرا يا جميل لردك السريع

طب أحب اعرف مركب الكاسيت فى انهى حته فى العربية؟ (جنب الساعة و لا ركبت علبة كاسيت تحت الساعة) ؟

و بردو كنت عايز اعرف يا جميل اسم الماركة بتاعة الكاسيت و هل مركب السماعات فى الشنطة ورا و لا فين و شكرا

[abogogo]

شكرا يا جميل لردك السريع

طب أحب اعرف مركب الكاسيت فى انهى حته فى العربية؟ (جنب الساعة و لا ركبت علبة كاسيت تحت الساعة) ؟

و بردو كنت عايز اعرف يا جميل اسم الماركة بتاعة الكاسيت و هل مركب السماعات فى الشنطة ورا و لا فين و شكرا

العفو ..... مركب الكاسيت جنب الساعة هو العيب الوحيد انك هتقطع جزء صغير جدا من التبلوه جنب الساعة وممكن تجيب له علبه وتركبه تحت التبلوه بس العيب ان بيكون بعيد شوية وممكن يلخمك وانت سايق .... نوع الكاسيت مكتوب عليه ماتسوبيشي مع العلم ان النوع مش فارق في الصيني السماعات مركبها ورا فاتح لهم فتحه في الفيبره ورا في الشنطه

[omaroof]

اشترى كاسيت نضيف ب250 -300 وهات سماعات حلوه وغطى العربيه باليل عشان ماحدش يشوفهم ويسرقهم

[sab3aawy]

انا لسة عامل الشغلانة دى اول امبارح وكلفتنى 250 جنيه والنتيجة ممتازة وهقوللك حالا ليه 250 جنيه

انا برضة مكنتش عايز اجيب حاجة فيها كاسيت لكن حاجة بفلاشة لأن الشرايط خلاص الله يرحمها ويحسن اليها معادش لها لازمة ولا وجود
نزلت شارع الأزهر علشان ادور على الاختراع ابو فلاشة ده لقيت عوشروميت شكل وشوفتوميت موديل ولسعتلاف دايزين لكن كله مكتوب عليه نفس الماركة"ماتسوبيشى"(والله هى مكتوبة كدة مش مكتوبة ميتسوبيشى)، وده قلقنى جدا لأن ده معناه ان كلهم تقفيل تحت السلم فى الصين، المهم فضلت ادور لحد ما لقيت رودستار اصلى تقفيل مصرى بتاع مصنع طارق بدر، فيه راديو وفلاشة وإس دى ميمورى ومدخل فتحة صوتaux،وشاشة كبيرة كريستال زرقاء وزرار مالتى فانكشن بكر ، ومزود بخرج 4 سماعات وعليه ضمان سنتين ، ب 195 جنيه ، واخدت معاه جوز تويترات ب 5 جنيه ، واشتريت سماعتين بوكس صغيرين(علشان انا مش بحب اقطع فى التابلوه ولا الرف الخلفى) 200 وات ب 30 جنيه،علبة الكاسيت بتاعه ال 128 ب 10 جنيه، وسلك وشيكارتون ب 10 جنيه
بالنسبة للتركيب انا فكيت الكونصول البلاستيك اللى ماسك التابلوه فى كونصول الفتيس وشلته عندى، وركبت العلبة مكانه، ربطتها بمسمارين فى نفس مكان مسمارين الكونصول وربطتها ب 2 تاى راب فى التابلوه من تحت الطفاية علشان ماخرمش فى التابلوه نهائيا، وثبتت علبة الكاسيت جواها، بالنسبة للكهرباء الكاسيت له وصلتين كهرباء، واحدة من بطارية السيارة علشان الذاكرة وواحدة من الكونتاكت علشان يشتغل ويفصل مع العربية، وطبعا وصلة ارضى ، و8 فرد للسماعات كل سماعة ليها فردتين ووصلة كهرباء للايريال الكهرباء فى حالة تركيب ايريال كهرباء، ومدخل سلك الايريال علشان الراديو
وصلة البطارية (سلك اصفر)انا مديت لها سلك من البطارية مباشرة مع ربطه مع قطاش موجب البطارية، وعديتها للصالون من فتحة سلك الشفاط، وصلة الكونتاكت(سلك احمر) انا اخدتها من موجب الولاعة(فك الولاعة باليد عن طريق لف الجزء الموجود خلف التابلوه فى اتجاه عقارب الساعة)، والأرضى (اسود)انا اخدته من أرضى الولاعة ، الايريال موجود فى السيارة والجاك بتاعه موجود جاهز ومتدارى تحت التابلوه بس محتاج شوية دعبسة، انا لقيته بعد حوالى دقيقتين من البحث خلف التابلوه، وركبته مباشرة فى مكانه فى الكاسيت، اما وصلة الايريال الكهربائى(ازرق) فلفيتها بشيكارتون ولغيتها لأنها لا لزوم لها، وبعدين وصلت التويترات على وصلتين السماعات الأمامية (فردتين ابيض وفردتين بنفسجى)ولزقتهم على علبة الكاسيت من الجنبين، ووصلت سلك السماعات الخلفية (فردتين رمادى وفرديتن اخضر)ومشيته من تحت الموكيت لحد الشنطة ووصلت عليه السماعات، والنتيجة الحمد لله طلعت مبهرة من حيث نقاء الصوت او جودة استقبال الراديو وكذلك بالنسبة للتعامل مع الفلاش وال إس دى ميمورى ومدخل الصوت

