مشكلة فى شنطة الماروتى

[alking_2006]

السلام عليكم

انا عندى الشنطة الخلفية فى الماروتى كل ما أجى ارفعها لفوق و اسيبها بتقوم نازلة تانى و تتقفل مع انها المفروض تفضل مرفوعه.

فهو المشكلة فى المكبس اللى على اليمين دا اللى المفروض يفضل رافع الشنطة انا حاسس انه بقى خفيف.

هل حد واجهته المشكلة دى او حد عنده حل ليها؟ و هل الدراع دا بيتباع و يا ترى بكام؟

و شكرا ليكوا

[LORD.ADeL]

شوف الاول تروح لحد من بتوع كوالين اللابواب عندك وهوا هيقولك اللى فيها باذن الله وبخصوص الدراع دة بيكون فى سوزوكي سنتر اللى فى توفقيه فى كل قطع غيار العربيه وباذن الله خير

[ahmednashaat]

المساعد بتاع الشنطة خف من كتر الفتح والقفل حضرتك لازم يتغير بواحد جديد والدنيا هتظبط معاك

[alking_2006]

شكرا ليكوا يا جدعان ان شاء الله انزل فى اقرب فرصة سوزوكى سنتر علشان خلاااااااص دماغى ورمت :((

[m7nsh]

المساعد بتاع الشنطة خف من كتر الفتح والقفل حضرتك لازم يتغير بواحد جديد والدنيا هتظبط معاك

+1
بالظبط كده .. و الموضوع بسيط ان شاء الله مفيهوش اى حاجه .. انت بس تغيرهم و كل شئ هيبقى تمام

[alking_2006]

سألت عليه فى سوزوكى سنتر امبارح لقيته عامل 75 جنيه

[aymanay32]

شوف فى الجنب اليمين و الجنب الشمال الحبلين اللى بيرفعوا الرف افصلهم من الجناب و جرب و شوف الشنطة هتطلع و تنزل تانى على طول و لا لاء

[abogogo]

انا كان عندي نفس المشكلة دي ..... روحت جايب واحد استراد بـ25 جنيه وركبته بنفسي والشنطة وشغال زي الفل من فترة طويلة والحمد لله

[msfahim]

ممكن تعمل حل مؤقت( بس بلدى فى نفس الوقت) -تفتح الشنطه للأخر وتخرم الحديده اللى بتخش فى الجراب بشنيور و كل ما تفتح الشنطه تحط مسمار فى الخرم اللى انت عملته تفضل مفتوحه والحل ده لحد ما تجيب المساعد الجديد

[m7nsh]

جبته منين يابو جوجو ؟؟

[abogogo]

جبته منين يابو جوجو ؟؟

ازيك يا هندسة كل عام وانت بخير والاخوة الماروتية بخير
جبت المساعد استراد من عند محل في الحرفيين بتاع الاسطى ناصر وتركيب مساعد الشنطة مفيش اسهل منه

[abogogo]

ممكن تعمل حل مؤقت( بس بلدى فى نفس الوقت) -تفتح الشنطه للأخر وتخرم الحديده اللى بتخش فى الجراب بشنيور و كل ما تفتح الشنطه تحط مسمار فى الخرم اللى انت عملته تفضل مفتوحه والحل ده لحد ما تجيب المساعد الجديد

الاخ msfahim فعلا كتير من الناس بتعمل الحل السحري ده بتفتح المساعد على الاخر وبتخرم الجراب نفسة وطبعا هتلاقي زيت كتير طلع تمسحه وبتربط مسمار بسلكه في المساعد طبعا يكون المسمار على قد الخرم وكل فتحت شنطة تحط المسمار في الخرم ولما تقفل تشيل المسمار

[alking_2006]

ممكن تعمل حل مؤقت( بس بلدى فى نفس الوقت) -تفتح الشنطه للأخر وتخرم الحديده اللى بتخش فى الجراب بشنيور و كل ما تفتح الشنطه تحط مسمار فى الخرم اللى انت عملته تفضل مفتوحه والحل ده لحد ما تجيب المساعد الجديد

انا يا جميل عملت حل شبه الحل دا بس من غير تخريم و لا حاجة
جبت الكلبس الأسود من اللى بيتباع فى المكتبات اللى بيمسك رزم الورق الكبيرة
و لزقت فيه من جوا كاوتشه و دلوقتى كل ما بفتح الشنطة بحط الكلبس و كل ما اقفلها اشيل الكلبس
و شغال ميه ميه و كدا انا استغنيت عن المساعد الجديد اصلا

[aymanay32]

طب مش ممكن المساعد يتصلح و تروح لحد يملاه زيت تانى