ماروتي 2008 - 5000 كيلو يا ريت تسعير

[breakthrough]

السلام عليكم

معروض عليا ماروتي 2008 فابريكة برة و جوة ما عدا خدش طوله 10 15 سم في احد الابواب

بس مطلوب فيها 30 الف انا شايفهم كتير قوي بما ان سعر الزيرو 36

ايه رأيكم يا جماعة

[love7amada]

بص ياريس
انا لسة شاري عربية ماروتي موديل 2007 بس الراجل قالي اواخر 2007 يعني تقدر تقول 2008 وكانت عاملة بين 5000 وال 6000 كيلو وكانت (ايام زمان "من شهر تقريبا") مفهاش غير شوية خدوش ب 29 الف مرداش ينقص عنهم ان العربية بحالتها بس للعلم كان محطوط فيها كاسيت سوني بنظافة مخرموش في العربية زودوا رف من بتاع 128 ومتركب بدبابيس عشان لو حبيت اخلعه مايسيبش اثر بس الصراحة عجبني وسبتة وسمعات كينود اصليه

فاانت حاول معاه تنقص بين الالف والالفين او لو عجباك اوي وهما منشفين دماغهم توكل علي الله وربنا يعوضك واعتبرها كسر زيرو بس اكشف عليها الاول وبص عليها من تحت لو ملقتش خدش من تحت يبقي العربية نظيفة وبص علي الصاج واتاكد ان هوه بحالتة يعني مافيش خبطات حتي ولو خفيفة انت دافع بزيادة (بص علي العربية في الشمس وعينة بتوازي سطح العربية وشوف مستقيم ولا لقة)

[M.Al-Hefnawy]

بص يا باشا أنا كمان شاريها لأختي قبل رمضان 2008 فبريكة بره وجوة ماشية 13000 كم بـ 29500 فأعتقد لو وصلتها لـ 29 تبقى كويسة...على فكرة الزيرو بتاعها بـ 37 ألف وبيقولوا موديل 2011 بس العربية اتوقف إنتاجها من 2009 يعني آخر موديل منها 2009.

وربنا يوفقك.

[wisambasha]

انا شايف ان 29 الف كويس عليها جدا

ربنا يهديك للخير