[alking_2006]

انا لسة عامل الشغلانة دى اول امبارح وكلفتنى 250 جنيه والنتيجة ممتازة وهقوللك حالا ليه 250 جنيه

انا برضة مكنتش عايز اجيب حاجة فيها كاسيت لكن حاجة بفلاشة لأن الشرايط خلاص الله يرحمها ويحسن اليها معادش لها لازمة ولا وجود
نزلت شارع الأزهر علشان ادور على الاختراع ابو فلاشة ده لقيت عوشروميت شكل وشوفتوميت موديل ولسعتلاف دايزين لكن كله مكتوب عليه نفس الماركة"ماتسوبيشى"(والله هى مكتوبة كدة مش مكتوبة ميتسوبيشى)، وده قلقنى جدا لأن ده معناه ان كلهم تقفيل تحت السلم فى الصين، المهم فضلت ادور لحد ما لقيت رودستار اصلى تقفيل مصرى بتاع مصنع طارق بدر، فيه راديو وفلاشة وإس دى ميمورى ومدخل فتحة صوتaux،وشاشة كبيرة كريستال زرقاء وزرار مالتى فانكشن بكر ، ومزود بخرج 4 سماعات وعليه ضمان سنتين ، ب 195 جنيه ، واخدت معاه جوز تويترات ب 5 جنيه ، واشتريت سماعتين بوكس صغيرين(علشان انا مش بحب اقطع فى التابلوه ولا الرف الخلفى) 200 وات ب 30 جنيه،علبة الكاسيت بتاعه ال 128 ب 10 جنيه، وسلك وشيكارتون ب 10 جنيه
بالنسبة للتركيب انا فكيت الكونصول البلاستيك اللى ماسك التابلوه فى كونصول الفتيس وشلته عندى، وركبت العلبة مكانه، ربطتها بمسمارين فى نفس مكان مسمارين الكونصول وربطتها ب 2 تاى راب فى التابلوه من تحت الطفاية علشان ماخرمش فى التابلوه نهائيا، وثبتت علبة الكاسيت جواها، بالنسبة للكهرباء الكاسيت له وصلتين كهرباء، واحدة من بطارية السيارة علشان الذاكرة وواحدة من الكونتاكت علشان يشتغل ويفصل مع العربية، وطبعا وصلة ارضى ، و8 فرد للسماعات كل سماعة ليها فردتين ووصلة كهرباء للايريال الكهرباء فى حالة تركيب ايريال كهرباء، ومدخل سلك الايريال علشان الراديو
وصلة البطارية (سلك اصفر)انا مديت لها سلك من البطارية مباشرة مع ربطه مع قطاش موجب البطارية، وعديتها للصالون من فتحة سلك الشفاط، وصلة الكونتاكت(سلك احمر) انا اخدتها من موجب الولاعة(فك الولاعة باليد عن طريق لف الجزء الموجود خلف التابلوه فى اتجاه عقارب الساعة)، والأرضى (اسود)انا اخدته من أرضى الولاعة ، الايريال موجود فى السيارة والجاك بتاعه موجود جاهز ومتدارى تحت التابلوه بس محتاج شوية دعبسة، انا لقيته بعد حوالى دقيقتين من البحث خلف التابلوه، وركبته مباشرة فى مكانه فى الكاسيت، اما وصلة الايريال الكهربائى(ازرق) فلفيتها بشيكارتون ولغيتها لأنها لا لزوم لها، وبعدين وصلت التويترات على وصلتين السماعات الأمامية (فردتين ابيض وفردتين بنفسجى)ولزقتهم على علبة الكاسيت من الجنبين، ووصلت سلك السماعات الخلفية (فردتين رمادى وفرديتن اخضر)ومشيته من تحت الموكيت لحد الشنطة ووصلت عليه السماعات، والنتيجة الحمد لله طلعت مبهرة من حيث نقاء الصوت او جودة استقبال الراديو وكذلك بالنسبة للتعامل مع الفلاش وال إس دى ميمورى ومدخل الصوت

