حادثه بالماروتي الجديده

[love7amada]

حصلت حادثه بسيطه انبارح ف ميدان الجيزه اللي كان مبيتحركش
كنت ماشي عادي و فجاءه و احد جاي من ع الشمار و كسر يا دوب لحقت اكسر شويه نزل و قعد يتاسف
الخسائر بقي

حكه بسيطه عباره عن خطين ف الررف الشمال و حته صغيره جدا اتطبقت و الفانوس الصغير اللي قدام اتكسر بس لزقته



بجد دمي اتحرق ساعتها و كنت مش طايق العربيه
و اصلا من ركنتها ف الشارع كل يوم الاقي عيل معلم عليها
محدش يعرف الفانوش ده بقي بكام و لو عايز ارد الحته ديه برده تكون بكام مع العلم انها بسيطه جدا

[love7amada]

ردوا يا جماعه
احسن الواحد وشه مقولب من انبارح

[alking_2006]

يا باشا الف سلامة على الماروتى بتاعتك
انا حصلتلى نفس المواقف دى كتير لحد ما الرفارف اللى قدام اشتكتلى خلاص

بص يا جميل
دلوقتى الفانوس الصغير (فانوس الاشارة) دا بيبقى ب 15 جنيه عند سوزوكى سنتر فى التوفيقية
و بالنسبة للصاج يبقى تروح عند اى سمكرى و يردهالك على البارد و تديله حوالى 10 جنيه كدا

انا حصلى نفس الموقف دا بس مع الرفرف و الفانوس اليمين بس كانت غلطتى حاولت اطلع من على شمال ميكرباص واقف قمت لطشت فيه

المهم حمدلله على سلامتك يا برنس

[love7amada]

لا انا مقصدش فانوس الاشاره الصغير اللي ع الرفرف
انا اقصد الفانوس اللي قدام مش هوا ع نصين
انا اقصد النص الصغير بتاعه الللي جنب الرفرف


و بالنسبه للسمكري هل عشان يردها هيبوظ الدهان ؟

[LORD.ADeL]

قدر الله وماشاء فعل يا حمادة معلش انت لسه جديد وياما هتقابل
دي بسيطه ان شاء الله ومعاك ان اي خبطه او حكه او اي شي بتعككن ع الواحد
شوف بخصوص الخبطه البارد تاثيرة ع دهان ان بيقشرة فقط ودي ممكن بعد ما تخلص ردها عند سمكري تروح تجيب ربع دكو من نفس لون العربيه عند اي حد بتاع دهانات وخلي سمكري يعملهاك او انت تعرف مكانه تروح تجيبه ربع بيعمل حوال 12جنيه وتخليه معاك للظروف دي وبقطنه صغيرة تاخد منه وتمشي ع مكان الرد والبويه المقشرة عندك ومع الشمس مش هتبان عادي عندي فى العربيه حتت كتير كدة ووالله مستعان

بخصوص فانوس الاشارة اذا تقصد الصغير اللى فوق العجل دة بيعمل 7جنيه واللى جنب الفانوس الكبير بيعمل 20جينه ودول من نفس محل اللى قلت لك عليه دلقوتىبتاع فلتر
وحمدلله ع سلامتك وقدر الله وماشاء فعل

[alking_2006]

و انا مش قصدى على الفانوس اللى فوق العجل
انا قصدى على الفانوس الصغير اللى جنب الرفرف و بيعمل 15 جنيه
اصلى خبطتها مرتين فى نفس الفانوس و جبته مرتين

[m7nsh]

لا انا مقصدش فانوس الاشاره الصغير اللي ع الرفرف
انا اقصد الفانوس اللي قدام مش هوا ع نصين
انا اقصد النص الصغير بتاعه الللي جنب الرفرف


و بالنسبه للسمكري هل عشان يردها هيبوظ الدهان ؟

هو اسمه فانوس اشاره يا حماده

ومعلش قدر الله وماشاء فعل .. سيبها شويه تاخد العين يا حج

[wisambasha]

