سؤال للماروتاويه

[beetleMOSH]

مش عارف انا ابتديت اخاف منها
اصل انا عارف نفسى
هاهلكها فعلا
شكلى كده هخلينى فى البيتلز
الف شكر يا رجاله نايل موتورز
معلش تعبتكوا معايا
تقبلوا كامل احترامى و تقديرى
تحياتى

[aymanay32]

شوف يا باشا لو الحاج هوه اللى هيدفع و بتفكر تقنعه بالتو بدل ماروتى
و تقدر تعمل كدة
يبقى عليك انك تقنعه بالسوزوكى سيلاريو
و ممكن تدفع كمان شوية معاه عشان تحصل على موافقة الحاج
السيلاريو = موتور+تكييف+عربية كويسة

و ابقى قولنا عملت ايه

[beetleMOSH]

تصدق انك برنس
والله العربيه شكلها بره و جوه
عجبنى جدا
و الموضوع يعنى ان الحج هايساعد بس بجزء اكبر من اللى معايا مش هو اللى هايدفع كله يعنى
بس دى عامله كام يا باشا لو سمحت
و موتورها ايه نظامه كام سى سى
و هل فى مواضيع ليها هنا فى المنتدى ؟!
زى اخوكوا بقى و استحملونى

[aymanay32]

دور على المنتدى هتلاقى مواضيع كثير عن السيلاريو
و لعلمك افضل عربية فى استهلاك الوقود
و اقوى موتور

[SeaShark]

يا بيتل مع احترامي للسوزوكي ماروتي و التو
و بما اني كان معايا بيتلز 1971 و 1200 سي سي زي حالاتك من ييجي 5 سنين و بعتها
السوزوكي عربيات كويسه بصفة عامه
لكن انا لو مكانك اخد الـ 40 و لا الـ 50 الف دول و انزل اشوفلي كده حتا هيونداي اكسنت او كريستالة و اكشف عليها كويس عشان انا عارف انت دماغك ايه في السواقة و غاوي تظبط العربية و عدة و كلام من ده
السوزوكي ماروتي كويسة بس انا مش عارف هتعجبك ولا لا
انا رأيي الشخصي لو مبدأ انك تجيب مستعمل موجود هات حاجة مستعملة احسن لانسر او هيونداي اكسيل او اكسنت و ممكن تجيب لانوس لو بيتحبها (انا مش بتعجبني اللانوس) ممكن برضه كيا سيفيا او سبكترا.
تاني بكرر السوزوكي ماروتي عربية عملية جدا و ماشية في مصر كويس بس اتأكد انها هتمشي معاك.

[beetleMOSH]

دور على المنتدى هتلاقى مواضيع كثير عن السيلاريو
و لعلمك افضل عربية فى استهلاك الوقود
و اقوى موتور

تمام يا باشا دورت و لقيت و فعلا شكلها عربيه محترمه
و الف الف شكر على الاهتمام

[beetleMOSH]

يا بيتل مع احترامي للسوزوكي ماروتي و التو
و بما اني كان معايا بيتلز 1971 و 1200 سي سي زي حالاتك من ييجي 5 سنين و بعتها
السوزوكي عربيات كويسه بصفة عامه
لكن انا لو مكانك اخد الـ 40 و لا الـ 50 الف دول و انزل اشوفلي كده حتا هيونداي اكسنت او كريستالة و اكشف عليها كويس عشان انا عارف انت دماغك ايه في السواقة و غاوي تظبط العربية و عدة و كلام من ده
السوزوكي ماروتي كويسة بس انا مش عارف هتعجبك ولا لا
انا رأيي الشخصي لو مبدأ انك تجيب مستعمل موجود هات حاجة مستعملة احسن لانسر او هيونداي اكسيل او اكسنت و ممكن تجيب لانوس لو بيتحبها (انا مش بتعجبني اللانوس) ممكن برضه كيا سيفيا او سبكترا.
تاني بكرر السوزوكي ماروتي عربية عملية جدا و ماشية في مصر كويس بس اتأكد انها هتمشي معاك.

حبيييب قلبى
والله الفكره انى قلت لو حاجه جديده هاتغنينى شويه من قرف الصنايعيه و الميكانيكى و العفشه و الجو ده
والله انا تعبت انا لازم كل فتره كده اروح زيياره لحد فيهم
و انت عارف بقى اكلان الدماغ بتاعهم
الماروتى حلوه و الحج مقتنع بيها تماما بس مش مقتنع انها هاتمشى معايا
اولا موضوع الثبات ده اول حاجه مخوفانى لان اكيد انت فاهم انا قصدى
تانى حاجه الحجم و الموتور
تالت حاجه بقى ان رجلى خدت على انها تبقى تقيله على البنزين
و انا فكرت ف حوار الاكسنت ده بس خفت منها برضه عشان صاجها ورق اوى
و بينى و بينك دماغى كانت فى حته جولفايه كده
بس الحج معترض عشان قطع الغيار
مش عارف اعمل ايه هاتجنن والله
شكلى هابيع البيتلز و اجيب واحده 1303 و اسقط فيها مكنه 2000
و هبل بقىىىىىىىى