كيفية غسيل موتور الماروتى

[pepo2711]

محتاج افادة الأخوة الماروتية :-

ياترى الصح يكون الغسيل كل كام يوم او كيلو متر

وافضل طريقة للغسيل - هل فى المحطة او المغسلة وبالجاز كالمعتاد

ولا فى مواد افضل للغسيل من الجاز والمياه والصابون

انا سمعت ان الغسيل كتير مش صح وكفاية نفخة بالهواء فقط

بس شكلة مش عاجبنى ومش عايز يتراكم علية التؤاب والزيوت والشحوم

[moustafamoussa]

اللي اعرفة انك بتغطي الموبينة و نصيحة غطي سلك الدبرياج و يبخ جاز و مبعد كدة يغسل بالصابون كويس مرة و اتنين عشان الجاز بيخلي اي حاجة فيها كاوتش يشقق ..

[dr.hazem]

يتنفخ هوا
وبعدها تغطي الموبينا والاسبراتير والكلاكس واي سارينه موجوده
ويرشها صابون ويدسيها غسلة بمية بس بلاش يكون الضغط عالي قوي
كفايه جدا...

تحياتي

[sab3aawy]

منصحش بغسل الموتور اكتر من مرة واحدة كل سنة بعد نهاية فصل الشتاء طالما ان الموتور مش معرق زيت فالتراب مش بيردمه بشدة وكفاية عليه جدا مرة فى السنة، يتم تغطية الأجزاء الكهربائية مثل الدينامو والمارش والاسبراتر والبوبينة ، ورش ماء مع صابون (ألأفضل فى المحطة) وبعد الغسيل يتنفخ هواء لحد ما ينشف وبعدين قم بوضع قطعة شحم على كل من سلك الاكسراتير وسلك الدبرياج وسلك الشفاط لتسهيل عملها بعد الغسيل

[Amr Axel]

تنضف هواء و تغطي اي حاجة تبع الكهرباء
و بعدين صابون و مية ضغط ضعيف
و في ساعات من غير صابون شوية مواد بيحطوها ع بعض بس معرفش ايه هي و بالمية و ينضف

و لو الموتور بعد ما تنضفه كل اسبوع او اسبوعين ع حسب ما بتشوف تراكم التراب اد ايه و بالهوا و نضف عشان يفضل نضيف من التراب لحد الغسلة اللي الجاية ان شاء الله
و متغسلهاش كتيير يعني كل 6 - 10 شهور