تكببف سويفت 98

[moamen5005]

انا معايا سوزوكى سويفت موديل 1998 فابريكة وجميلة وزى الفل .. بس المشكلة فى جو الصيف ..
علشان كده بفكر اركب لها تكييف ..

ممكن لو سمحتوا حد يفيدنى فى الموضوع ده ؟؟
وهل هيؤثر على موتور السيارة وسحبها ولا لأ ..
لان ناس كتير بتقوللى اركب تكييف .. وناس تانية بتقوللى هيؤثر على موتور ..
محتار .. ارجو من اهل الخبرة الافادة
جزاكم الله خيرا

[moamen5005]

بسم الله الرحمن الرحيم
ايه يا جماعة سؤالى صعب ؟؟

[abdousaleem]

ما أنصحكش
بعد معاناتي معه

[fire333works]

بصراحة أنا برده معايا عربية سويفت موديل 96 مكيفة اصلا ..و تكيفها زيى الزفت ..ينفع معاك وإنت مسافر يعنى العربية تكون بتجرى ..لكن جوا البلد بيبقى بالكاد لطيف ..وأنا إشتغلت فى التكييف ده كتير و تقريبا غيرته كله و برده مش حاسس بالفرق الوهمى...حاجة أخيرة التكيف بيأثر على سحب السويفت جامد جدا

[wlng76]

طبعا التكييف التركيب سىء جدا وقلته احسن
اما عن التكييف الفبريقة فهو افضل وصيانته ممكنه
1. جرب تنظف مروحة التكييف
2. اغسل الثلاجة
3. اغسل سربنتينة التكييف فى محطة البنزين او رش خرطوم مياه والتكييف شغال
4. فرغ الشحن وبعدين اشحن تانى

وعموما التكييف فى اى عربية 1300 لازم يأثر على السحب

[semsem_inside]

التكييف عندى الأصلى بتاع العربية ومن العيوب اللى لاحظتها عليه :

- بيأثر على سحب العربية لما يكون شغال

- لما بيبقى التكييف شغال الحرارة بتاع الموتور بتزيد سنة ومع الشغل لفترة بتبدأ الميه فى التبخر - بمعنى لو بصيت على القربة هتلاقى منسوب الميه فيها زاد (الكلام ده بيحصل عندى لما أكون مركب غطاء الردياتير اليابانى الأصلى 0.9 أما لما ركبت غطاء 1.1 مكانش بيحصل بنفس الصورة) بس طبعا أنا مش بعمم الكلام على السويفت

- التكييف يعتبر ضعيف بالمقارنة بالعربيات الجديدة طبعا