تغيير مكان البوبينة

[aymanay32]

هل ممكن اغير مكان البوبينة فى الماروتى
و اخليها فى الجنب الشمال بعيد عن الهواء السخن اللى بيطلع من المروحة بتاعة الريداتير
عشان ما تسخنش البوبينة و تقطع معايا العربية
و اضطر اقف و احط عليها قماش مبلول
لحد ما تبرد و بعدين امشى شوية و ارجع اقف تانى و اعيد الكرة




و خصوصا فى رمضان مينفعش امشى كدة و اعمل كدة كل شوية

دة انا وقفت على الدائرى حوالى نصف ساعة لغاية ما بردت البوبينة و بعدين مشيت

و انا ملاحظ ان الموضوع دة بيحصل اما بمشى كثير على الاول و الثانى فتسخن العربية و تشتغل المروحة كثير




و اشكركم مقدما للمساعدة

[dr.hazem]

يا ايمن باشا الموبينه اصلا عالشمال

وموجوده عالشمال فنفس المكان اللي فيه ماتور المساحات عاليمين
واللي بيحصل معاك غريب جدا
صورلنا مكانها كده واقولك لو ده مكانها الطبيعي ولا هيا اساسا محطوطه في مكان غلط

سلامي

[m7nsh]

العيب فى الموبينه 100 % . ياما فضلت ع الأول فى اشارات منيله ب 60 نيله و ماشيين تاتا تاتا و محصلش حاجه

للعلم .. انا مغير الموبينه مرتين قبل كده .. بس سبب تغيير التانيه انها كانت مضروبه و باظت بعد فتره

و موبينه العربيه الأصليه على شكل اسطوانه كده سودا و مكتوب عليها ignition coil و بتبقى ع اليمين لو انت واقف قصاد الكبوت .. راجع الدنيا عندك

[abogogo]

هل ممكن اغير مكان البوبينة فى الماروتى
و اخليها فى الجنب الشمال بعيد عن الهواء السخن اللى بيطلع من المروحة بتاعة الريداتير
عشان ما تسخنش البوبينة و تقطع معايا العربية
و اضطر اقف و احط عليها قماش مبلول
لحد ما تبرد و بعدين امشى شوية و ارجع اقف تانى و اعيد الكرة




و خصوصا فى رمضان مينفعش امشى كدة و اعمل كدة كل شوية

دة انا وقفت على الدائرى حوالى نصف ساعة لغاية ما بردت البوبينة و بعدين مشيت

و انا ملاحظ ان الموضوع دة بيحصل اما بمشى كثير على الاول و الثانى فتسخن العربية و تشتغل المروحة كثير




و اشكركم مقدما للمساعدة

بص يا استاذ ايمن معنى ان العربية بتبطل منك ومتدورش الا لما تبرد فكده ليها كذا عيب اولا ممكن البوبينة لازم تتغير وتجيب واحده جديد هات بوبينا كوبايا ماتجبش اتوماتيك عشان هتبوظ الابلاتين والكندنسر كل شويه هات بوبينة كوبايا العاديه و هي في الصيني بـ 45 جنيه سيبك منها في نوع انجليزي لونها ازرق بـ65 جامدة جدا انا مركبها عندي لو عايز نوعها اشوفهولك واقللك عليه .... ومكانها الطبيعي بيكون في صدر العربية زي ماقلوا الاخوه لما بتفتح الكبوت بيكون مكانها في صدر العربية يمينك يعني مكنة المساحات بتكون شمال والبوبينة يمين
اما العيب التاني اللى ممكن يوقف العربية ومتدورش الا لما تبرد طرمبة البنزين ممكن لما بتسخن بتهنج ومتشتغلش ودي تعرفها لما العربيه تبطل اركن وافتح الكابوت وبص على فلتر البنزين اللى قبل الكاربيراتير لو لقيته مش مجمع بنزين يعني مفهوش بنزين يبقى الموضوع طرمبة بنزين تغيرها وتحل التنك وتنضفه وتنضف مواسير البنزين والكاربراتير يتحل ويتنضف بيكات السرعة المكانيكي هو اللى بيعمل الموضوع ده

ودي صورة بتبين مكان البوبينة الطبيعي في الماروتي جوه العلامه البيضاء

[aymanay32]

ما انا قصدى كدة ان البوبينة على اليمين و انته واقف قدام الكبوت قدام مروحة الريداتير و بالظبط فوق علبة زيت الفرامل

اما النها على الشمال عند موتور المساحات دة جديد عليا و مش فى عربيتى و نفسى اركبها فى المكان ده
بس بتتربط فى ايه فى الحته دى

و دة لينك لقيته على المنتدى فيه الصورة و تظهر بها البوبينة على اليمين مش الشمال

:: نــايــل مــوتــورز:: - :: NileMotors.net ::


