قطع غيار اصلىىىىىى للماروتى

[dr_asaos]

السلام عليكم يا شباب الخير...وكل عام وانتم بخير...
انا معايا ماروتى 2008 وامبارح اتحبطت خبطة جامدة شوية وطار الاكصدام والفانوس الخلفى يمين وفى شغل فى الرفرف الخلفى يمين..المهم لما نزلت دمشق مفيش اى قطع غيار اصلى خااااااااااااااااالص..كل الاكصدامات الخلفية من غير فتحة للمبة الفوج الخلفى وكمان كل الفوانيس هندى بس موش اصلى وبتطوس بعد فترة...يا ريت حد يدلنى على قطع الغيار الاصلى الاصلى...ولا مفيش مفر من التوكيل؟ وطبعا المكان وياريت فى حدود كام كمان

[m7nsh]

اولا معلش قدر الله وماشاء فعل .. اى حاجه تيجى فى الحديد تغور طالما حضرتك بخير

فى شارع احمد حلمى بعد ما بتعدى على نفق احمد بدوى و ماشىفى اتجاه رمسيس هتلاقيهم على شمالك مجموعه محلات محترمه ..ارشحلك محل اسمه رامى 2 .. ..هم ليهم فرع فى التوفيقيه كمان .. محترمين و شغالين فى الأستيراد و الجديد و هتلاقى عندهم اى مسمار للماروتى

و كنت سألت قريب قالى الفانوس الللى ورا ب 40 او 45 تقريبا و الباقى معرفش اسعاره الصراحه .. بس هتكون فى الحنين متقلقش

لو رحت هناك اسأل ع الواد اسلام .. واد محترم و تعامله نضيف .. قوله انك من طرف محمد بدر بتاع المنصوره اللى ركبتله الطاسات قريب.. وهو ان شاء الله هيعمل اللازم

ودى نمر المحل 0124180867
0111854123
025797749
0114241677

[dr_asaos]

شاكر ليك ردك يا اخ محمد..وجارى تنفيذ النصيحة ان شاء الله وجزاك الله خيرا

[m7nsh]

العفو يا فندم و تحت امر حضرتك فى اى حاجه :)

[msfahim]

فى التوفيقيه فى محلات كتيره يابانى و سوزوكى فى سيد حماده و فى سوزوكى سنتر

[romioramy]

طب ما فيش في المعادي

اولا معلش قدر الله وماشاء فعل .. اى حاجه تيجى فى الحديد تغور طالما حضرتك بخير

فى شارع احمد حلمى بعد ما بتعدى على نفق احمد بدوى و ماشىفى اتجاه رمسيس هتلاقيهم على شمالك مجموعه محلات محترمه ..ارشحلك محل اسمه رامى 2 .. ..هم ليهم فرع فى التوفيقيه كمان .. محترمين و شغالين فى الأستيراد و الجديد و هتلاقى عندهم اى مسمار للماروتى

و كنت سألت قريب قالى الفانوس الللى ورا ب 40 او 45 تقريبا و الباقى معرفش اسعاره الصراحه .. بس هتكون فى الحنين متقلقش

لو رحت هناك اسأل ع الواد اسلام .. واد محترم و تعامله نضيف .. قوله انك من طرف محمد بدر بتاع المنصوره اللى ركبتله الطاسات قريب.. وهو ان شاء الله هيعمل اللازم

ودى نمر المحل 0124180867
0111854123
025797749
0114241677

________________________

الله ينور عليك يا باشا في النصيحة زي الفل ده ، أصل انا كمان لسه جايب واحده 2008 برده و عايز أعملها صيانة شاملة فلاتر - بوجيهات ...

المهم بس انا ساكن في المعادي ياتري في حد تعرفه هناك او حتي مدينة نصر ماشي .

و شكرا لأهتمامك

[m7nsh]

للأسف مش عارف ! بس هو الأشهر و الأضمن سوزوكى سنتر فى التوفيقيه (مجربتوش.. و لكن على كلام الأعضاء ) و طبعا محلات احمد حلمى دول مجربهم ..

ان شاء الله حد يفيد حضرتك

[romioramy]

للأسف مش عارف ! بس هو الأشهر و الأضمن سوزوكى سنتر فى التوفيقيه (مجربتوش.. و لكن على كلام الأعضاء ) و طبعا محلات احمد حلمى دول مجربهم ..

ان شاء الله حد يفيد حضرتك

شكراااا لإهتمامك و سرعة رد سيادتك

[romioramy]

طب معلش اخر سؤال ..

انا حاسس ان العربية استهلاكها في البنزين عالي ، يعني انا بنزنت و فولت 25 لتر 92 و عملت بيهم 300 كم و بعدين في ناس قالولي انها بتعمل في الصفيحة من 350-400 كم علشان 800 cc .

فإيه راي حضرتك ؟؟؟

[m7nsh]

بص ال 400 ده رقم فلكى معتقدش حد جابه...

انا اقصى رقم جبته كان 370 و كان معناه انى بعمل 17.8 كيلو فى اللتر الواحد .. طبعا معدل ممتاز .. بس كانت ليه ظروفه .. كنت بسوق على الطريق فقط و مكانش فى زحمه و سواقه معتدله مفيش حرق نهائى ولا كبس و هكذا

القصد ان على حسب سواقتك و رجلك تقيله ولا خفيفه و بتمشى فى زحمه ولا طوالى و بتقرص ولا لأ .. ده كمان قفل الأزاز و فتحه بيفرق .. ايضا ضغط الكاوتش و ظبطه.. كل دى عوامل بتحدد استهلاكك
يعنى انا زى ما عملت 370 عملت 280 عشان كانت كلها فى البلد و زحمه و قرف

اتمنى تكون الفكره وصلتك

[love7amada]

انا اول تفويله(24 لتر) عملت معايا 280 كيلو او 287
و كان اغلبها بتعلم السواقه و مشي ع الاول
فهوا تقريبا المعدل 300 كيلو للبلد ديه

[love7amada]

انا صاحبي رحت مع سوزوكي سنتر كزا مره و كان تمام ف المعامله و ف قطع الغيار

[amrnagy]

روح مدينة السلام مليون محل هناك وفيه استيراد وجديد وكل اللي انت عايزه

[dr.hazem]

رامي هوا افضل واحد ممكن الواحد يشتري منه

الا ان بعض الحاجات مبتبقاش موجوده فتروح لسوزوكي سنتر
انا اتعاملت مع الاتنين وكلهك كويسيسن
لكن سوزوكي سنتر اغلى دايما من رامي
مثال
المرايات عند رامي نفس اللي عند هاني في سوزوكي سنتر بس عند رامي اخدتها ب20 وعند هاني ب 35

وكنت بسأل من يومين على الكبالن والاكسات جديده عند رامي ب 650 اما عند هاني فقالنا 800 والفرق كبير جدا في السعر والاتنين واحد


تحياتي

[m7nsh]

دى نقطه حلوه جدا يا دكتره مكنتش اعرفها ..

تسلم للإضافه يا كبير