مرور حدائق القبه

[love7amada]

مرور حدائق القبة جامد
لتاني مرة اخويا طلع الرخصة ومن اول مرة انا كمان هناك عملتها
مافيش بعد كدة سهولة

الصراحة انا مش عارف العربية عشان صغيرة فكان الموضوع سهل ولا هوه سهل فعلا
احنا روحنا الخميس وخدنا امتحان الاشارات وكان مفهوش حاجة
وبعدها العملي بصراحة انا كل اللي كنت بعملة اني مخبطش في الاقماع وفجاه لقيت نفسي خرجت منها
لقيت بيقولي ارجع لورا وعند اول ملف لفيتة وطبعا بيبقي اسهل واحد ولقيتة بيقول قدام
انا افتكرت فيه حاجة غلط فقعدت ارجع براحة وابص قدامي يمكن هاخبط في حاجة من قدام والراجل بيساعدني
رجعت ولسة قبل الحودة التانية لقيتة بيزعق ويقولي خلاص قدام خلاص

مصدقتش نفسي ان الامتحان سهل للدرجة دية وخلص بالسرعة دية

نصائح قبل لما تروح اتمرن في مكان فاضي علي جرادل او كارتين بمنظر الامتحان بتاع المرور بتاعك قبل لما تروح علي طول وتقري الاشارات طول الطريق (طبعا مش انت اللي سايق) وركز واتوكل علي الله
وكله هايبقي تمام ان شاء الله

وموضوع الوسايط دة ملوش لزمة منكرش ان كان قدامي عربية هيونداي فيرنا شالت الاقماع قبل مايلف ولولا الوسطة كان زمانة مطرود من غير رخصة
والنجاح في الامتحان مش معناه انك بتعرف تسوق كويس
انا مسوقتش اكتر من 4 مرات كان كل مرة نص ساعة حوالين البيت كدة دة طبعا غير 5 مرات في مدرسة تعليم سواقة

[love7amada]

ممكن المكان اللي حاطط الموضوع فيه غلط
بس عايز اشارك اصحاب ماروتي فرحتي بالرخصة
واعتراف الحكومة بيا كسائق محترف هههههههههههه

[aymanay32]

الحكومة ما اعترفتش بيك كسائق محترف
المرور و ظباطه اعترفوا بيك كمورد اضافى يمكن عن طريقة زيادة الايرادات
مثلا نقفشك ماشى عكسى فى شارع شيلنا منه اليافطه انه اتجاه واحد
و نقابلك بالصدفة ناسى الحزام
و هكذا

[aymanay32]

فيه حاجة تانية ان البلد دلوقتى فى حالة تسييب علشان انتخابات مجلس الشعب فالبلد كلها ملخبطة و كله ماشى

[love7amada]

الحكومة ما اعترفتش بيك كسائق محترف
المرور و ظباطه اعترفوا بيك كمورد اضافى يمكن عن طريقة زيادة الايرادات
مثلا نقفشك ماشى عكسى فى شارع شيلنا منه اليافطه انه اتجاه واحد
و نقابلك بالصدفة ناسى الحزام
و هكذا

انا لما شوفت الامتحان وسهولته وان ناس بتسقط فيه
ساعتها بس عرفت الحوادث بتيجي منين
الاختبار لايعبر عن شيء غير انك بتعرف تولع العربية وتمشي علي الاول براحة بس
ولا بيحدد بتعرف تاخد ملفات ولا لقة او حتي تعرف قواعد المرور
علي العموم ان عملت الرخصة عشان اقدر اسوق وجنبي واحد صحبي بيعرف يسوق يمشي معايا ويقولي اعمل ايه في المواقف المختلفة مرتين تلاتة كدة

[love7amada]

فيه حاجة تانية ان البلد دلوقتى فى حالة تسييب علشان انتخابات مجلس الشعب فالبلد كلها ملخبطة و كله ماشى

ولا تسيب ولا حاجة ياباشا

[بنت مصر]

