الأكصدام الأمامى بتاع الماروتى إتخلع والعربية زيرو بقالها شهرين ..أعمل إيه

[dr_emma]

العربية أخدت خبطين زى الفل و ال defender إتخلع تماما ..بقالى شهر بس بامشى بيها و العربية زيرو
و لسة ما عملتش صيانة الألف الأولانية و بيقولوا التوكيل نار
كل ماشوف عربية ماروتى فى الشارع ألاقى الناس مثبتين الأكصدام بمسامير
بصراحة مش عاجبنى شكل المسامير خصوصاً إن العربية جديدة و الواحد مقهور عليها ..الكباسين كلها إتفكت

هل ممكن ألاقى حد يعملهالى ؟ و أعملها إزاى....تنصحونى بإيه

[amrfares]

ركبلها مسمار طويل من جوة الاكصدام من عند الكلبس ومش حيبان

[dr_emma]

ركبلها مسمار طويل من جوة الاكصدام من عند الكلبس ومش حيبان

و لازم أخرم الصاج ؟؟

[OZYDREAMS]

باشا اى واحد تعديل فيبر او اصلاحه ممكن يعملهالك ولو عاوز تحافظ عليها هات اكصدام جديد تمنه تقريبا 120 جنيه لان هتلاقى فرق التكلفة بتاع التصليح والمصنعيه مقاربه تقريبا والحمد لله انها جت فى الفبر وربنا يستر طريقك وطريقنا

[dr_asaos]

ولو عاوز تحافظ عليها هات اكصدام جديد تمنه تقريبا 120 جنيه لان هتلاقى فرق التكلفة بتاع التصليح والمصنعيه مقاربه تقريبا والحمد لله انها جت فى الفبر وربنا يستر طريقك وطريقنا

انا عملت كدة بس فى الاكصدام الخلفى وريحت دماغى لأنى فعلا بكره المسامير والشك والكلام ده وحمدت ربنا ان الاكصدام موش بلون العربية ...

[aymanay32]

انا كانت عندى نفس المشكلة دى حتى وقع الكصدام لما جيه واحد حبيب عاوز يطلع على الكبوت و بيدوس على الاكصدام و لما نزلت من البيت لقيت الاكصدام فى الارض
قمت فكيته و مكان البتوع البلاستيك اللى فى الجنبين عند الرفرف كدة شيلتهم لانهم بمسمارين و ركبت مكانهم حته حديدة صغيرة و ثنيتها زيهم التنيه بتاعتهم و ركبت الاكصدام و بقى تمام
و مكان المسامير اللى تحت حطيت وردة كبيرة عند مكان المسمار و ركبت الاكصدام اخر تمام



السؤال انه لو عملت اكصدام صاج حديد زى بتاع الماروتى يتكلف كام تقريبا



.

[ihabchina]

نفسى فعلا اعمل اكصدام حديد للماروتى هههه

[aymanay32]

نفسى فعلا اعمل اكصدام حديد للماروتى هههه

ايهاب باشا انا شوفت واحد بيعملهم بس كنت مستعجل و مشيت من غير ما اسأله بكام و دة لما كنت فى مامورية فى طنطا فى قرية على اليمين و انتى ماشى فى الطريق الزراعى قبل ما تطلع الكوبرى بتاع المرور و لما اروح هناك انشاء الله تانى هبقى افوت علية و اسأله و اكلمك عالموبايل و اشوفك اعمل واحد و لا اثنين
بس المهم كنت عاوز اعرف سعرة ممكن يتكلف كام عندنا فى مصر فى فيصل عشان ميكنش هنا ارخص و اجيبة بالغالى من طنطا

[emad2e007]

ربنايعوض عليك وعلينا ويكفيك شرها
الاصلي مايتعوضش انا مجرب
روح لبتوع الفيبر للاكصدامات اما الاكصدام الخلفي انا عاملة ذاوية الومنيا تحت كل مسما تقريبا مع بروز الاكصدام الخلفي ببرشام مع قفل الشنطة مابيبانش بقه حديد ولما يدغدغ اجيب جديد وهعمل نفس الموضوع

[aymanay32]

ربنايعوض عليك وعلينا ويكفيك شرها
الاصلي مايتعوضش انا مجرب
روح لبتوع الفيبر للاكصدامات اما الاكصدام الخلفي انا عاملة ذاوية الومنيا تحت كل مسما تقريبا مع بروز الاكصدام الخلفي ببرشام مع قفل الشنطة مابيبانش بقه حديد ولما يدغدغ اجيب جديد وهعمل نفس الموضوع

فكرة ممتازة
برافوا عليكى
انا بدرس فكرة تنفيذها و احتمال تطبيقها فى الماروتى بتاعتى





.

[love7amada]

فكرة ممتازة
برافوا عليكى
انا بدرس فكرة تنفيذها و احتمال تطبيقها فى الماروتى بتاعتى





.

ولا فهمت حاجه
انا عاوز افهم احسن الاكصدامين عندي مريحين و حاجه تقرف

[aymanay32]

ولا فهمت حاجه
انا عاوز افهم احسن الاكصدامين عندي مريحين و حاجه تقرف

خد المشاركةو من اول هنا و اقراها ببطء مع التفكير و التخيل و شغل الخيال شوية و انته بتفكر
ابدأ من هنا

انا عاملة ذاوية الومنيا تحت كل مسما تقريبا مع بروز الاكصدام الخلفي ببرشام مع قفل الشنطة مابيبانش بقه حديد ولما يدغدغ اجيب جديد وهعمل نفس الموضوع

[love7amada]

برده مفهمتش اصل انا مش عارف مكان المسامير ولا ايه البرشام ده

[aymanay32]

ايه يا عم انته ما فكيتش الاكصدام قبل كدة ولا ايه

[love7amada]

السمكري هوا اللي كان بيفك بس انا مختش بالي من التفاصيل