تجارب السيلاريو.....................!!!!

[aboomar22]

انا شفت العربية فى المعرض رائعة بس الواحد متردد لما يلاقى عربية زى الجيلى اسبيرو ب 54 اف وفيها كل الكماليات مانيوال 1500 سى سى حاجة تحير بجد

[aboomar22]

اسف اقصد مابل مش جيلى

[walidhosnykhater]

صيانة ال 1000 كيلو

روحت النهاردة عملت صيانة الألف كيلو الحمد لله والناس هناك فى فرع اسكندرية مودرن موتورز ممتازين والمهندس / كريم اللى قابلنى هناك مهندس ممتاز اهتم بجميع استفساراتى وجاوب عليها بالكامل بدون تطنيش وظبطولى العربية جوة وبرة ومية مية
ملاحظاتى بعد الالف كيلو انى لاحظت ان الفتيس ناشف شوية ولما قولتلهم قالولى دة العادى فى سوزوكى قولتلهم مثلا هو انشف من الدايو قالولى عادى كل شركة وليها نظام لكن دة مش عيب وفعلا مش عيب لكن بالنسبة لى عيب وكمان لاحظت ان فى رعشة خفيفة كدة فجه الميكانيكى وعلّى الماتور شوية فراحت الرعشة لكن المهندس قاللى لا خلّى كل حاجة زى ماهية احسن لحد مانسألأ عن الرعشة دى ونرد عليك فعجبنى الكلام وقولتله ماشى

[fawzyyyy]

روحت النهاردة عملت صيانة الألف كيلو الحمد لله والناس هناك فى فرع اسكندرية مودرن موتورز ممتازين والمهندس / كريم اللى قابلنى هناك مهندس ممتاز اهتم بجميع استفساراتى وجاوب عليها بالكامل بدون تطنيش وظبطولى العربية جوة وبرة ومية مية
ملاحظاتى بعد الالف كيلو انى لاحظت ان الفتيس ناشف شوية ولما قولتلهم قالولى دة العادى فى سوزوكى قولتلهم مثلا هو انشف من الدايو قالولى عادى كل شركة وليها نظام لكن دة مش عيب وفعلا مش عيب لكن بالنسبة لى عيب وكمان لاحظت ان فى رعشة خفيفة كدة فجه الميكانيكى وعلّى الماتور شوية فراحت الرعشة لكن المهندس قاللى لا خلّى كل حاجة زى ماهية احسن لحد مانسألأ عن الرعشة دى ونرد عليك فعجبنى الكلام وقولتله ماشى

بحب فييك تقاريرك المفيدة دية
بجد الف شكر يا استاذ وليد

[fawzyyyy]

انا شفت العربية فى المعرض رائعة بس الواحد متردد لما يلاقى عربية زى الجيلى اسبيرو ب 54 اف وفيها كل الكماليات مانيوال 1500 سى سى حاجة تحير بجد

مفيش مقارنة بين عربية صيني و عربية سوزوكي حتي لو بثلاث عجلات.....!!

[fawzyyyy]

متابع......

[bmya]

الهاف اوبشن فيها مايلى
2 اير باج
rpm
تكييف

الفول اوبشن
2 اير باج
rpm
تكييف
جنوط سبور 14
abs
ebd
esp
cd player صوته جامدددددددددددددد
2 زجاج كهرباء
سنتر لوك
قفل حماية للأطفال
قفل مركزى من الداخل للأربع ابواب
مساحة زجاج خلفية
مزيل ضباب للزجاج الخلفى
وحاجات تانية مش فاكرها حابص فى الكاتالوج وحاقولكم

الاوتوماتك نفس الفول اوبشن بس زيادة عليها الاوتوماتيك

الاول 1000 مبروك وربنا يباركلك فيها
وفعلا انا شايف انها عربيه ممتازه كونها ياباني ومن شركه محترمه زي سوزوكي وسعرها كويس جداا
وطبعا هي احسن من كل منافسيها من الكوري زي الاتوس والبيكانتو السبارك مع احترامي ليهم

بس فيه حاجه هو حضرتك متأكد انها فيها نظام ESP ولا حضرتك تقصد EPS ???
لانها تفرق كتييييييير
ESP ده نظام الثبات الالكتروني وده ش موجود اصلا غير في العربيات الالماني فيكترا وجيتا وباشات وكده يعني وموجد في بعض الياباني بس اللي سعره 150 الف مثلا

اما بقه ال EPS ده اللي هور الباور الكهربه
ياريت حضرتك او اي حد من الاخوه بيتأكدولنا من الحكايه دي
انا عندي في السيريون المفروض انها فيها النظام ده واللمبه بتاعته موجوده في التابلوه بس طبعا النظام متشال منها لان الوكيل شايفه رفاهيه احنا مانستلهاش لكن بتنزل بره بالنظام ده

