العلبة دى بتاعة ايه فى الماروتى

[aymanay32]

انا فكيت الرف الخلفى عند الشنطة
و بعدين فكيت من الشمال الحامل البلاستيك بتاعة من عدد 2 مسمار
و بعدين فكيت الجنب الشمال اللى تحتها بيتفك بمفك او تشده جامد لانه كلبسات

هتلاقى زور التنك بتاع البنزين
و طالع منه خرطوم رفيع بكلبس و رايح على علبة بلاستيك بيضاء
بس معرفتش افك تانى عشان عاوز مفك كبير افك الحديدة اللى بتمسك فيها ظهر الكنبة عشان اشوف العلبة دى بتاعة ايه
و موجودة اعلى من زور التنك مش تحته


ماروتى 2009



كمان فى الكبوت فيه علبة بلاستيك داخل فيها خرطومين تتبعت احدهم لقيته داخل على حاجة صغيرة عاملة زى الفلتر و خارج منها داخل على الكابينة جوه
فكيت الكرسى و نزلت اشوف الخرطوم دة رايح فين و بيعمل ايه جوه

لقيته داخل فى ماسورة بلاستيك و ماشى فيها معدى تحت ماسورة الدركسيون و خارج الناحية التانية و داخل جوه الرفرف الشمال و معرفتش اكمل وراه المشوار عشان اعرف طريقه رايح فين

هل ممكن يكون طالع فوق و معدى فى قايم العربية رايح حته



اللى يعرف حاجة يقولى احسن هتجنن كل شوية الاقى حاجة و مش عارف دى بتاعة ايه و لو باظت اعرف ازاى انها باظت و لو حتى اسمها ايه و بتعمل ايه و لو عطلت بتأثر على ايه

[dolly13]

ممكن اسال حضرتك ليه بتفك الحاجات دى
يعنى بهدف التعلم والا فيه سبب لكدة
اسفة على فضولى بس حبيت اتعلم

[fawzyyyy]

انت لو عملت كده في العربية كلها حتكتشف حاجات تانية كتيييير
يا راجل متوجعش دماغك

[aymanay32]

انت لو عملت كده في العربية كلها حتكتشف حاجات تانية كتيييير
يا راجل متوجعش دماغك

ممكن اسال حضرتك ليه بتفك الحاجات دى
يعنى بهدف التعلم والا فيه سبب لكدة
اسفة على فضولى بس حبيت اتعلم

معلش انا عاذركم لانكم معندكوش ماروتى فبتقولوا الكلام دة لانكم فى الفيرنا و الستروين مش هتفكروا كدة


الماروتى شنطتها صغيرة و انا جيبت سماعات و كنت عاوز اركبها بس الرف اللى فى الشنطة ساعات بيقع و كنت عاوز امشى السلك لحد الشنطة ففكرت امشيه تحت الموكيت لحد الكنبة و لقيت بلاستيكة بتتشال و تتحط قمت شيلتها و مشيت السلك من تحتها لحد ما وصل لغاية الشنطة و حيت اركبها لقيت لها شفة لازم تدخل فى الحته دى لانى لما شيلتها كانت داخله تحت الجزء دة فاضطريت افك كل الحاجات دى عشان ادخلها مظبوطه زى ما كانت و هنا اكتشفت العلبة اما الخرطوم فده لما جيت اعمل توصيلة الكاسيت و شيلت الكرسى عشان امشى لحد الشنطة


الماروتيه هايقولولى ليه شيلت الكرسى

لانى مركب تحت مشمع فى العربية كلها و كله حته واحدة جايبة من التوحيد و النور و عشان امشى السلك تحت المشمع لازم افك المسامير الاربعة بتوع الكرسى و بالمناسبة مقاسهم 12



و فى النهاية بردة ردكم لم يفيدنى فى معرفة العلبة او الخرطوم بتوع ايه

و اشكركم فى النهاية و ارجو لو وصلتم لشىء تبقوا تقولوا لى




اما اخوانى الماروتية

انا روحت سوزوكى سنتر و سالت على العلبة اللى فى الكبوت قالولى دى فلتر و الباشمهندس هانى جالوا واحد معاه العلبة دى و صورها عشان يروح يجيبها من الهند و دلوقتى هوه فى الهند بيجيب العلبة و لما يجىى هنعرف العلبة دى بتاعت ايه و فيها ايه

ادعوا معايا يارب يكون فى العلبة فيل

و اذا توصلت لشىء هاديكوا خبر

[dolly13]

وانا كمان باعذرك على الرد
بس انا ماروتية قديمة يعنى اول بختى كانت ماروتى وفضلت معايا سنتين وكانت مشكلة فعلا فى الشنطة ومشكلة لما حبيت اركب السماعات وكان كل شوية الرف يقع والسلك يفصل وانا اركبه تانى
بس هى عربية جميلة فى الزحمة دى وكنت مستمتعة بيها جدا قبل ماقرر انى اكبرها شوية
ربنا يباركلك فيها

[fawzyyyy]

يا باشا ربنا يوفقك في تركيب السماعات......حضرتك ممكن تمشي السلك في العتب بتاع العربية حتلاقيه كلبسات و ده حيبقي احسن......جرب كده و ربنا يوفقك ان شاء الله

[aymanay32]

يا باشا ربنا يوفقك في تركيب السماعات......حضرتك ممكن تمشي السلك في العتب بتاع العربية حتلاقيه كلبسات و ده حيبقي احسن......جرب كده و ربنا يوفقك ان شاء الله

انا مشيت السلك خلاص و الف شكر

[aymanay32]

انا فكيت يا جماعة العلبة و فكيت الخراطيم كلها و هذه هى الصور بتاعتهم

الصور

http://img103.herosh.com/2011/01/07/15028227.jpg

http://img105.herosh.com/2011/01/07/105785819.jpg

http://img103.herosh.com/2011/01/07/295561752.jpg

http://img101.herosh.com/2011/01/07/687283853.jpg

http://img101.herosh.com/2011/01/07/119707831.jpg

http://img102.herosh.com/2011/01/07/147558875.jpg

[hamaza81]

العلبة دي بتاعة الهواء بتاع تانك البنزين
والله اعلم

[moustafamoussa]

العلبة دي بتاعة الهواء بتاع تانك البنزين
والله اعلم

دة فعلا... حتي لما تيجي تفتح التانك هتلاقي صوت كبس هوا .. وانا سالت الميكانيكي عليها...

[aymanay32]

انا كنت باعتقد كدة بس بردوا لاقى كبس الهواء لما افتح غطاء التنك