:: نــايــل مــوتــورز:: - :: NileMotors.net ::

و الموضوع بتاعه فى هذا الينك

http://www.nilemotors.net/Nile/171658-a.html

[aymanay32]

بص يا استاذ ايمن معنى ان العربية بتبطل منك ومتدورش الا لما تبرد فكده ليها كذا عيب اولا ممكن البوبينة لازم تتغير وتجيب واحده جديد هات بوبينا كوبايا ماتجبش اتوماتيك عشان هتبوظ الابلاتين والكندنسر كل شويه هات بوبينة كوبايا العاديه و هي في الصيني بـ 45 جنيه سيبك منها في نوع انجليزي لونها ازرق بـ65 جامدة جدا انا مركبها عندي لو عايز نوعها اشوفهولك واقللك عليه .... ومكانها الطبيعي بيكون في صدر العربية زي ماقلوا الاخوه لما بتفتح الكبوت بيكون مكانها في صدر العربية يمينك يعني مكنة المساحات بتكون شمال والبوبينة يمين
اما العيب التاني اللى ممكن يوقف العربية ومتدورش الا لما تبرد طرمبة البنزين ممكن لما بتسخن بتهنج ومتشتغلش ودي تعرفها لما العربيه تبطل اركن وافتح الكابوت وبص على فلتر البنزين اللى قبل الكاربيراتير لو لقيته مش مجمع بنزين يعني مفهوش بنزين يبقى الموضوع طرمبة بنزين تغيرها وتحل التنك وتنضفه وتنضف مواسير البنزين والكاربراتير يتحل ويتنضف بيكات السرعة المكانيكي هو اللى بيعمل الموضوع ده

ودي صورة بتبين مكان البوبينة الطبيعي في الماروتي جوه العلامه البيضاء

انا فعلا جيبت الانجليزى الزرقاء اللون و نفس المشكلة بتحصل
لما بنشى على الاول و الثانى كثير بتشتغل المروحة بتاعة الريداتير كثير و بتسخن البوبينة و بركن العربية لما تنتش و تقططع و احط عليها فوطة مبلولة لحد ما تبرد وة ارجع امشى تانى


و بالمناسبة الموضوع بتاع البنزين ة اللى بتقوللى عليه

اولا
فلتر البنزين موجود تحت العجلة الخلفية مش عند الكربراتير و اذا كان كدة فاين موقعه

ثانيا فين طلمبة البنزين اللى بتسخن
مكانها فين عشان انا بقالى مدة طويلة بدور عليها و مش لاقيها و مش عارف مكانها فين


ياريت تقدر تقوللى مكانها فين

[abogogo]

بص يا سيدي انا عارف ان الفلتر تحت تنك البنزين ناحية العجلة الشمال الخلفية اصلي انا كنت بستخدم بنزين 80 الاول وكنت مركب فلتر تاني بين ماسورة البنزين وطرمبة البنزين
كده يبقى الموضوع عندك مش موبينا بص يا سيدي لما العربية بتبطل منك بتبطل وانت بتجري على التالت او الرابع وبتحس بتنتيش قبل ما العربية بتقف لو كده يبق طرمبة البنزين لازم تتغير ومكانها انت بتحل العمة بتاعت فلتر الهواء هتلاقيها جنب الكاربيراتير والاسبراتير وهي عبار عن صحن مدور قطرة 10 سم وارتفاعة 5 سم خارج منها ماسورتان واحده في اتجاه ماسورة البنزين وواحدة في الاتجاه الاخر ناحية الكاربيراتير ومتوصلة بالكاربيراتير بخرطوم صغير كده الطرمبة لازم تتغير وتنضف التانك وتسلك مواسير البنزين وتغير فلتر البنزين وتنضف بيكات السرعة وهتلاق العربية فرقت معاك جامد

في الدائره اللبني من تحت العمة السودة هتلاقي طرمبة البنزين

[abogogo]

فعلا فلتر البنزين تحت التنك من ناحية العجله الخلفية شمال بس انا عشان كنت بستخدم بنزين 80 كنت عامل فلتر تاني بين ماسورة البنزين وطرمبة البنزين كده المشكلة اللى عندك لو العربية لما بتقف منك بتحس بتنتيش وتوح العربية تقف وانت ماش على التالت او الرابع ومتدورش الا لما تبرد يبقى اولا تغير طرمبة البنزين وفلتر البنزين وتنضف التانك وتنضف المواسير وتنضف بيكات السرعة اللى في الكاربيراتير هتلاقي العربية فرقت معاك جامد
مكان طرمبة البنزين تحت العمة السودة بتاعت فلتر الهواء تحت العلامة اللبني وشكلها عباره عن طبق قطره 10سم وارتفاع 5 سم خارج منه مسورتان عكس اتجاه بعض تقريبا مربوط فيهم خرطوم صغير واحد رايح للكاربيراتير والاخر لمسورة البنزين

