مشكله في تدوير العربيه الماروتي

[amrfares]

العربيه مش بدور الا لما اكارك لها او اشط شفاط الهواء
هل دة طبيعي او في مشكله في عربيتي مع العلم انها ماروتي زيرو 2010 ومن يوم مااستلمتها وهي كدة

ارجو سرعه الرد

[m7nsh]

طبيعى .. متقلقش

[خالد]

طبيعى ياباشا
بس أحسن لما تيجى تدورها تحط المفتاح فى الكونتاكت وتنتظر حوالى نص دقيقة لغاية المؤشر فى العداد بتاع البنزين يرفع ويثبت وبعدين تشد الشفاط وتدور ، هتلاقيها زى الفل خاصة الصبح ، لكن لو لسة راكن العربية والمؤشرات رافعة بتاع الحرارة لاداعى لشد الشفاط دور على طول وتوكل على الله

[m7nsh]

طبيعى ياباشا
بس أحسن لما تيجى تدورها تحط المفتاح فى الكونتاكت وتنتظر حوالى نص دقيقة لغاية المؤشر فى العداد بتاع البنزين يرفع ويثبت وبعدين تشد الشفاط وتدور ، هتلاقيها زى الفل خاصة الصبح ، لكن لو لسة راكن العربية والمؤشرات رافعة بتاع الحرارة لاداعى لشد الشفاط دور على طول وتوكل على الله

+1
ده كلام عظمه على عظمه يا استاذ خالد

[kimo_cat]

طبيعى ياباشا
بس أحسن لما تيجى تدورها تحط المفتاح فى الكونتاكت وتنتظر حوالى نص دقيقة لغاية المؤشر فى العداد بتاع البنزين يرفع ويثبت وبعدين تشد الشفاط وتدور ، هتلاقيها زى الفل خاصة الصبح ، لكن لو لسة راكن العربية والمؤشرات رافعة بتاع الحرارة لاداعى لشد الشفاط دور على طول وتوكل على الله

الكلام ده عادي وكلام الأستاذ خالد مظبوط وبيحصل معايه في ماروتي 2008 زيرو
اول ما تحط المفتاح استنه 10 ثواني بس لما تلاقي المؤشر بتاع البنزين طلع لفوق دوس بنزين مرة واحده بس وبعدين دور هاتدور معاك كويس إن شاء الله ، بالنسبة للشفاط تقريبا مش هاتستخدمة غير في الشتا بس لما تستخدم الطريقه دي.

[aymanay32]

ممكن حد يشرح لى العملية الميكانيكية فى انى استنى لحد ما المؤشر يطلع ثوانى و بعدين ادور
علما بان معلوماتى ان العربية مش جاز و راكب فيها سخانات و بسخن عشان ادور بل العربية بنزين
ايه بقى اللى بيحصل لما استنى ثوانى

[dr.hazem]

ممكن حد يشرح لى العملية الميكانيكية فى انى استنى لحد ما المؤشر يطلع ثوانى و بعدين ادور
علما بان معلوماتى ان العربية مش جاز و راكب فيها سخانات و بسخن عشان ادور بل العربية بنزين
ايه بقى اللى بيحصل لما استنى ثوانى

اللي اعرفه ان طرمبة البنزين اول منتا بتوصل لمرحلة فتح الكونتاكت والعدادات بتضخ ضخه خفيفه فاحنا يادوب بنستنى الضخه دي انها توصل للمكنه ومن ثم بندور
وفي حالة ان حد بيكارك وهوا فاتح العدادات الطرمبه بتضخ اكتر
والله اعلم


تحياتي

[zooma783]

الناس دي فاهمة ماروتي أكتر من مصنعيها
أول ما تحط المفتاح في الكونتاكت على وضع أون انتظر 5 ثواني لحين استقرار مؤشرات العدادات ، ولو العربية باردة ممكن تشد مفتاح الهواء ثم تقوم بالتشغيل ثم تقلل نسبة الهواء حسب صوت الموتور، أما لو كانت سخنة قبل التدوير يمكنك تشغيلها بدون مفتاح الهواء.....
الحكمة: سيبها براحتها هتريحك
الامضاء: ماروتي 2010 زيرو

[m7nsh]

الناس دي فاهمة ماروتي أكتر من مصنعيها
أول ما تحط المفتاح في الكونتاكت على وضع أون انتظر 5 ثواني لحين استقرار مؤشرات العدادات ، ولو العربية باردة ممكن تشد مفتاح الهواء ثم تقوم بالتشغيل ثم تقلل نسبة الهواء حسب صوت الموتور، أما لو كانت سخنة قبل التدوير يمكنك تشغيلها بدون مفتاح الهواء.....
الحكمة: سيبها براحتها هتريحك
الامضاء: ماروتي 2010 زيرو

ههههههههه
الحلوه تفاحه للسفر و السياحه

[خالد]

اللي اعرفه ان طرمبة البنزين اول منتا بتوصل لمرحلة فتح الكونتاكت والعدادات بتضخ ضخه خفيفه فاحنا يادوب بنستنى الضخه دي انها توصل للمكنه ومن ثم بندور
وفي حالة ان حد بيكارك وهوا فاتح العدادات الطرمبه بتضخ اكتر
والله اعلم


تحياتي

الله ينور ، بالظبط كده
لو كركت للعربية يعنى بتضخ أكتر والعربية تشرق
سيب العربية براحتها ماتستعجلش
حلوة قوى حكاية الحلوة تفاحة دى يابشمهندس

[moustafamoussa]

طبيعى ياباشا
بس أحسن لما تيجى تدورها تحط المفتاح فى الكونتاكت وتنتظر حوالى نص دقيقة لغاية المؤشر فى العداد بتاع البنزين يرفع ويثبت وبعدين تشد الشفاط وتدور ، هتلاقيها زى الفل خاصة الصبح ، لكن لو لسة راكن العربية والمؤشرات رافعة بتاع الحرارة لاداعى لشد الشفاط دور على طول وتوكل على الله

بس دة بيخلي الابلاتين يلدع

[mesaharaty]

أنا بأدورها كالآتى :
أكارك مرة طويلة شوية ثم مرتين صغيرين يعنى
ثم أحط المفتاح (بدون ما أدور)
وممكن أحط المفتاح الأول (بدون ما أدور) ثم أكارك بنزين

بعد ذلك يتم تدورير المفتاح
فلو مالقطتش من أول مرة بانتظر ثوانى وأجرب المرة الثانية مع دوسة بنزين أثناء تدوير المفتاح وفى الغالب بتلقط من المرة دى


بالتوفيق وربنا معاكم