ماروتي 2007

[love7amada]

خلاص كده تمام مع ان الفرق جامد ف الفلوس بين ال 80 و ال 92
الضعف تقريبا و هتبوظ الميزانيه بس المهم العربيه
بالنسبه اني اشيك عليها و كده
هيا فيها ميه خضرا و بتقول صاحبتها انها مش بتنقص ابدا و فعلا العربيه تمام
و خلاص كده انا هتابع صيانتها الدوريه بنفسي و مش هقرب بيها ناجيه اي ميكانيكي
و متشكر كمان ع الدعاء انا دعيته فعلا لما قريته دوقتي و جزاك الله خيرا عليه

[love7amada]

كنت ناوي العب ف العربيه و اجيب كماليات كتير ليها و كده بس قررت ان اهم حاجه الميكانيكا بتاعتها ف الفلوس دايما هحوشها عشان لو العربيه احتاجت مبخلش عليها
اصل كنت ناوي ع تكيف و ازاز كهربا و جي بي اس و افيم حراري كنت هصررف عليها 6000 كده
ف هوا هركب السنتر و الانزار و اجيب موديلر يمكن و ربنا يبارك فيها

[love7amada]

يا جماعه بجد شكرا ليكم ع المساعده و الفاعليه ديه
بجد انتم ناس جامده ع حق
اصل انا ضفت الموضوع ده ع منتدي كمان حقق يجي 50 مشاهده وصفر ردود فبجد شكرا ع التفاعل ده

[dr.hazem]

هلا وسهلا بحضرتك معانا هنا وألف مبروك العربية
وعلى فكره انا معايا نفس الموديل 2007

واصبر شويه واحطلك كتالوج متعرب للعربية من احد الاخوة هنا فيه جدول الصيانه

وعالاقل اول 3 شهور متصرفش فكماليات جامده كتير
ولا حتى الطاصات
اصبر لحد اما تتطمن ان كله في السليم وانك مش محتاج اي مصاريف على جاجات اهم وبعد كده عيش

بالنسبة للتكييف والازاز الكهربا انا حاليا ببحث الموضوع

وربنا ييسر لو ركبت التكييف هبقى احكيلكم على تجربتي بس الاول استقر ان شاء الله

وازاز الكهربا انا مش هحتاجه لو ركبت التكييف لاني باختصار مش هفتحه
هههههههههههههههههههههه


اه وبالمره
متقلقش من موضوع الميه
انتا بس عينك عليها كل يومين تلاته وعينك على امبير الحراره دايما
المفروض لما يوصل النص المروحه تشتغل والحراره متعديش النص
اذا كان كده يبقى في السليم


بالتوفيق


سلام ياعزيزي

[love7amada]

شكرا كتير ليك
انا نازل اجيبها
ربنا يبارك فيها يا رب

[M.Al-Hefnawy]

طيب يا جماعة أنا أشتريت لأختي عربية ماروتي مويد 2008 فبريكة بره وجوه وماشية 14000 كيلومتر بـ 29500 لونها سماوي فيها إنذار وكاسيت سي دي وسنتر... السعر ده كويس؟

[love7amada]

هوا بالنسبه لسعري يعتبر كويس فرق 500 ع موديل السنه و الفرق ف العدادت بينا8000

[love7amada]

عندي سؤال كمان اجيب غطا للماروتي يكون مظبوط عليها منين؟؟؟؟

[m7nsh]

هات اى غطا ووتر بروف و روح لأى سروجى ب 10 جند يقيفهولك عليها و خليه يعملك فيه استك من قدام وورا عشان يظبط عليها

هنقول مبروك امتى يا حماده ؟

[love7amada]

قولها دوقتي خلاص
اهيه مركونه تحت البيت الحمد لله
مكملتش نص ساعه و طلعت فتحت ع طووول
الكاسيت طلع سوني اصلي و السماعات كي نوود
ربنا يبارك فيها يا رب و يحفظها و يصونها
و يدينا خيرها و يجنبني شرها

[aymanay32]

الف مبروك
انا متابعك و الحمد لله على وصول العربية بالسلامة و حافظ عليها
و فيه عندك قربة مياه بتاعة المساحات متنساش و تشغل مياه المساحات و القربة فاضية عشان الموتور ميتحرقش بتاع المساحات
و خلى باللك و انتى ماشى واحدة واحدة لحد ما تاخد على العربية و العربية تاخد عليك و
لما تيجى تركب التكييف ابعتلى يمكن اجى اركب معاك واحد انا كمان لعربيتى و ناخذذذ خصم
aymanay32@yahoo.com

[love7amada]

انا لسه هاتعلم السواقة
يعني تقدر تقول لسه اسبوع عقبال لما اسوقها بالنهار
واحد صاحبي هايعلمني بعد الفجر نصلي مع بعض ويعلمنا
والتكيف لسه قدام مش دلوقتي يعني علي اخر الشتاء الجاي

[m7nsh]

ياباشا الف مبروك و ربنا يديك خيرها و يكفيك شرها

[love7amada]

متشكر ليكم كلكم بجد
انتم كلكم ناس تمام

[love7amada]

الف مبروك
انا متابعك و الحمد لله على وصول العربية بالسلامة و حافظ عليها
و فيه عندك قربة مياه بتاعة المساحات متنساش و تشغل مياه المساحات و القربة فاضية عشان الموتور ميتحرقش بتاع المساحات
و خلى باللك و انتى ماشى واحدة واحدة لحد ما تاخد على العربية و العربية تاخد عليك و
لما تيجى تركب التكييف ابعتلى يمكن اجى اركب معاك واحد انا كمان لعربيتى و ناخذذذ خصم
aymanay32@yahoo.com

بص انا شايف ان الصيف خلاص بيودع كلها شهر و الجو هيتحسن ف ان شاء الله هركبه ع شهر 3 الجاي و ساعتها هعمل اعلان هنا ع المنتدي
و اشوف اللي ركب شكر مين
و نكون عدد و ناخد خصم ان شاء الله