[aymanay32]

الف شكر لاهتمامك و ردك

بالنسبة للتنتيشة فكما ذكرت بتحصل فى الطريق لما بيقف كثير و بمشى فترة على الاول و الثانى و بتسخن العربية و تشتغل المروحة كثير
و بتستمر حتى لما الطريق بيفتح و الخطورة لما بمشى على الثالث و الرابع ان العربيات اللى ورايا بتكون واخدة سرعتها و بتتفاجىء بيا و انا ماشى بنتش و كانى بضرب فرامل فجاه

بالنسبة لموضوع تركيب فلتر بنزين اضافى فانا سبق ان سالت صديق لى فى كفرالشيخ و هو خبير فى السيارات عن هذا الفلتر و قاللى خطر على الموتور لانه بيضعف الموتور و اوعى تركبه

و طالما انته كنت مركبه فقوللى هل فعلا كنت بتحس ان الموتور ضعيف و سحبه ضعيف ولا لاء

الطلمبة بتاعة البنزين دى كهرباء و لا عادية و هل ممكن اركب طلمة كهرباء و لا لاء
و هل تفرق لو ركبتها

و ممكن اركب بوبينة الكترونى و ابلاتين و كندنس الكترونى و لا مينفعش

[aymanay32]

انا نقلت البوبينة النهاردة بعد صلاة الجمعة و غسلت العربية و خلصت قبل المغرب بساعة تقريبا و حطيتها على الشمال فى المسمارين بتوع موتور المساحات مقاس عشرة و وشها ناحية المكان القديم و عملت توصيلات سلك كهرباء للحاجات بتاعتها سلك الارضى و السلك اللى رايح للاسبراتير و السلك اللى مدخل لها كهرباء و السلك الكهرباء اللى جاى من المارش
و لما اجرب العربية هبقى احكيلكوا على النتيجة

[abogogo]

انا نقلت البوبينة النهاردة بعد صلاة الجمعة و غسلت العربية و خلصت قبل المغرب بساعة تقريبا و حطيتها على الشمال فى المسمارين بتوع موتور المساحات مقاس عشرة و وشها ناحية المكان القديم و عملت توصيلات سلك كهرباء للحاجات بتاعتها سلك الارضى و السلك اللى رايح للاسبراتير و السلك اللى مدخل لها كهرباء و السلك الكهرباء اللى جاى من المارش
و لما اجرب العربية هبقى احكيلكوا على النتيجة

اتمنا ان تكون المشكلة اتحلت على الرغم اني متأكد ان الموضوع مش موضوع بوبينا الموضوع طرمبة البنزين وبكات السرعة عندك هتكون بها سدد وعايزة تتسلك وغير فلتر البنزين والافضل انك تنضف التنك وتسلك مواسير البنزين الرايح والجاي اما بخصوص الفلتر التاني بصراحة انا كان عندي نفس المشكلة دي وحلها كان تنضيف دورة البنزين عشان كنت فولت تفويلة منيلة من بنزينة انيل .. بالنسبة للفلتر التاني اللى انا مركبه مش فارق معايا في موضوع السحب والكلام ده هو شايل بلاوي عن الكاربيراتير وبصراحة انا بطلت ال80 خالص مساوئه اكتر من فوائده وربنا معاك وتكون المشكلة اتحلت

[abogogo]

الطلمبة بتاعة البنزين دى كهرباء و لا عادية و هل ممكن اركب طلمة كهرباء و لا لاء
و هل تفرق لو ركبتها

و ممكن اركب بوبينة الكترونى و ابلاتين و كندنس الكترونى و لا مينفعش

الطلمبة الموجوده عادة وممكن تركب واحده كهرباء تمشي برضه من غير مشاكل
البوبينا الالكتروني بلاش منها في العربيه الماروتي عشان خارج الكهرباء منها عالي على العربيه خليك في العادية احسن

[aymanay32]

العربية و الحمد لله ماشية تمام
و ماساء الله عليها زى الفل
و كله تمام
بس الحاجة اللى عاوز اعملها احط حاجة على سلك البوبينة اللى رايح للاسبراتير عشان بلاقيه سخن جدا و السلك اللى طلعته لقيته محروق من الداخل مع انه جديد و ب40 جنية و انجليزى
المهم
وصلات السلك اللى انا عملتها برضة عاوز اغطيها بحاجة عشان السخونة اللى جاية من المروحة بتاعة الريداتير
و جربت العربية فى مشوارين و كانت تمام و مستنى اجربها كمان عشان اطمئن عليها و اتاكد انها ممكن تعيد فى العيد الصغير بامان

و كنت عاوز اسأل حد معاه ماروتى 2009 يبص لى عليها فيها سيرفو و لا لاء