جزاك الله خيرا يا سبعاوى كل يوم بتبهرنا بردودك و تثبت انك البرنس
تسلم يا جميل انا هعمل بالظبط زى منتا قولت و اقولك على النتيجة
لو تعرف تعمل واجب يبقى قشطة
تبعتلى صورة الكاسيت بعد التركيب علشان انا مش عارف ايه الكونصول دا
شكرا

[sab3aawy]

جزاك الله خيرا يا سبعاوى كل يوم بتبهرنا بردودك و تثبت انك البرنس
تسلم يا جميل انا هعمل بالظبط زى منتا قولت و اقولك على النتيجة
لو تعرف تعمل واجب يبقى قشطة
تبعتلى صورة الكاسيت بعد التركيب علشان انا مش عارف ايه الكونصول دا
شكرا

هصورهالك ان شاء الله النهاردة واجيبلك الصور بكرة

[alking_2006]

هصورهالك ان شاء الله النهاردة واجيبلك الصور بكرة

تسلم يا جميل و انا مستنيك

[alking_2006]

هصورهالك ان شاء الله النهاردة واجيبلك الصور بكرة

ايه يا جميل فينك انا مستنى فى الشمس من ساعتها

[alking_2006]

هصورهالك ان شاء الله النهاردة واجيبلك الصور بكرة

أستاذ سبعاوى فينك يا جمييل؟

[sab3aawy]

[dr.hazem]

شكرا يا استاذ سبعاوي وربنا يباركلك في الكاسيت ان شاء الله


تحياتي

[alking_2006]

شكرا

تسلم يا سبعاوى باشا ربنا يكرمك معلش تعبتك معايا

[sab3aawy]

قمت بعمل اضاف اخرى لنظام الصوت فى السيارة، كان عندى ووفر قديم 220 فولت فى البيت، مقاسه فى حدود 20 * 15 * 15 سم ، فكيته وبصيت جواه لقيت الترانس بتاعه بيطلع 9 فولت، وبصيت على المكونات بتاعته لقيتها بسيطة جدا وكلها بتقبل لحد 16 فولت، فكيت سلك الترانس وقمت بتوصيل الجهاز من نقطة خرج الترانس وقبل دائرة التقويم على مصدر 12 فولت عندى فى البيت لقيته اشتغل زى الفل، رحت مجمع التوصيلة على كدة وقفلت الجهاز ونزلت بيه للعربية، الكاسيت اصلا فيه خرج لعدة الصوت غير خرج السماعات ، على شكل وصلتين صوت يمين وشمال بنفس شكل وصلات الصوت الموجودة فى اجهزة التليفزيون والرسيسفر، وصلت كهرباء الووفر على الولاعة بحيث انه يشتغل ويفصل مع الكونتاكت وقمت بتوصيل الكاسيت بالووفر من خلال وصلة سلك صوت جاهزة ناحية منها عبارة عن وصلتين صوت بنفس شكل وصلات الريسيفر والتليفزيون والناحية التانية وصلة صوت زى بتاعة سماعة الام بى ثرى او الكومبيوتر، وبعديت علقت الووفر تحت وأمام الكاسيت(امام الكاسيت بالنسبة للسيارة ، يعنى الكاسيت يبقى مداريه عن السائق) باستخدام تاى راب ربطبته بيها فى جسم وحدة مروحة الصالون

والصوت مقوللكش، اكثر من رائع، بقى البيز فيه باين مع التريبل والدنيا جامدة جدا