الف حمدالله علي سلامتك والحمد لله انك بخير

[dr.hazem]

حمد لله عالسلامه
خد بالك السواقه في مصر دفاع عن النفس
هههههههههههههه
انا اول واحد خبطني خد المرايه اليمين وعمل نفسه مش واخد باله بس والله مسبته جريت وراه وقفلت عليه ونزلتله ومرضيش يدفع وكسرتله مرايته والله بايدي
فعادي يعني
هههههههههههههههه

ومش هقولك بقا عاللي بلاقيه من ركنة العربية تحت البيت

لسا من يومين ركنت وصحيت على انذار العربية ابص الاقي واحد من الجيران والله مابهرج بعيني شايفه بيشوت العربية برجله وكسرلي مساحه قال ايه انا ركنت تحت بيتهم ونزلت عملت معاه الواجب والحمد لله انها بتيجي على قد كده

الفانوس زي مقالو الشباب ب 15 جنيه انتا مش مصدق ليه
هههههههههههههه
وعندي فكره لو الرفرف دخل لجوه شويه قبل متوديها لسمكري هات ضغاطه بتاعة البلاعات
مش بهرج
الضغاطه بتاعة البلاعات المسدوده اكيد عارفها
جيبها وحاول ترد العوجه بالشفط لو مجتش معاك ساعتها ابقى خدها لسمكري
بس رأيي متصلحهاش دلوقتي وخليها تخزي العين شويه

ربنا معاك

[love7amada]

ههههههههههههههههههههه بجد خلاص نسيت الحادثه ديه
شكرا ليكم يا جماعه
خخلاص انا هسيب الفانوس بلزفته كده لحد ما العيون تخلص و هظبط كله مره واحده
الفانوس و الخبطه
و ادعولي يا جماعه بكره اختبار القياده عشان تطليع الرخصه

[aymanay32]

انا مرة واحد دخل فى الرفرف اليمين بموتوسيكل و انا كنت واقف و لولا كنت واقف الموتوسيكل ده كان هيقع على الارض و يتزحلق
لانه لما خبط فى الرفرف اتعدل الموتوسيكل و خبطه فى الملف فى الشارع بتاعنا

بص يا ريس
هتلاقى مسامير عند الرفرف من تحت ناحية الكاوتش
مسامير بورمة
هتفكها
هتلاقى حته بلاستيك نزلت من المنطقة دى كانت مربوطه بالمسامير داير ما يدور حول الرفرف من تحت
و هتلاقى الرفرف بقى باين من تحت
لانه مقفول من جوه بيها
هتدخل ايدك و تزق
او ترد الحته اللى دخلت لجوه هتلاقيها طلعت برة و تظبطه بايدك زى ما انته عاوز
لانه رفرف ورق
و ترجع تركب البلاستيكه تانى عشان الرفرف ما يصديش

و اهم حاجة فى الموضوع دة
ما تمشيش تانى من ميدان الجيزة

لو داخل فيصل ادخل من ناحية الجامعة ورا و اطلع الكوبرى من بعد المترو محطة فيصل و لو داخل الهرم ادخل من شارع احمد كامل
عند المحافظة و التامين الصحى
و لو جاى تزورنى اطلع الدائرى من المنيب و انزل المريوطية


و ولا يهمك يا باشا و يكون فى علمك مش اول و لا اخر خبطة
طول ما انته ماشى ياما هتشوف و تلاقى

و السلام امان

[love7amada]

ما انا فعلا ما كنتش ناوي ادخل ميدان الجيزه بس تقول ايه النصيب بقي
كنت ناوي اطلع كوبري ثروت

[LORD.ADeL]

http://www.nilemotors.net/Nile/159258-a-2.html

الاتفاق والترتيب للمقابله الماروتيه باذن الله