مبروك دة بس من حظك الحلو
مش عارفة امال متحان مرور الاميريه غلس ليه كدة انا روحت يوم السبت الى فات علشان اطلع الرخصة ولما شوفت الامتحان ماقدمتش الورق ولفيت ورجعت على البيت

الامتحان عبارة عن منحنى طويل لما بتوصل للنص تقريبا بترجع وتركن موازى للرصيف بين قمعين وممنوع طبعا انك تخبط الرصيف او الاقماع والمحاولة مرة واحدة
وبعد ما تركن ترجع تدخل المنحنى تانى لغاية اخرة وقرب الاخر بيضيق المنحنى وبيكون فى كسرين ضيقين شويه

انا كنت بعرف اركن بس مش قوى دلوقتى بتمرن على الركن بطريقة صحيحة علشان تيجى معايا من اول مرة
ادعولى اخلص بقى من الموضوع السخيف بتاع الرخصة دة

[dr.hazem]

مبروك دة بس من حظك الحلو
مش عارفة امال متحان مرور الاميريه غلس ليه كدة انا روحت يوم السبت الى فات علشان اطلع الرخصة ولما شوفت الامتحان ماقدمتش الورق ولفيت ورجعت على البيت

الامتحان عبارة عن منحنى طويل لما بتوصل للنص تقريبا بترجع وتركن موازى للرصيف بين قمعين وممنوع طبعا انك تخبط الرصيف او الاقماع والمحاولة مرة واحدة
وبعد ما تركن ترجع تدخل المنحنى تانى لغاية اخرة وقرب الاخر بيضيق المنحنى وبيكون فى كسرين ضيقين شويه

انا كنت بعرف اركن بس مش قوى دلوقتى بتمرن على الركن بطريقة صحيحة علشان تيجى معايا من اول مرة
ادعولى اخلص بقى من الموضوع السخيف بتاع الرخصة دة

حضرتك انا طلعت الرخصه من مرور الاميريه والامتحان كله سهل اذا كان معاكي عربية صغيره زي الماروتي
وربنا معاكي ان شاء الله

تحياتي

[بنت مصر]

للاسف انا هدخل الامتحان بعربية جوزى الشاهين لانى لسه ماجبتش الماروتى
نوينا نجيبها بعد ما اطلع الرخصة ان شاء الله يعنى هى الحكايه بقت البيضة ولا الفرخة

بس يا ترى حضرتك دخلت نفس الامتحان الى وصفته ولا دة جديد

[dr.hazem]

للاسف انا هدخل الامتحان بعربية جوزى الشاهين لانى لسه ماجبتش الماروتى
نوينا نجيبها بعد ما اطلع الرخصة ان شاء الله يعنى هى الحكايه بقت البيضة ولا الفرخة

بس يا ترى حضرتك دخلت نفس الامتحان الى وصفته ولا دة جديد

لا حضرتك انا دخلته قريب
تحديدا في شهر 6
بس للمعلوميه يعني انا بسوق من اكتر من 14سنه فمتفرقش معايا العربية ولا الامتحان بس انا بقولك انه فعلا متقلقيش ووالله واد قدامي عدى ببيجو القديمه الكبيره دي وحتة عيل بس عمل كل حاجه حلو

بالنسبه لامتحان الاشارات الراجل جابته على كل حاجه لقيته بيقولي ملفك ناقص دمغتين ففهمت انه عايز فلوس
فاديتله 20 جنيه
لما نزلت امتحن تحت لقيته هوا اللي جايب الملفات لتحت عشان نمتحن العملي فقلتله ايه الاخبار لقيته بيقولي لا انتا متقلقش

والدنيا هناك كوسه لان انا كنت عايز اعملها واخدها فنفس اليوم ومكنش معايا شهادة باطنه ونظر فاديت للست اللي هناك فلوس وطلعتلي من عندها الشهادات دي
علما باني رحت لمستشفى الزتون بس الدكاتره مكنتش موجوده بس للسرعه عملت كده

متقلقيش ربنا معاكي وان شالله تاخدي الرخصه ومن اول مره


تحياتي