الموتور صوته عالى !!!

[خالد]

عربيتى ماروتى 2007 ، وبغير زيت وفلتر بأنتظام ، وبحط بنزين 92
العربية كانت زى الفل وصوتها ناعم جداً وأنا محافظ عليها والحمد لله
مرة واحدة لقيت صوت الموتور بقى عالى جداً مش عارف ليه ؟
تفتكروا أيه السبب ؟

[hobaz]

متابع معاك ياباشا........

[dr.hazem]

آخر مره غيرتلها زيت كانت امتى؟

هل غيرت نوعية الزيت او المحطه اللي بتتعامل معاها؟
ممكن تكون غيرته في محطة مش كويسة والزيت عندهم مضروب

[abogogo]

العربية عايزة ظبط كهرباء روح للميكانيكي يظبط لك الكهرباء

[m7nsh]

ازيك يا استاذ خالد .. اخبار حضرتك ايه ؟؟
اتمنى يكون كله تمام
بالنسبه للعربيه فهى احتمالات
الأول مستبعد بتاع الزيت .. عشان حضرتك مهتم و بتكشف دايما بس ممكن يكون مغشوش برده محدش بقى ضامن حاجه
التانى ان الكهربا عاليه ,, وديها لميكانيكى شاطر مش هتاخد ف ايده دقيقتين و هيكون وطالك الكهربا
التالت : ممكن تكون ناسى الشفاط ؟؟ :)
ابقى طمنا بقى :)

[LORD.ADeL]

ازيك يا استاذ خالد .. اخبار حضرتك ايه ؟؟
اتمنى يكون كله تمام
بالنسبه للعربيه فهى احتمالات
الأول مستبعد بتاع الزيت .. عشان حضرتك مهتم و بتكشف دايما بس ممكن يكون مغشوش برده محدش بقى ضامن حاجه
التانى ان الكهربا عاليه ,, وديها لميكانيكى شاطر مش هتاخد ف ايده دقيقتين و هيكون وطالك الكهربا
التالت : ممكن تكون ناسى الشفاط ؟؟ :)
ابقى طمنا بقى :)

كلام الواد دة صح .....

[abogogo]

ازيك يا استاذ خالد .. اخبار حضرتك ايه ؟؟
اتمنى يكون كله تمام
بالنسبه للعربيه فهى احتمالات
الأول مستبعد بتاع الزيت .. عشان حضرتك مهتم و بتكشف دايما بس ممكن يكون مغشوش برده محدش بقى ضامن حاجه
التانى ان الكهربا عاليه ,, وديها لميكانيكى شاطر مش هتاخد ف ايده دقيقتين و هيكون وطالك الكهربا
التالت : ممكن تكون ناسى الشفاط ؟؟ :)
ابقى طمنا بقى :)

كلام الواد دة صح .....

الباشمهندس محمد وابو اميرة حمدلله على السلامة جاتوا امتا من بلاد برة

[sab3aawy]

اوصف لنا علو الصوت عامل ازاى يعنى مثلا تكتكة وللا تخبيط وللا الموتور بيزعق وللا صوت زى صوت بيز الكاسيت من الشكمان وللا نفس الصوت العادى لكن بفوليوم اعلى ، يعنى حال تدينا وصف لصوت الموتور علشان نقدر نوجهك صح

[m7nsh]

ياريت يا استاذ خالد تردلنا على سؤال الباشمهندس سبعاوى عشان يفيدنا بتوسع فى الموضوع ده جزاه الله خير
والله يكرمك يا ابو جى جى انا والله فتره امتحانات ومزاكره و بهدله .. فتره و هانتظم تانى هنا ان شاء الله

[LORD.ADeL]

ياريت يا استاذ خالد تردلنا على سؤال الباشمهندس سبعاوى عشان يفيدنا بتوسع فى الموضوع ده جزاه الله خير
والله يكرمك يا ابو جى جى انا والله فتره امتحانات ومزاكره و بهدله .. فتره و هانتظم تانى هنا ان شاء الله

تمام والله فعلا استاذ خالد تشرح لنا باتفصيل ع قد ما تقدر لتعم الفائد
وتسلم يا بو جنة والله مشاغل مش اكتر وكمان معنديش نت بالبيت فادة مع دة عاملين تقصير دة وانت منور فى كل حتى..(:

[aymanay32]

انا عندى صوت تكتكة فى الموتور لما بيكون الفتيس على الرابع و بوصل لسرعة 80 و يستمر لحد سرعة 85 و بعدين بيروح

ثم اصبح يبدأ بسرعة 75 و حتى سرعة 85

و لما بيكون على الثالث قصدى الفتيس بيبدأ الصوت عند سرعة 60

و فى الثانى بيبدأ عند سرعة 40

مع العلم بسبب هذا الصوت غيرت زيت الفتيس
انا ماروتى 2009
10 الاف كيلو متر
و بغير زيت موبيل كل 3000 كيلو
ايمن حنفى
0119449863
ارجو الرد لان الموضوع دة مخوفنى جدا على العربية لانها دافع فيها تحويشة العمر كله

[Moe86]

مش المفروض العربية معاها ضمان ؟ روح التوكيل أحسن حاجة

[aymanay32]

انا قاطعت التوكيل لان اسعارهم غالية و مش مستأمنهم على العربية و لما روحت صيانة ال1000 كيلو حسيت انى اخدت العربية قديمة و فيها صواميل متغيرة بصواميل مصدية و العربية فيها خراطيم قديمة

و غيرولى زيت على انه 5000 كيلو و مشيت بيه 5500 كيلو و اكتشفت بعد كدة انه 3000 كيلو مش 5000

لذلك اخذت قرار مروحش التوكيل تانى مهما كان فى العربية

[Moe86]

الفكرة بس ان العيب ممكن يبقى مش معروف سببه ايه بالظبط و واحد ميكانيكى يلعبلك فيها كتير و ممكن يخليك تغير أكتر من قطعة على الفاضى
حتى لو كان التوكيل وحش , خليه يلبسها هو فى الضمان و لو محتاجة حاجة تتغير يبقى على حسابه