تركيب نور صالون للماروتى

[alking_2006]

السلام عليكم

حبايبى الأخوة الماروتية

أنا كنت محتاج اسأل على حاجة
دلوقتى انا معايا ماروتى 99 و نور الصالون بتاعها من ساعة ما جبتها و هوا ضعيف و مش بينور حاجة خالص و كمان بعد شوية اللمبة اتحرقت و بقت الدنيا طااااااااالمه
انا كنت بشوف بعض العربيات مركبين لمبة بيضاء فلورسنت فى الصالون نورها قوى و شكلها شيك
فياريت لو حد عمل الموضوع دا يقولى على
-التكلفة
-اجيبها منين
-لو هوا اللى ركبها يقولى اركبها ازاى

و شكرا

[dr.hazem]

حبيبي
انا لسا مركبها بايدي الاسبوع اللي فات

تكلفتها 10 جنيه
من التوفيقيه
الناس اللي باسطين بتوع الاكسسوار
وفعلا فرق شاااااااااااااااااااااااااااااااااااااسع

كل اللي عليك انك تشتريها
وتفك البلاستيكه اللي على النور
تنظفها من الداخل وتفك اللمبه اللي راكبه وتوصل دي مكانها

هتواجهك مشكلتين فقط
الاولى فك البلاستيكه وده سهل جدا
هيا مقفوله كبس بكلبسين واحد عالزاويه اليمين وواحد عالشمال هتفتحها
المشكله التانيه
ان اللمبه اللي بتتباع البلحه بتاعتها كبيره
فانتا اقع اسلاكها ووصلهم دايركت عالقطبين الموجودين وخلصت المهمة على كده

يارب اكون افدتك

تحياتي

[abogogo]

في حاجة اشيك واحلى عاملها انا ..... فيه مجموعة ليدات شكلها مربع ب 12 جنيه تجبها وتلصقها على غطاء لمبة الصلون " اللصقه منها فيها" ومعها وصله شبه اللمبه بتحطها في دواية اللمبة وتقفل وش الغطا ..... بتخلي النور من جو ابيض وواضح والشكل جميل

[dr.hazem]

في حاجة اشيك واحلى عاملها انا ..... فيه مجموعة ليدات شكلها مربع ب 12 جنيه تجبها وتلصقها على غطاء لمبة الصلون " اللصقه منها فيها" ومعها وصله شبه اللمبه بتحطها في دواية اللمبة وتقفل وش الغطا ..... بتخلي النور من جو ابيض وواضح والشكل جميل

مهيا دي اللي انا مركبها يا ابو جنه
بس انا ركبتها جوه عشان محسش اني سايب حاجه بره
وانا حشرتها جوه بين قطبين اللمبه القديمه
وهما 12 ليد لونهم ابيض ماشاء الله خرافة بجد

هوا الراجل قالي 12 جنيه فعلا بس اخدتها ب 10 بعد ما جربهالي عنده...

تحياتي

[alking_2006]

مهيا دي اللي انا مركبها يا ابو جنه
بس انا ركبتها جوه عشان محسش اني سايب حاجه بره
وانا حشرتها جوه بين قطبين اللمبه القديمه
وهما 12 ليد لونهم ابيض ماشاء الله خرافة بجد

هوا الراجل قالي 12 جنيه فعلا بس اخدتها ب 10 بعد ما جربهالي عنده...

تحياتي

تسلم على ردك يا جميل

انا هجرب الحل دا بس كنت بستأذنك لو ينفع تصورلى اللمبة اللى عندك بعد ما ركبتها علشان اعرف شكلها و انا بشتريها و اعرف شكلها هيبقى عامل ازاى بعد التركيب علشان اركبها بنفسى

و تسلم

[aymanay32]

ممكن حد يبعت صورة ليها

[dr.hazem]

حاضر ياشباب هصورلكم العملية كلها ان شاء الله

بس على بالليل كده عشان ان شاء الله نسايبي عندي

تحياتي ليكم

[alking_2006]

حاضر ياشباب هصورلكم العملية كلها ان شاء الله

بس على بالليل كده عشان ان شاء الله نسايبي عندي

تحياتي ليكم

تسلم يا جميل و احنا فى انتظارك

[dr.hazem]

في البداية ده شكل علبة النور وهيا مقفوله



الصوره دي فيها انا بشاور على مكان الكلبس الشمال وفي واحد عالزاويه التانيه يمين




ادي الكلبس بعد فك العلبه من الجنب الشمال




دي العلبه بعد ما فكيتها وباينه اللمبه اللي انا حاططها
انا مثبتها بنفس المكان اللي المفروض البلحة الاصلية تكون راكبه فيه



اللمبه اللي انا شاريها بيكون ليها بلحة تانيه اكبر فمتحاولش تركبها لانها مش هتركب
اقطع اسلاكهم ووصلهم دايركت على القطبين زي الصوره دي





ده نور اللمبه بدون العلبه في النهار..



دي العلبه بعد اما نظفتها لان كان فيها تراب موطي الاضاءه




وآدي النور بعد تركيب العلبه في النهار...



يارب يكون الموضوع سهل عليكم وان شاء الله افيدكم في حاجات تانيه
واللي عنده اي استفسار عن اي حاجه يسألني


تحياتي للجميع

اخوكم حازم..

[alking_2006]

يا باشا انا مش عارف اشكرك ازاى على مجهودك
تسلم يا جميل و ان شاء الله انزل اجيب اللمبة دى و اركبها زى مقولت يا زميلى

شكرا

[m7nsh]

ميه ميه ياباشا و انا فعلا مركب اختها عندى

[dr.hazem]

يا باشا انا مش عارف اشكرك ازاى على مجهودك
تسلم يا جميل و ان شاء الله انزل اجيب اللمبة دى و اركبها زى مقولت يا زميلى

شكرا

تحت امرك ياعزيزي وابقى قولنا ايه الاخبار

تحياتي

[dr.hazem]

ميه ميه ياباشا و انا فعلا مركب اختها عندى

تمام يامعلم
ياريت اي حد يعمل تعديلات زي دي بسيطه يقولنا عليها

تحياتي

[LORD.ADeL]

فعلا مركبها عندي وعامله فرق جامد بس مشغلها عند اللازوم بس
علشان الاليداد دي بتتحرق بسرعه فاموقف تشغليها مع الباب
((:

[engahmedsamy]

انا عملت الحركة دي في الانوس بس بءت تنور اما الباب يقفل؟؟؟؟؟؟؟؟؟؟؟؟؟