معروض عليا ماروتى مغيرة رفرف افيدونى

[بنت مصر]

يا جماعة انا معروض عليا ماروتى 2008 عاملة 20000 كيلو انا لسه ما شوفتهاش بس صا حبها بيقول انها فابريكا برة وجوه و مافيهاش اى مشاكل بس هو كان خبط بيها عربيه من قدام و مغيرلها الرفرف الامامى يا ترى الموضوع دة فيه مشكله ولا ايه وهل ممكن الخبطة دى تكون اثرت على اى حاجة جواها ؟؟؟
انا لما اشوفها ان شاء الله هرفعاها فى بنزينه فاعمل ايه علشان اطمن على الموضوع دة

هو عايز فيها 24000جنيه

[A.Saad]

المهم ان الشاسيه والحوض من جوة يكونوا سلام
انصحك بالكشف فى بنزينة شل اللى فى ش الهرم جنب الخزان
سمعتهم كويسة

[love7amada]

بالنسبة للسعر فهو مناسب بزيادة ويخوف
فلو الكشف لقي العربية كويسة يبقي خلاص كله تمام وتعتبر لقطة

[aymanay32]

انا شايف السعر كويس جدا بس متنسيش شهادة المخالفات فى المرور و الرخصة باسم البائع و ربنا يديكى خيرها و يكفيكى شرها

[m7nsh]

سعر اكتر من ممتاز

مفيش اى مشكله من تغيير الرفرف .. طول مالحوض سليم و بعد الكشف طلعت تمام يبقى مفيش مشاكل ان شاء الله

[hanystar]

بالنسبة للسعر فهو مناسب بزيادة ويخوف
فلو الكشف لقي العربية كويسة يبقي خلاص كله تمام وتعتبر لقطة

فعلا سعر العربية يخوف
العربية دى بنفس المواصفات تعمل 28000 تقريبا

[joax]

ياباشا لا تروح شل ولا غيره عليك وعلى التوكيل تعمل كشف عام يقولك على كل كبيره وصغيره اتعملت فى العربيه 150 جنيه بس وتشترى راحه باااااااااااااااااااااااااالك
عن تجربه

[aymanay32]

بس هل التوكيل فاضى علشان عربية ماروتى يكشف عليها عشان بتتباع و لا هوه فاضى بس للجراند فيتارا و النيسان
دة يا سيدى مش فاضى اصلا للعربيات اللى بتعمل صيانة 1000 كيلو الاولى و بتتصل بيه يديلك ميعاد بعد اسبوع او عشر ايام
صاحب العربية اللى بيبعها هيستناك 10 ايام عشان تقوله التوكيل قال ايه و لا يطلع على السوق يبيعها و يخلص فى نص ساعة

[dr_asaos]

بس فعلا سعر يرعب موش يخوف وبس!!!!دى لقطة اللقط

[ahmad--ezzat]

بسم الله ماشاء الله
كنت داخل ارد بس الرجاله قاموا بالواجب وزياده

[pharonicking]

هو عايز يبيعها ليه دى مش سعرها

[aymanay32]

0108316499
دة تليفون واحدة عاوزة تشترى العربية دى ب 30 الف جنية
او زى ما بتقول لغاية 30 الف جنية
و اللى يتصل يقولها تبع الدكتور احمد

[خالد]

لقطة !
أنا عربيتى موديل 2007 وعاملة 31000 كم
كان معروض عليا فيها 26000 ج ومارضيتش أبيع !

[omaroof]

موش معنى ان سعرها لقطه تكون فيها مشكله فى ناس لما بيبقى عاوز يبيع مابيبصش للخساره
وبعدين العربيه موديلها عالى روح اى بنزينه نضيفه وتوكل على الله
انا بعد ماشتريت العربيه للمدام بيومين بالظبط لقيت عربيه 2008 وكاله مع دكتور جامعى وكان عاوز يبعها على 28 الف وكان مستعد ينزل اكتر ده غير انه كان مركب لها كاسيت سونى وسماعات وفرش ومظبطتها

[thegoodhacker]

انا عن نفسي لو قدامي عربية زي دي و ورقها سليم و فحصتها في بنزينة محترمة و اتاكدت ان العربية من شاسيه وموتور و خلافه تمام اتوكل علي الله واخدها حتبقي عربية ممتازة بسعر كويس جدا ....
واعتقد يا جماعة ان موضوع الرفرف ده برضه يقلل من سعر العربية مبلغ مش قليل لان العربية لسة موديل 2008 يعني يدوب لسة بقالها سنتين فعلشان كده صاحب العربية اضطر ينزل سعرها علشان يبيعها ...