عداد الحرارة فى السوزوكى سويفت

[semsem_inside]

السلام عليكم
بالنسبة لعداد الحرارة فى العربية عندى بيكون أعلى من المنتصف بقليل
يعنى مثلا لو قسمنا المسافة من أقل نقطة الى أعلى نقطة .. فغالبا المؤشر بيكون ثابت على 65 ال 70 % بعد العربية ما تسخن
فهل ده طبيعى ولا ..
برجاء الافادة

[exact]

هو كده اليومين دول عادي بس خللي بالك منه شوية وحاول تنضف زعانف الردياتير من التراب وتملاه كويس
واهم حاجة انه يكون ثابت ميتحركش عن النقطة دي
انا عندي بيعمل كده اما اشغل التكييف غير كده بيبقى اعلى من النص حاجة بسيطة جدا في الحر ده

[semsem_inside]

أنا عندى كدة سواء فى عز الحر أو بالليل سواء التكييف شغال أو مطفى
ومياه الراديتير لسة مغيرها .. والرادياتير كمان لسه متغير
أنا شاكك أن الترموستات بايظ لأن العربية بتاخد فترة فى التسخين وأول ما بدور العربية بحط ايدى على خرطوم الداخل بتاع الرادياتير ألاقيه ابتدى يسخن
بس أظن طبعا دة ملوش علاقة بالموضوع حتى ده كدة العكس بيساعد ان حرارة الموتور متعلاش

حاجة تانية أنا عندى دايرة السخان ملغية .. يعنى متاخد خرطوم على طول من سكة الداخل بتاع السخان على الخارج فده أعتقد انه قبل الترموستات وبيدخل الياة السخنة تانى على الموتور فهل ده ممكن يكون سبب من الاسباب

[sewefy]

نفس المشكله دى عندى ساعات كتير الحراره بتعلى ورحت منظف الراتيداير وبردوا لقتهها بتزيد اعمل اي وكمان الحراره بتزيد بعد ما اعدى 80

[exact]

نفس المشكله دى عندى ساعات كتير الحراره بتعلى ورحت منظف الراتيداير وبردوا لقتهها بتزيد اعمل اي وكمان الحراره بتزيد بعد ما اعدى 80

المفروض انه مع السرعة يريح سنة حتى....طيب هو انت بتثرص عالغيار؟؟؟ أنا شخصيا عند 80 باستـــعد اني ادي الخامس

المشكلة انا عاوز ارفع صورة للعداد الاستاندارد اللي المصنع لازقه عالتابلوه ومش عارف...حد يقول لي ارفع صور ازاي

[semsem_inside]

ممكن حضرتك تبعتهالى على الايميل
وهحاول أنا أرفعها

[exact]

ممكن حضرتك تبعتهالى على الايميل
وهحاول أنا أرفعها

[semsem_inside]

ألف شكر يا باشا على الصورة
أنا عندى المؤشر على طول بيكون زى ما فى الصورة

[wlng76]

اتاكد ان صباع الحرارة اصلى
لإن اغلب الأنواع اللى فى السوق بتخرف

الأصلى موجود فى محل فى جسر السويس اسمة حاتم لليابانى

[semsem_inside]

اتاكد ان صباع الحرارة اصلى
لإن اغلب الأنواع اللى فى السوق بتخرف

الأصلى موجود فى محل فى جسر السويس اسمة حاتم لليابانى

ممكن اعرف ازاى أميز الأصلى وسعره كام

وبعدين أنا لما بصيت للكوعة بتاع الميه لقيت فيه اثنين راكبين أكيد واحد منهم للوحة العدادات بس التانى ده رايح فين

وشكرا

[wlng76]

اتاكد ان صباع الحرارة اصلى
لإن اغلب الأنواع اللى فى السوق بتخرف

الأصلى موجود فى محل فى جسر السويس اسمة حاتم لليابانى

تصحيح قطع الغيار الأصلية عند محل "أدهم" فى 6 عمارات الشرطة - جسر السويس
قطع الغيار الأصلية بتكون فى علبة بيضاء عليها علامة "s" بتاعة سوزوكى باللون الأحمر ومكررة عدة مرات

