مميزات وعيوب الماروتى بالتفصيل

[micromoud]

شكرا على الرد بس انا ليا بعض الاستفسارات لمستخدمى الماروتى
انا قرأت انا الفتيس بيعض وتقيل مع النقلات .
وبالنسبة للعفشة ايه اخبارها علشان فى طريق شغلى جزء مكسر وفيه مطبات مكسرة فهل هتستحمل.
الثبات اخباره ايه علشان انا سمعت انها مش ثابتة على الارض يعنى ممكن تتقلب بيا انا واولادى ولو على سرعة 100 فيما فوق بيكون ايه الاخبار؟؟؟
ولو هركب احيانا 4 افراد باوزان مختلفة هتستحمل والا لاء
البنزين بتعها نوع ايه والزيت كمان علشان انا بحت دلوقتى 80 لل 127
ولو هجيب كسر الزيرو هتكون كويسة
لان فى ناس قلتى البرايت احلى حتى لو مستعملة
ارجو الرد بسرعة من الاخوة ربنا يخليهم جميعا
اسفة للإطالة

الفتيس موش ناعم الى حد بالمقارنه مع العربيات التانيه
العفشه كويسه وبتستحمل بس هتحس بالمطبات اللى موجوده فى الشارع والعربيه عاليه ما بتحكش فى المطبات حتى لو مركب 4 افراد
والعربيه انا شايف انها ثابته لغايه 110 ومانصحش انك تعدى بيها 120
وركب فيها 4 باوزان هتستحملب وهتجرى وتطلع مطالع كمان
البنزين 80 هيخلى العربيه تقطع معاك فخليك فى 90 مع ان العربيه المفروض بنزينها 92
والعربيه جميله جدا وموفره فى كل حاجه وبتسد معاك فى مشاوير كتير

[marmar9680]

انا معروض عليا ماروتى 2009 عاملة 4500كم 29.500
سعرها كدة كويس
ارجو الرد بسرعة

[micromoud]

سعرها حلو ارفعها فى التوكيل او خد ميكانيكى وسمكرى كويس قبل شرائها وبالتوفيق

[LORD.ADeL]

ربنا يخليك يا عادل باشا , منور باصحابه

وعلى فكرة أنا ماروتاوي قديم , كانت معايا ماروتي لمدة 6 سنين !

تسلم يا ريس والله منورنا ياغالي وبما انك مروتي قديم يبقى لازم تكون متواجد هنا معنا ديما علشان بردو تفدنا
بخبرتك فى تعامل مع عربيه فترة اللى كانت معاك فيها وربنا يزيدك كمان وكمان وتجيب احسن من اللى معاك ياباشاااا

[LORD.ADeL]

ابو اميرة يا عسل اخبارك ايه وكل عام وانت بخير ومحمد ابو الاحناش انا قلت ان البليه لعبت معاكم وغيرتم العربيات وكنت بدور عليكم في قسم الـ bmw و المرسيدس وقسم العربيات الامريكان

الحمدلله رب العالمين تمام وبخير طول ما انتم بخير
يا غالي وانت بالف صحه وعافيه يا بو جنة
ههههههه لعبت ايه بس ياعم احنا غلابه وحمدلله ع الحته اللى معانا
ههه ربنا يكرمنا جميعا ونزود ونغير للافضل والاحسن وحد يكره الله مسعان
اخبار الدنيا ايه معاك ورعبيتك مسميها ايه ...

[LORD.ADeL]

شكرا على الرد بس انا ليا بعض الاستفسارات لمستخدمى الماروتى
انا قرأت انا الفتيس بيعض وتقيل مع النقلات .
وبالنسبة للعفشة ايه اخبارها علشان فى طريق شغلى جزء مكسر وفيه مطبات مكسرة فهل هتستحمل.
الثبات اخباره ايه علشان انا سمعت انها مش ثابتة على الارض يعنى ممكن تتقلب بيا انا واولادى ولو على سرعة 100 فيما فوق بيكون ايه الاخبار؟؟؟
ولو هركب احيانا 4 افراد باوزان مختلفة هتستحمل والا لاء
البنزين بتعها نوع ايه والزيت كمان علشان انا بحت دلوقتى 80 لل 127
ولو هجيب كسر الزيرو هتكون كويسة
لان فى ناس قلتى البرايت احلى حتى لو مستعملة
ارجو الرد بسرعة من الاخوة ربنا يخليهم جميعا
اسفة للإطالة

شوفى يا مرمر
بخصوص فتيس هوا فعلا تقيل شوياا بس شغال وبردو بتعمد ع الضغط ع الدبيراش وعض بيكون لما تكون عربيه واخد غيار مثلا 2 او 3 وعايزة ترجعى للاول هوا هنا العض فقط غير كدة حياة تمام....

