سؤالين ياشباب عالطاير ياريت حد يفيدني

[dr.hazem]

السلام عليكم يا اهل الماروتي

عندي استفسارين محتاج حد يفيدني بخصوصهم
الاول
عربيتي وانا ماشي بين ال80 و ال100 لو شلت رجلي من عالبنزين ساعات بسمع صوت جاي من ناحية ورا العربية يمين
حاجه كده بتخبط او بترج فمكانها
معرفش هل هوا حاجه في الشنطه مثلا زي شنطة العده ولا الشكمان ولا ايه
انا مجربتش الحقيقه
والصوت ساعات يطلع وساعات لأ وده اللي مخليني مش عارف
فايه ده ياترى؟؟

الاستفسار التاني لابن خالتي
زي منتو عارفين هوا بيشد العربية بالكامل حاليا
هوا بيسأل أهل الهرم وفيصل عن كهربائي كويس جدا عشان يظبطله الدنيا ويشبك التوصيلات كلها صح ان شاء الله
فاللي يعرف حد كويس في فيصل والهرم ياريت يقولنا على مكانه بالظبط


تحياتي

[aymanay32]

انا متهيالى اللى ورا العربية ناحية اليمين دة مفيش غير الشكمان
لو الصوت طرقعة او تخبيط يبقى يا اما حاجة فكت فى الشكمان او مشكلة فى علبة البيئة

و بردوا كمان بص على ماسورة الشكمان جايز بتخبط فى الاكصدام الخلفى
كان بيحصل معايا كدة لان الاكصدام كان هابط عليها لدرجة انها سيحت حته من البلاستيك بتاعة

و متنساش تفتش فى الشنطة على حاجة سايبة بتخبط

جرب حد غيرك يركب العربية و خليه يدوس بنزين و يسيب و انته خليك عند الشكمان و اسمع الصوت


و لو ماشى على الدائرى مثلا او جنبك طريق به حائط ممكن تتاكد من صحة الصوت و تحدد شكله عامل ازاى و طالع من اين بالظبط و انته على سرعة 80 او 100 زى ما انته بتقول

و متنساش تطمنا عملت ايه و طلعت المشكلة فين

بالنسبة لابن خالتك فانا يسعدنى ان اقدم له اى خدمة لانى من ساعة ما شوفته و دخل قلبى و ارتاحت له لان فيه الشخص المصرى الطيب بتاع زمان

ممكن تتصل باسلام و تشوف الصنايعية اللى عندة فى العشرين او الاستاذ ايهاب فى فيصل
و دول خبرة عنى فى الصنايعية
و هتلاقى تليفوناتهم فى المقابلةبتاعتنا
و لو ابن خالتك عاوزنى اروح معاه بالعربية بتاعتى عند الصنايعية نتابعهم و نقف معاهم معنديش مانع و انا اخدمه بعنيه

[A.Saad]

بص على الشكمان من تحت
وشوف العدة زى ما قلت

كهربائى كويس
روح لمحمد السيد فى الدقى
ش الدقى ناصية جابر بن حيان

[love7amada]

انا معرفش كهربائبه بس ممكن اسالك ع حد كويس ف فيصل