فلو فعلا فيها نظام الثبات ده دي تبقى معجززززه فعلا
بس اعتقد انه بنسبه 90% حضرتك قصدك EPS
مستني تاكيد حضرتك
وربنا بيارلكلك فيها

[walidhosnykhater]

Esp

ياباشا انا اللى بقوله مش من دماغى انا بقول بناءا على اللى موجود فى العربية واللى بيقوله الموقع بتاعها واللى بيقوله التوكيل والعربية دى نسخة واحدة فى كل العالم يعنى زى مابتنزل عندنا زى مابتنزل فى الهند بلد المنشأ يمكن الاختلاف الوحيد وجود درج فى التابلوة بس النسخة اللى فى الهند لكن الباقى كله زى ماهو خش عالموقع دة
Alto/CELERIO:Safety | Global Suzuki

[bmya]

استاذ وليد ياريت الرد بهدوء انا مش قصدي اكدبك
كل اللي بقوله ان ممكن يكون فيه لبس في الموضوع بين ESp EPS
وزي ما قلت لحضرتك النظام ده في مصر مش موجود غير في العربيات الالماني ومش كلها كمان تخيل بقه
عشان كده حبيت اتأكد من حضرتك
ثاينا سيبك خاااااااااالص من كلام الوكيل في مصر
حضرتك فيه زميل معانا هنا معه فيكترا 2008 تقريبا وفول اوبشن والتوكيل كان بيحاول يقنعه ان فيها نظام الثبات ده ESP وهو مش موجود فيها اصلا ومع انه مكتوب في البرشور بتعها انه من الكماليات
مصر حاجه تانيه خاااااااالص
انا بسال حضرتك هل فيه لمبه تشيك للنظام ده موجوده عند حضرتك في التابلوه ؟؟ يعني بتنور مع نور الايرباج والزيت والبطاريه
هل فيه زرار عند حضرتك لتشغيل النظام وغلقه زي معظم العربيات اللي فيها النظام ده ؟؟

الكلام مش تشكيك ولكن توضيح فقط لان فعلا لو فيها النظام ده ففعلا تبقى عربيه ممتازه واللي يروح يشتري بيكانتو ولا i10 يبقى غلطااااااان

مستني رد حضرتك
وعلى فكره اللينك اللي حضرتك حاطوه يوضح كلامي اكتر
لانه مكتوب في اللينك مثلا six airbags
هل عند حضرتك 6 ايرباجز فعلا ؟؟ اعتقد انهم 2 بس
يبقى برده ايه المانع ان النظام الثبات ده يتشال
وبعدين حضرتك بتقول بتنزل نسخه وحده في العالم طيب ازاي بقه وفيه 4 ايرباجز ناقصين عند حضرتك

ياريت متزعلش من كلامي انا مش قصدي حاجه

[walidhosnykhater]

يا باشا انا مش زعلان انا برد عليك بس ومش زعلان ولا حاجة بص يا باشا فى حاجة اسمها ABS دة نظام عدم غلق المكابح وموجود فعلا ومجربه وفى نظام اسمه ESP ودة نظام الثبات الالكترونى يعنى توزيع الوزن عند المنحنيات على الاربع عجلات ومجربه فى منحنى غبى وموضوع الاير باج الستة تمام زى ماقولت بس المهم انه موجود مش متشال خالص زى كل العربيات اللى بتنزل مصر وانا حاصورلك التابلوة عند التدوير على طول واشيرلك الصورة وعلى فكرة مفيش ولا نظام بيتقفل بزرار الكلام دة فى العربيات العالية ومتزعلش انا مش قصدى اتكلم بعصبية

[mohamed76]

متابع الموضوع من اوله باهتمام كبير وفعلا فى نقطة مهم اشار ليها شريف باشا "bmya" عن وجدو 6 اير باج و نظام ESP
ورد وليد باشا عليها وبعد البحث لقيت ان الكلام ده صح والتانى برضه صح !!!
اولا عن وجود 6 اير باج ونظام ESP ده صحيح تماما فى العربية بالمواصفات الاوروبية حسب ما ذكر موقع شركة سورزوكى نفسه
SUZUKI ALTO
ثانيا وجود 2 ايرباج بس مع عدم وجود نظام ESP فد برضه صحيح لان ده مواصفات شركة ماروتى الهندية واسم العربية هناك A-Star
ودجه الموقع بتاعهم
Maruti Suzuki A-Star: Stop at nothing with KB series Engine
فمتهيأ لى كده انه فيه اختلاف فى المواصفات ما بين السوق الاوروبية وسوقنا و اعتقد من مقارنة الكماليات الى ذكرها ا/وليد هى قريبية للمواصفات الشركة الهندية وممكن حد يتأكد من التوكيل من حد فاهم برضه

[mohamed76]

وده رابط كاتلوج العربية من الشركة الهندية الى فيه نفس المواثفات اللى قالها ا/وليد

http://www.marutisuzukiastar.com/downloads/pdf/bro.zip

[fawzyyyy]

والله لو لمبة ال esp بتنور زي ما استاذ وليد قال اما بيجي يدور ......يبقي النظام شغال اكيد......!!