العفشه لازم تتابعيها كل كام شهر بالتربيط لان شوارع مصر محروسه ماشاء الله ونعم شوراع
مثلا عندي فى فيصل وهرم شوارع داخليه تكاد منتهيه صلاحيه المشي عليها اساس مبطات وعيون قطه وغيرة
والحمدلله ربك سترها وماشيه بس لازم كل كم شهر تربطي عفشه

بخصوص بنزين زي ماقال ميكور كدة 80 شغال مع عربيه فل بس نصيحه بالنسبه لنساء عامتا خاليكو فى 90/92
لان سحب عربيه هيكون اعلى وافضل والاداء تمام ومش هتقطع ولا تسقف معاكي فى مطالع كوبري

والله اعلم مني ومن الجميع

[LORD.ADeL]

سعرها حلو ارفعها فى التوكيل او خد ميكانيكى وسمكرى كويس قبل شرائها وبالتوفيق

زي ماقال ميكور بالضبط
سعرها تمام جدااا
فقط تروحي ترفعيها عند توكيل لان هو افضل مكان للعربيه تعرفي عنها كل حاجه
انتى روحي وقولي لهم عايز اكشف ع عربيه وارفعها وافحصها علشان عايزة اشتريها وهما هيعملو والوجب
وتقريبا موضوع كل هيتكلف 200 او 300 جينه مش اكتر قابله للنقصان لان هناك اجهزة وورش العربيه الاصليه
وكمان شوفى العتب واقوائم وربنا يسرهاا ومبروك مقدمااا العربية

[marmar9680]

اشكركم على الرد
يعنى الفتيس اسوأ من 127 وهل فعلا العربية متستحملش لو ركبت فيها 4 افراد باوزان متوسطة والثبات اخباره ايه على السرعات العالية
وبالنسبة للكاسيت والسمعات يكلفوا كام بتركبهم ونوعهم ايه؟؟؟؟ علشان العربية الى معروضة عليه من غير كاسيت والطبيعى للعربية تعمل كام كيلو للصفيحة علشان انا سمعت ارقام متفاوتة ويعنى ايه الكهرباء بتعتها عالية علشان انا مفهمتش الجملة ده وايه المشاكل الى بتعملها؟؟؟؟؟
هل ممكن لحد يصفر العداد بتاع الكيلو مترات
شكرا على معلوماتكم مفدما وربنا يخيكوا لنا

[marmar9680]

انا مش فاهمة ايه مشكلة 3 سلندر لان فى ناس قلتلى ديه وحشة علشان 3 سلندر وبالنسبة للكسدام الامامى والخلفى هو نوعه ايه يعنى وانا بركن ولمس الرصيف مثلا ممكن اليه اتكسر

[marmar9680]

ما حدش رد عليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ارجو الافادة؟؟؟؟؟؟؟؟؟؟؟؟؟؟

[abogogo]

اشكركم على الرد
يعنى الفتيس اسوأ من 127 وهل فعلا العربية متستحملش لو ركبت فيها 4 افراد باوزان متوسطة والثبات اخباره ايه على السرعات العالية
وبالنسبة للكاسيت والسمعات يكلفوا كام بتركبهم ونوعهم ايه؟؟؟؟ علشان العربية الى معروضة عليه من غير كاسيت والطبيعى للعربية تعمل كام كيلو للصفيحة علشان انا سمعت ارقام متفاوتة ويعنى ايه الكهرباء بتعتها عالية علشان انا مفهمتش الجملة ده وايه المشاكل الى بتعملها؟؟؟؟؟
هل ممكن لحد يصفر العداد بتاع الكيلو مترات
شكرا على معلوماتكم مفدما وربنا يخيكوا لنا

