السويفت الجديدة ...وحظها ؟

[SEATLOVER]

لية مفيش اى حد بيتكلم عن السويفت الجديدة ...العربية عاملة شغل حلو اوى فى العالم كلة ومنتشرة و محبوبة جداً فى دول كتير اوى اوروبية و عربية ..لية مش عارفين عنها اى حاجة ولا كأنها موجودة هنا
السعر ...مش كتير بالمقارنة بحاجات تانية متستهلش !
الموتور ...مخلى العربية طلقة !
الحجم ..معقول اوى فى فئة السوبر مينى !
الاداء ...اكتر من رائع !
المشاكل ..حتى الان مفيش !
الوكيل ...معقول !

طيب فى اية محدش بيفكر فيها لية ...قلة حظ ولا اية ؟

[fahd_628]

اصل بصراحة صعبب الواحد يدفع 105 الف فى عربية هاتشباك صغيرة فى حين انة ممكن يجيب حاجة تانية اكبر و اقوى و اكثر شبابية بسعر اقل و طبعا دية ازواق زى الأبيزا الجديدة برضة و البولو الجديدة و الفيستا

[yahyanaabil]

سعرخا مبالغ فيه جدا وحتلاقى قطع غيارها غاليه عشان مش منتشره بس العربيه مفهاش غلطه

[SEATLOVER]

يا جماعة سعرها مش مبالغ فية ولا حاجة ..تعالوا نفكر بعقل شوية و نحل المعادلة دى

1500cc +يابانى +تكنولجى عالية جداً+صالون و تابلوة تحفة +وسع داخلى معقول+مرونة +اداء عالى +جوائز عالمية +شبابية+سمعة عالمية حلوة جداً+قطع غيار معقولة جداً فى الفئة دى +توكيل معقول +توفير جداً فى البنزين +شكل مايتنسيش(جميل جداً) ومش هاينزل منة جديد لفترة كبيرة+سعر (95) للمانيوال =؟؟؟؟؟

اية اللى فى السعر دة (و من نفس الفئة عشان ممكن ينافسها ) ...اعتقد ان مفيش غير عربية واحدة اللى ممكن تنافسها و هى ( الماتيرا ) و كلنا عارفين مشكلتها اية .

طيب يبقى لية حظها كدة ؟

[hazem_khidr]

انا كنت بفكر فيها لني راكبها و عارفها كويس اوي.
لكن لما جيت اشتري قولت ادفع ال 105 دول فيها يبقي حرام لاني لو جيت ابيع حخسر كتيييير مش حتجيب اكتر من 70 الف !!!!!!!
و بعدين بالنسبه للياباني الياريس واكله الكل في الفئه دي.

[OlaOsman]

يمكن عشان اسم سوزوكي مش كبير في الياباني زي تويوتا او نيسان؟ و زي ما قال حازم في إعادة البيع تخسر كتير.. بدليل ان التيدا برضه فيه منها هاتشباك و المانيوال منها ب 120.. بس منتشرة بصورة ملحوظة و اكتر بكتييييييييييييييير من السويفت، انما يمكن اسم نيسان ساندها شوية.. و لا ايه؟

[cpt_shawky]

هى صحيح مفيهاش غلطة بس هى زى السيتى ليه متكنش بسعر السيتى ؟؟

هتتباع هوا

[Sharky]

العرببية دى فعلا ممتازة لكن ما بتتباعش للأسباب الاتية:
1- مافيش حد فى مصر إلا نادرا عنده أستعداد يدفع 100 الف فى عربية سوزوكى و كمان هاتشباك فى وجود الياريس حاليا و اللانسر سابقا لإن الناس بتثق فى تويوتا و ميتسوبيشى أكتر من سوزوكى و مازال لدى الكثير فكرا بأن السوزوكى سيارة رخيصة الثمن و لا يجب أن تكون غالية (بناءا على تاريخ السويفت القديمة) .
2- توكيل سوزوكى مش عاملة سمعة جامدة علشان يشجع الناس على شرائها.
3- سعر إعادة البيع ضائع لدرجة إنى شوفت واحد كان عايز يبيع واحدة موديل 2006 على ما أظن و كانت معدتش 20000 كم و عارضها على 75000 و محدش سأل فيه .
4- إحساس الكثير من الناس إن السيارة دى صغيرة الحجم و هو عكس تماما الحقيقة.

رأى الشخصى إن السيارة دى إتعملها دعاية مكثفة من الوكيل و جعل سعرها يترواح من 80 إلى 90 الف ممكن تعمل مبيعات كويسة غير كده لن نشاهدها فى مصر إلا نادرا زيها زى شقيقتها الكبرى SX4