[bmya]

يا باشا انا مش زعلان انا برد عليك بس ومش زعلان ولا حاجة بص يا باشا فى حاجة اسمها ABS دة نظام عدم غلق المكابح وموجود فعلا ومجربه وفى نظام اسمه ESP ودة نظام الثبات الالكترونى يعنى توزيع الوزن عند المنحنيات على الاربع عجلات ومجربه فى منحنى غبى وموضوع الاير باج الستة تمام زى ماقولت بس المهم انه موجود مش متشال خالص زى كل العربيات اللى بتنزل مصر وانا حاصورلك التابلوة عند التدوير على طول واشيرلك الصورة وعلى فكرة مفيش ولا نظام بيتقفل بزرار الكلام دة فى العربيات العالية ومتزعلش انا مش قصدى اتكلم بعصبية

استاذ وليد كويس ان حضرتك مزعلتش من كلامي وبحييك على تفهمك الموقف للاسف في ناس تيجي تكلمها في عربيتها تحسسك انك بتغلط فيها شخصيا
نيجي للكلام المفيد حضرتك فعلا في نظام الABS دي الفرامل المضاده للانغلاق
يكون معه غالبا نظام توزيع قوة الكبح حسب معامل الإحتكاك EBD
اما الESP أختصار لـ Electronic Stability Program
و النظام ده بيكون موجود في مصر (انا بتكلم على اللي بينزلنا في مصر لانه موجود تقريبا في معظم العربيات بره السيريون معايا فيها النظام ده بره بس طبعا شايلينه من مصر وبرده نازله 2 اير باج بس من غير الوسائد الجانبيه والسفليه زي عربيه حضرتك ) غالبا في العربيات الالماني وبيكون له زرار في بعض العربيات

متابع الموضوع من اوله باهتمام كبير وفعلا فى نقطة مهم اشار ليها شريف باشا "bmya" عن وجدو 6 اير باج و نظام ESP
ورد وليد باشا عليها وبعد البحث لقيت ان الكلام ده صح والتانى برضه صح !!!
اولا عن وجود 6 اير باج ونظام ESP ده صحيح تماما فى العربية بالمواصفات الاوروبية حسب ما ذكر موقع شركة سورزوكى نفسه
SUZUKI.ALTO
ثانيا وجود 2 ايرباج بس مع عدم وجود نظام ESP فد برضه صحيح لان ده مواصفات شركة ماروتى الهندية واسم العربية هناك A-Star
ودجه الموقع بتاعهم
Maruti Suzuki A-Star: Stop at nothing with KB series Engine
فمتهيأ لى كده انه فيه اختلاف فى المواصفات ما بين السوق الاوروبية وسوقنا و اعتقد من مقارنة الكماليات الى ذكرها ا/وليد هى قريبية للمواصفات الشركة الهندية وممكن حد يتأكد من التوكيل من حد فاهم برضه

محمد باشا كلامك صح فعلا العربيات في اوروربا ليها مقياس تاني للعربيات واعلى مواصافات تلاقيها في المواصفات الاوروبي في اي عربيه مش السوزوكي بس يعنيي السيريون معايا كده برده 2 اير باج والباقي متشال

والكامله فيها فرامل ABS+EBD وشايلين باقي الانظمه زي ال VSC وده يعادل ال ESP
ونظام ال TRC وده اللي هو بيخلي العربيه بالبلدي كده على ما افهم متفروكش وهي طالعه يعني ميضيعش عزم من العربيه في فرك الكاوتش

وبما ان العربيه يتنزلنا من مصنع الهند ف 90 % العربيه نازله زي المواصفات الهندي اللي هي 2ايرباجز و فرامل ال ABS +EBD وبدون ال ESP

عموما ياريت حد يكون رايح التوكيل ويتأكد لنا
او خير دليل فعلا هو اللمبات اللي في التابلوه لان اي نظام موجود في العربيه لازم يكون له لمبه تشبك واللمبه دي تنور مع اول تكه وبتطفي بعد ثواني او بعد تدوير العربيه فشوف لنا كده يا وليد بك الموضوع ده
وربنا يباركلك فيها

[walidhosnykhater]

انا اتخميت يارجالة

لمبة ESP موجودة بس مش بتنور وفى لمبات كتير تانية لحاجات تانية بس مش بتنور لمبة ال ABS والايرباج بس اللى بينوروا انا اتخميت