الاخت مرمر بالنسبة للفتيس فتيس الماروتى انعم من ال127 واربعة غيار اما موضوع الوزن انا كنت مركب اربعة من الاصدقاء وانا خامسهم وانا اقلهم وزنا 175 كيلو وطولي 175 سم ورحنا اسماعلية رايح جاي والفيوم ومرة طريق الكريمات حتى الصف بنفس الوزن بالنسبة للسرعة 100 كيلو تمام للسيارة واقصى سرعة جبتها 120 كيلو في زملاء في المنتدى جابو 140 كيلو بيها وانا منصحش بالسرعة لاي عربية كانت بالنسبة للكاسيت عادي ممكن يتركب ليها اي كاست مع التعديل في التابلوه بقص جزء بسيط جمب الساعة او تركيب كالسونة كاسيت تحت التابلوه ويركب فيها الكاسيت بالنسبة للبنزين انا بحط 80 وسعات 90 والعربية اقتصادية جدا في استهلاك البنزين وموضوع الكهربا عاليه اي ميكانيكي من السهل يظبط الكهربا عن طريق الاسبراتير والكربراتير وده موضوع سهل وعادي واقصى تكلفة ليها 10 جنية وانا بعمل التظبيط ده بنفسي من سهولتة اما تصفير العداد فعلا فيه ناس محترفة الموضوع ده بس من الافضل ليكي انه يكون معاكي اخوكي او والدك او اي راجل من الاقارب "ليس تقليلا من شأنك" بصحبة مكانيكي يكون معرفه وامين ويكشفلك على العربيه كويس واستخاري الله عز وجل وتوكلي عليه

[abogogo]

انا مش فاهمة ايه مشكلة 3 سلندر لان فى ناس قلتلى ديه وحشة علشان 3 سلندر وبالنسبة للكسدام الامامى والخلفى هو نوعه ايه يعنى وانا بركن ولمس الرصيف مثلا ممكن اليه اتكسر

السلندر ده حجم الموتور وفي عربيات 2 سلندر 3سلندر 4 و6 و8 و12 وكل حجم موتور على حسب حجم العربية وقوتها وايضا استعمالها بالنسبة للماروتي 3 سلندر مناسب على العربية وتصميم ياباني ومفيش مشكلة منه اما الاكصدام نوعه فيبر زي جميع العربيات الحديثة خفيف وقوي ولو اتكسر تقريبا اكصدام الماروتي الخلفي الجديد 55 جنية او 60 جنية عشان اشتريته قبل كده اما الامامي فتقريبا يزيد شوية بسيطة اتوكلي على الله وهاتي العربية

[marmar9680]

الحقونى؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اتصلت امبارح بواحد عامل اعلان عن العربية بس لاقيته بعها ولما سأته عن رأيه فى العربية
قالى انها حلوة بس لما قولتله انى بأمش من طريق الماظة بعد السوبر جيت (طريق مكسر وكله تعرجات) قالى لاء انا ما نصكيش بالعربية لان عفشتها مش هتستحمل وقالى افضل تشوفى حاجة تانية. ايه رأى الاخوة

[marmar9680]

يا اخ ابو جنة هو حاضرتك بتمون ببنزين 80 فعلا وده ما يأثرش على العربية فى اى حاجة.
وحاضرتك ما شرحتليش يعنى ايه الكهرباء عالية يعنى اعرف ازاى ان الكهرباء بتاعة العربية عالية ولك جزيل الشكر على ردود حاضرتك

[marmar9680]

الاخت مرمر بالنسبة للفتيس فتيس الماروتى انعم من ال127 واربعة غيار اما موضوع الوزن انا كنت مركب اربعة من الاصدقاء وانا خامسهم وانا اقلهم وزنا 175 كيلو وطولي 175 سم ورحنا اسماعلية رايح جاي والفيوم ومرة طريق الكريمات حتى الصف بنفس الوزن بالنسبة للسرعة 100 كيلو تمام للسيارة واقصى سرعة جبتها 120 كيلو في زملاء في المنتدى جابو 140 كيلو بيها وانا منصحش بالسرعة لاي عربية كانت بالنسبة للكاسيت عادي ممكن يتركب ليها اي كاست مع التعديل في التابلوه بقص جزء بسيط جمب الساعة او تركيب كالسونة كاسيت تحت التابلوه ويركب فيها الكاسيت بالنسبة للبنزين انا بحط 80 وسعات 90 والعربية اقتصادية جدا في استهلاك البنزين وموضوع الكهربا عاليه اي ميكانيكي من السهل يظبط الكهربا عن طريق الاسبراتير والكربراتير وده موضوع سهل وعادي واقصى تكلفة ليها 10 جنية وانا بعمل التظبيط ده بنفسي من سهولتة اما تصفير العداد فعلا فيه ناس محترفة الموضوع ده بس من الافضل ليكي انه يكون معاكي اخوكي او والدك او اي راجل من الاقارب "ليس تقليلا من شأنك" بصحبة مكانيكي يكون معرفه وامين ويكشفلك على العربيه كويس واستخاري الله عز وجل وتوكلي عليه