مسلسل حلقات الماروتى

[mesaharaty]

السؤال التالى :
طالع مطلع (أو كوبرى) باطلع على أى غيار ؟
ولو الكوبرى كان بيمشى حتة ويقف حتة ما هو التعامل الأمثل مع الظرف ده ؟ (أرجو الشرح يكون واضح فيه بتعمل إيه بإيدك وبرجلك)

مع كل شكرى وإمتنانى

[m7nsh]

على حسب سرعتك ..لو حسيت ان الموتور مخنوق سقط نقله

لو الكوبرى بيقف و يمشى (مش بتقف كتير و مبتلحقش تمشى كتير )خليك دايس دبرياج و كل شويه اطلع اولانى و لما يقف دبرياج و فرامل و هكذا

لو بيقف شويه محترمين ابقى مور و خليك دايس فرامل بس او ممكن تشد الهاند بريك لو الوقفه هتطول

[LORD.ADeL]

محنشي جاب من الاخر
واضايف شي بسيط ان لو كوبري واقف وهيطول يعنى بمشي كل 5 او 10 د مثلا
شد الهاند واقفل كونتكت بد لما العربيه دايرة ع فاضي واذا كنت طالع او نازل حتا حتا
يبقى خلي استخدام كله ع هاند بريك
نازل مور عربيه وخاليك محمل ع هاند بريك
طالع يبقى زي ما محنش قالك بالضبط
((:
بس خلاص

[mesaharaty]

يا جماعة الخير ويا إخوانى الأعزاء

أرجو القول الفصل فى موضوع المطبات الصناعية الغبية

((إزاى آخد المطب ))

مثلا لما باكون على الثالث وأقترب من المطب باهدى وأول ما أطلع على المطب باجيب الغيار الثانى .
طيب إمبارح كان فيه مطب غبى جدا شكله مخيف معمول بالظلط وفظيع وجيت أعديه وكنت على الغيار الأول فحصل شىء فظيع جدا وهو إن العربية ما قدرتش تعديه ووقفت عليه ورجعت لورا وفى الآخر عديته بس بعد ما خلع قلبى من صوت الحكة إللى سمعتها وأنا معدى (كنا أربعة أفراد بالسيارة)

المهم علشان مانطولش عليكم نرجو القول الفصل فى كيفية العبور من المطب
فيه مطبات بتتاخد بالطريقة اللى قلتها لكم وبتمر كويس وفيه مطبات باحاول أعمل نفس الطريقة بالاقى العربية خسعت ووقفت وبطلت وبتبقى حيرة
(لأ وكان ورايا ميكروباص سواقه بذىء والعربية مبطلة وكل ما أحاول أطلع تبطل تانى وكانت ليلة رمضانية جميلة) لدرجة إنى توترت جدا وحسيت بالفشل وروحت حزين انا وزوجتى

أرجوكم شرح كيفية المطبات شرح واااااااااااااااافى للاهمية
وأشكركم ألف شكر على مروركم وردودكم

[love7amada]

اه حصلت معايا ف شوارعنا المهببه
اني اكون ع الاول و ارفع رجلي عن الدبرياج و العربيه متقدرش تعدي المطب ده
ساعتها ادي سنه بنزين زياده
اعتبره مطلع كبري كده هتلاقي العربيه عدته
يعني اول ما تيجي عنده و تهدي و العربيه بتطلع حستها تقلت اديها سنه بنزين

[love7amada]

اه انا كمان جديد ف السواقه و بحاول اتعلم زيك

[LORD.ADeL]

شوف يا صديقي العزيز
مطب يختلف من نوع لاخر اوك
مطب زي اللى حضرتك بتقول عليه دة بتكون محمل ع الاول يعنى
وانت داخل عليه متخليش عربيه تقف لا خاليها ماشيه سلانسيه انت بتهدي
لاكن متقفش واطلعه براحه وانت طلعه اكن لسه مدور وطالع سنه سنه وبراحه وان كان معاك حمل حاول تشوف اوطي حتى فى مطب مفيش يبقى تاخد المطب زويه مياله تخدو بالجنبمش مستقيم وكدة ممكن تتفادى الاحتكاك بنسبه بسيطه وللاتحتاك عادي بدال محمل
والله مستعان

[mesaharaty]

طيب سؤال اليوم :-

ماشى على سرعة ولتكن غيار رابع وبعدين حبيت تهدى شوية فإيه الغيار الجديد اللى لازم تاخده وإيه اللى بيحدد الغيار ده إن كان تالت أو تانى مثلا

وإيه ممكن يحصل ل حبيت آخد غيار جديد بعد ما هديت فكان غيار غير مناسب وإزاى أنقذ الموقف و أنا سايق بدون لعبكة .
أرجو التفصيل بالإجابة

ومشكوريييييييييييييييييييييين ألف شكر

[love7amada]

ده بحسه من السرعه او من صوت العربيه
يعني كنت ع الرابع و ماشي ع 100
و نزلت ل 40
هغير لل 3
او ممكن احس العربيه ساحبه معايا كويس فبترجع تاخد سرعتك كمان من غير ما تغير
بس ممكن تلتزم بجدول السرعه
او ما العربيه تتحرك او تجيب ال 20 تنقل التاني
تجيب ال 40 تنقل التالت
تجيب ال 60 تنقل ال رابع

ومستني برده راي الاعضاء عشان انا لسه جديد ف السواقه
مسقتش غير 200 كيلو

[aymanay32]

انا شايف ان الموضوع دة كان يجب ان يكتب فى القسم التعليمى مش فى مكان سوزوكى لاننا هنا بنتكلم عن السوزوكى و لو اتحط فى التعليمى ممكن يستفاد به اخرون غير سوزوكى

[mesaharaty]

مافيش مشكلة طبعا
بس إزاى يتنقل الموضوع إلى القسم التعليمى ؟

عاوزين الفايدة تعم على الجميع

[eculine]

بص يا باشا أنت ممكن تمور لو كنت علي الرابع مثلا و هديت شويه و نزلت السرعه لعشرين تمور و بعدين تجيب التاني و تدي سنه بنزين و تشيل رجلك من علي الدبرياج و بعدين تسوق عادي و تزود غيارات بعد كده عادي خالص , و كذلك الوضع و أنت داخل علي مطب تمور و تدوس فرامل سنه سنه و لما تكون فوق المطب تدي الغيار حسب السرعه اللي العربيه عليها و تشيل رجلك من علي الدبرياج و تدوس بنزين عادي .

[mesaharaty]

طيب لسه برضه العربية بتبطل عند مطب معين قرب البيت لدرجة إن المطب ده عقدنى من المطبات وبقيت حاسس إن كل العربية ما تيجى عند مطب لازم حتبطل .

[mesaharaty]

طيب ممكن سؤال كمان :
إيه هى كيفية النزول من على كوبرى أو منزل جامد زى الكوبرى كده

يعنى إيه هى محددات سرعتك وفراملك ؟ هل بتكون ممور ولا واخد غيار ؟ هل رجليك على الدبرياج والبنزين ولا على الدبرياج والفرامل ؟

يعنى إيه الطريقة المثالية للنزول من على كوبرى أو منزل شديد ؟

ارجوكم الشرح بالتفصيل (إيدك ورجلك بيعملوا إيه)
أفادكم الله ووفقكم لما فيه الخير

[mesaharaty]

القصد من كلمة (رجليك على الدبرياج والبنزين ) يعنى مجهز دبرياج ولا دايس نص نص ؟