suzuki jimny

[SEATLOVER]

يا amrosh العربية بتنزل موديل واحد اوتوماتيك فقط-4*4-2 باب -كاملة -ب 95

[SEATLOVER]

اية يا جماعة هو الكلام على الجيمنى لحق يخلص ولا اية ؟

مفيش حد شدت انتباهة العربية دى ...مفيش حد ناوى على جيمنى ؟

[amrosh]

اية يا جماعة هو الكلام على الجيمنى لحق يخلص ولا اية ؟

مفيش حد شدت انتباهة العربية دى ...مفيش حد ناوى على جيمنى ؟

بص يا باشا انا كلمت مودرن موتورز و سألتهم عنها قالولى هاتكون موجوده عندهم الاسبوع االلى جاى
وباذن الله اروح اشوفها و اجيب كل التفاصيل

[SEATLOVER]

شكراً يا amrosh بس مش شايف انها غريبة شوية ان مفيش مشاركات على الموضوع دة مع ان اعلاناتها نزلت و كانت موجودة فى المعرض ..تفتكر لية ؟

[amrosh]

شكراً يا amrosh بس مش شايف انها غريبة شوية ان مفيش مشاركات على الموضوع دة مع ان اعلاناتها نزلت و كانت موجودة فى المعرض ..تفتكر لية ؟

بصراحه مش عارف ليه ؟ يمكن فيه ناس شايفه ان شكلها مش حلو
"انا وريت صورها لاتنين اصحابى و مش عاجبهم شكلها " لكن انا عن نفسى شايف ان مينفعش احكم على العربيه من صوره
و بعدين انا شايف ان شكلها حلو - فى الصور عشان لسه ماشفتهاش فى الحقيقه- و سعرها بالنسبه لامكانياتها كويس جدا

[monsif]

suzuKi jimny

SUZUKI Jimny

السيارة من فئة الدفع الرباعي صغيرة الحجم كما أنها كوبيه

المحرك :
- السعه : 1.3 لتر
- القوه : 80 حصان
- السرعة القصوى : 140 كم / ساعة (يوجد فيديو علىyou tube بلغت فيه سرعة السيارة 175 كم / ساعة )
- سعة خزان الوقود : 40 لتر
- ناقل الحركة : أوتوماتك من 4 نسب (المتوفر في مصر)
- نظام الدفع : يمكن الأختيار مابين 3 أنظمة دفع ( دفع خلفي - دفع رباعي منخفض - دفع رباعي عالي )

الكماليات :
- زجاج كهربائي
- سنتر لوك و ريموت كونترول
- CD & MP3 player
- زجاج حراري خلفي
- مساحة زجاج خلفيه
- أمكانية طي المقاعد الخلفية بصور متعددة لتوفير مساحة
- مكيف هواء
- أماكن تخزين للنظارت و المناديل و غيرها
- وسادتين هوائيتين
- ABSلم يذكر وجود الـ EPD
المواصفات :
- طول السيارة : 3.6 متر
- عرض السيارة : 1.6 متر (نفس طول و عرض السوفيت تقريبا )
- ارتفاع جسم السيارة عن الأرض : 19 سم
- أقل نصف قطر دوران : 4.9 متر
-مقاس الأطارات : 205/70R15
- الوزن : 1060 كجم
- سعة الركاب : 4 أشخاص
- معدل استهلاك الوقود : 345 كم لكل صفيحه
بعض الملاحظات :
- هذه السيارة أصغر سيارة دفع رباعى في العالم و يعيبها أن محركها متواضع في طاقته مقارنتا بسيارة الدفع الرباعى الأخرى ( لا أعني بذلك أن محركها ضعيف )
- طرحت هذه السيارة منذ عام 1999
- هذه السيارة هيا سيارة الخدمات في المطارات و الشرطة في دول الخليج العربي


أرجو أن تعجبكم أولى مشاركاتي

[SEATLOVER]

اهلاً بيك يا monsif
اية الحلاوة دى فى اول مشاركة

تسمحلى بس اضيف كام حاجة
- ان معدل استهلاك البنزين هو 270 كم فى الصفيحة فى المتوسط
- مساحة الشنطة الخلفية 113 لتر و تزداد بطى المقاعد الخلفية الى 324 لتر
-نسبة انضغاط المحرك 9.5
-العزم 110/4100 rpm
-التسارع من 0-100 فى 17 ثانية

[monsif]

شكرا عل الأضافات و فعلا معد أستهلاك الوقود زي ما قلت

[Ghamrawy]

و هل هيه 4باي 4 و لا لأ برده مش عارف ...عشان المفروض كان يبقي فيه فتيس غرز بس ملاقتوش..

مافيش فتيس عرز (يدوى) و لكن في زراير فى التابلوه بتوصل و تفصل المحاور كهربائيا

[amr_elrashidy]

هى مشكلة العربية دى عدم الانتشار فقط..مع واحد جارى من 7 سنين محطش فيها مفك ماشاء الله الله اكبر..بس صالونها ضيق جدا

[NaderNabil]

في معرض اوتوماك ركبتها ...

لاقيت تقفيلها سئ جدا جدا....بلاستيك من الدرجة الأولي....الأبواب من الداخل تشبه البروديوا كليسا و الألتو

الموكيت سئ جدا و مش مطبع علي الأرض كويس...تحس انها متنجدة في الحرفيين عند واحد نص كم

ضيقة للغاية و القعدة غير مريحة!

كانت عجباني و كنت هاخلي واحد صاحبي يجبها بس دلوقتي خلاص...انسى!

[SEATLOVER]

في معرض اوتوماك ركبتها ...

لاقيت تقفيلها سئ جدا جدا!

معاك حق يا نادر
+ العفشة ناشفة جداً و تربيطها و خاماتها ضعيفة و بدائية +علبة الشكمان+خراطيم الفرامل ماشية على الهوا تحت العربية +الفبر اللى مغرق العربية +تقفيل الموتور و اجزاؤة رديئة التصنيع للغاية

وعموماً العربية كاداء تقيلة فى التسارع و اقصى سرعة ليها 100 مع ثبات معقول غير كدة بيبقى صوت الموتور عالى و التحميل علية زيادة و التحكم بيبقى اصعب فى العربية

[Ghamrawy]

لا حول و لا قوة الا بالله !!! ايه المقلب الاسود ده ؟؟ ربنا يصبر اللى اشتراها و دفع ال 95000 ملطوش