أو قطع الغيار ممكن من منفذ بيع التوكيل اللى فى الدقى بجوار سوبر ماركت السعودى

[exact]

ممكن اعرف ازاى أميز الأصلى وسعره كام

وبعدين أنا لما بصيت للكوعة بتاع الميه لقيت فيه اثنين راكبين أكيد واحد منهم للوحة العدادات بس التانى ده رايح فين

وشكرا

على فكرة يا باشا لو عربيتك مكيفه هتلاقي 3 حساسات حرارة
الكبير ده الترموستات بتاع المروحة بتاع الردياتير...وده اغبى مكان ممكن يتحط فيه والمفروض انه فالردياتير وهتلاقيه طالع من سلكين

تاني واحد ده بتاع العداد وده طالع منه سلكة واحدة

التالت بقى زي التاني وده وظيفته غريبة حبه انه بيحس بحرارة الميه عشان التكييف!!!!!!!!!!!! ليه عشان تقريبا لو حرارة الميه تجاوزت ال90 والمكيف كان شغال....بيخليه يطفى عشان يخف الحمل من عالمكنة....وده سبب من اسباب شكاوى ناس كتير من ضعف التكييف جوه البلد...وحله معقد شوية...بأنك بتخللي مروحة الردياتير تشتغل مع تعشيقة التكييف...واللي عاوز اشرحها له يطلب...زالطريقة دي بتمنع نقص الميه فالردياتير نهائيا

[semsem_inside]

على فكرة يا باشا لو عربيتك مكيفه هتلاقي 3 حساسات حرارة

الكبير ده الترموستات بتاع المروحة بتاع الردياتير...وده اغبى مكان ممكن يتحط فيه والمفروض انه فالردياتير وهتلاقيه طالع من سلكين

تاني واحد ده بتاع العداد وده طالع منه سلكة واحدة

التالت بقى زي التاني وده وظيفته غريبة حبه انه بيحس بحرارة الميه عشان التكييف!!!!!!!!!!!! ليه عشان تقريبا لو حرارة الميه تجاوزت ال90 والمكيف كان شغال....بيخليه يطفى عشان يخف الحمل من عالمكنة....وده سبب من اسباب شكاوى ناس كتير من ضعف التكييف جوه البلد...وحله معقد شوية...بأنك بتخللي مروحة الردياتير تشتغل مع تعشيقة التكييف...واللي عاوز اشرحها له يطلب...زالطريقة دي بتمنع نقص الميه فالردياتير نهائيا

شكرا يا د / مصطفى على التوضيح والافادة

أنا عارف ترموستات المروحة فكنت أقصد اثنين صباع حرارة شكل بعض ..

وبالنسبة لموضوع ان التكييف يفصل ويشتغل أنا افتكر كنا اتناقشنا من فترة عن موضوع مفتاح التكييف لما كنت بقولك أن له وضعين ac / eco هل تقصد انه بيشتغل ويفصل عند درجة 90 على الوضعين ولا عند eco وبعدين أنا عندى لما بيكون على ac بتبقى المروحتين (الردياتير والتكييف) شغالين باستمرار ومن فترة كل ما أحاول أجيب وضع eco أحس برجرجة مستمرة وعريبة فى العربية وأحس ان التابلوه هيتفك من مكانه

أما عن موضوع نقص الميه فى الردياتير بحس فعلا انها بتنقص بعد فترة من تشغيل التكييف بالرغم زى ما قلتلك المروحتين شغالين ولما ابص على القربة الاقيها اتملت وزادت عن علامة max

ويا ريت لو تعرف طريقة معينة لتنظيف سربانتينة التكييف توضحها لنا

معلش طولت عليك
ولك جزيل الشكر

[semsem_inside]

تصحيح قطع الغيار الأصلية عند محل "أدهم" فى 6 عمارات الشرطة - جسر السويس
قطع الغيار الأصلية بتكون فى علبة بيضاء عليها علامة "s" بتاعة سوزوكى باللون الأحمر ومكررة عدة مرات

أو قطع الغيار ممكن من منفذ بيع التوكيل اللى فى الدقى بجوار سوبر ماركت السعودى

شكرا على المعلومة