لو من الزقازيق ، وعندك سوزوكى تعالى هنا نتعرف

[egypt_slave2000]

السلام عليكم

انا ملاحظ ان ملاك السوزوكى فى الشرقيه قليلين شوية واكيد بنتعب برضه فى البحث عن اماكن بيع قطع الغيار والميكانيكا ، سواء للماروتى او حتى السويفت عشان كده ياريت اى حد من الزقازيق او الشرقيه عموما يمتلك ماروتى او سويفت او غيرها سوزوكى يدخل هنا ونتعرف على بعض ونساعد بعض فى اسعار قطع الغيار واماكنها لان المنتدى كله بيتكلم عن القاهره حتى انا شخصيا بجيب قطع غيار الماروتى بتاعتنا من القاهره او بنها لانى مش عارف الاقيها فين هنا

ياريت نتواصل كل واحد يعرفنا بنفسه وعنده ايه ولو يعرف اماكن اسعارها كويسه يقول

[aymanay32]

فكرة كويسة ياريت تلاقى نجاح
و انا لو عرفت حد من الشرقية الزقازيق او منيا القمح عنده ماروتى هقوله يدخل يسجل معاك

[m7nsh]

انا جامعتى فى الزقازيق ياباشا .. و كنت جبت شويه حجات من هناك قبل كده بس للأسف مش فاكر منين بالظبط .. تقريبا من الزراعه فى منطقه عندكو مليانه محلات قطع غيار للعربيات

كان معايا واحد صاحبى من هناك هو اللى ودانى .. هتأكدلك منه قريب ع المكان و هقوله هنا

[kar!m]

كل حاجتها عند الحصرى اللى عند مزلقان الزراعة .. و الاستيراد عند الملكة اللى قدامة و المخزن بتاع الملكة قبل المرور و انت جاى من القاهرة .. و لو فى حاجه ملقتهاش عند دول مش هتلاقيها عند حد تانى فى الزقازيق.

[egypt_slave2000]

تشكر الرجاله على الذوق

الاخ الفاضل kareemz (
كل حاجتها عند الحصرى اللى عند مزلقان الزراعة .. و الاستيراد عند الملكة اللى قدامة و المخزن بتاع الملكة قبل المرور و انت جاى من القاهرة .. و لو فى حاجه ملقتهاش عند دول مش هتلاقيها عند حد تانى فى الزقازيق.)

واضح ان الباشا من الزقازيق ، بس لزيادة التاكيد مزلقان الزراعه ده اول طريق ههيا وفاقوس ولا انا فهمت غلط


وبنكرر الشكر للرجاله ومستنين مزيد من المشتركين عشان نساعد بعض

[kar!m]

واضح ان الباشا من الزقازيق ، بس لزيادة التاكيد مزلقان الزراعه ده اول طريق ههيا وفاقوس ولا انا فهمت غلط


وبنكرر الشكر للرجاله ومستنين مزيد من المشتركين عشان نساعد بعض

بالضبط كده

[egypt_slave2000]

تمام تشكر يا باشا ، وانا لو رحتله اليومين الجايين هحاول اساله عن اسعار قطع الغيار

[alhashem90]

بسم الله الرحمن الرحيم


http://www.nilemotors.net/Nile/68371-a-6.html

Shofo da bt3 gomla