استفسار ماروتي

[atefadel]

العربية موديل 2007 هي بتاعة المدام
وعاملة 28000 كيلو
ومعملتش اي حاجة فيها غير تغير الزيت
السحب ابتدي يضعف
روحت للميكانيكي قالي هنغير طقم الكهرباءوالسيور الكاتينة والدينمو والتكيف
والفلاتر
قولت ماشى سبت العربية وجبهالي الصيدلية
روحت بيها
1 صوت السيور عالي
2 العربية مش بدور علي طول
3 العربية يتقطع وسعات تطفي لوحدها
واكبر مشكلة هي التدوير صباحا بعد ركن العربية
ودفعت 300 جنية
فين الغلط علشان ان مش بفهم في الحجات دية وبسمع كلام الميكانيكي
عاوز حل لو ميكانيكي متخصص في م نصر او عين شمس
ومبروك رجوع المنتدي

[dr.hazem]

طب مبدئيا اخبار فلتر الهوا ايه؟؟؟
والبوجيهات هل تم تغييرها في ال 20 ألف ولا لأ؟
وبعدين سيور ايه اللي تتغير على 28000
السيور بتتغير على 40 ألف

اما موضوع الدواره الصبح ففي طريقه عشان الماروتي تدور بسهوله معاك
اول حاجه تحط المفتاح في الكونتاكت لحد اما اللمض تنور والعدادات تتحرك
لما العدادات تستقر دوس دوسة بنزين واحده وشيل رجلك
زدزر
وبإذن الله هتدور علطول
وممكن كمن تشد الشفاط قبل متدور العربية لان الدنيا برد والعربية فعلا في البرد بتحتاج صبر....

العربية بتقطع امتى بالظبط؟؟؟
وانتا ماشي؟ ولا قصدك اول متشتغل؟؟؟

وصوت السيور قصدك انه بيطلع صوت صريخ منها او صوت تصفير عالي ولا ايه الوضع؟؟

تحياتي

[atefadel]

انا شوفت سير الدينموا كان منسل وفية قطع
والعربية نتقطع وانت ماشى وعلي التاني
طبعا انا غيرت البوجيهات والابلتين والكوندنسر

[dr.hazem]

طب الميكانيكي نظف الكربيراتير ولا مكلفش نفسه يبص عليه؟؟
لان ممكن يكون الكربيراتير عايز يتنظف
ولو فعلا منظفهوش نظفه انتا بالاسبراي المخصوص او هات الماده اللي بتتضاف عالتفويله بتاعة البنزين الخصه بتنظيف الكاربيراتير وحطها قبل متفول علطول وبعدها لازم يتم الحرق عالعربية في طريق طوالي وتفضي فيه جزء كبير من التفويله دي...
وان شاء الله تتحل المشكله دي

واتأكد ان فلتر الهوا تم تغييره...

واما السير المنسل فياريت متمشيش بيه وتغيره لانك دفعت تمن واحد كويس مش منسل...
وربنا يسترها على سير الكاتينه ان شاء الله


تحياتي

[atefadel]

لو حضرتك تعرف ميكانيكي او مركز متخصص ممكن تقولي علية
وشكرا لرد حضرتك

[dr.hazem]

لو حضرتك تعرف ميكانيكي او مركز متخصص ممكن تقولي علية
وشكرا لرد حضرتك

للاسف ياعزيزي انا معرفش لكن انا كنت هكلم مركز تكنو وان واشوف هل هما بيشتغلو في الماروتي ولا لأ لان عربيتي نفس موديل اللي معاك بس انا لسا عايز اعمل صيانة ال20 ألف بس حاليا مش فاضي للموضوع ده وانا ماشي بالعربية لحد اما اخلص امتحانات فرج ان شاء الله


تحياتي

[AMRSPEED]

ممكن تكون التقسيمه مش مظبوطه روح لميكانيكى تانى

[atefadel]

ربنا معاك في الامتحانات

[LORD.ADeL]

حضرتك دفعت 300 ج ليه ؟
طقم كهرباء كله ب45 وباقي زيه فى سعر ومصنعيه مش هتبقى كتير كدة؟
وتكييف ايه اللى هيغير سير بتاعه وكانتينه واي سير زي ما قاله حازم بيقا ع 40 بس اذا كان منسل زي ما بتقلو يتغير؟
وبعدين حضرتك اعد 28000 من غير ماتغير بوجيه ولا تشيك ع عربيه ومعلش مع احترامى الكامل لحضرتك والمدام
سواقه النساء بكون تقيله ع العربيه ومع ماروتي لازم تتعامل مع صياتنها فى حاله ديمااا اعتقد ان فى لاخبطه واللى اتغير واتضبط
مش متوافق مع بعضه لازم ميكانيكي تانى يشوفها كويس وع فكرة اي مكانيكي انت تعرفه او تبع حد شغال فى الكربراتير هيفهم فيها كويس وهيضبطها بس يكون متمكن وصناعيى كويس لان عربيتنا مش كمياء وسهل تعامل ضاق بيك الحال....؟
اسحب نفسك وروح ع توكيل يرجعهوالك زي الاول بالاجهزة الخاص بتعتهم ويرجع ضبط كهربتها وكل شي فيها وبعد كدة ابقا تعامل مع اي مكانيكي زي ما قلت لك لان موضوع حصل معايا قبل كدة ونفس موديل رعبيتى هوا نفس موديل عربيتك واحترت مع كذا ورشه وفى الاخر روحت توكيل ضبطها لى تمااااام وتابعت معه كمان وزي الفل وبعد كدة مقضيها ورش برة وايه ماشيه ....؟
سوررررررري للاطاله

[mido51eg]

العربية موديل 2007 هي بتاعة المدام
وعاملة 28000 كيلو
ومعملتش اي حاجة فيها غير تغير الزيت
السحب ابتدي يضعف
روحت للميكانيكي قالي هنغير طقم الكهرباءوالسيور الكاتينة والدينمو والتكيف
والفلاتر
قولت ماشى سبت العربية وجبهالي الصيدلية
روحت بيها
1 صوت السيور عالي
2 العربية مش بدور علي طول
3 العربية يتقطع وسعات تطفي لوحدها
واكبر مشكلة هي التدوير صباحا بعد ركن العربية
ودفعت 300 جنية
فين الغلط علشان ان مش بفهم في الحجات دية وبسمع كلام الميكانيكي
عاوز حل لو ميكانيكي متخصص في م نصر او عين شمس
ومبروك رجوع المنتدي:10d5c8w1107::10d5c8w1107::10d5c8w1107::10d5c8w110 7:

انا مش بفهم في الماروتي انما واضح كده ان فيه اشتغالة من الميكانيكي. رجاء اقف على ايد الميكانيكي وهو بيشتغل في عربيتك وعلشان تشوف الحاجة اللي اشتريتها بتتركب فعلا ولا لأ وتشوف انت بتدفع فلوس في ايه. واحتمال فعلا يكون تأخير الدوران بسبب غلط في ضبط وش التقسيمة ... الأفضل تروح لميكانيكي تاني طبعا.

[atefadel]

نشكر ربنا العربية مشتغلتش اليوم
وهروح اوديها للميكانيكى
انا كلمتة قالي نجيب بوجية 3 شمعة ب 65 جنية
اة رايكم يا شباب

[atefadel]

معلش استحملوني في اسالتي
1 سعر طقم البوحيهات اليباني
2 سعر الابلتين والكوندنسر
3 فلتر هواء وبنزين
4 سير الدينامو والكاتينة
واسف علي كتر الاسألة

[mido51eg]

نشكر ربنا العربية مشتغلتش اليوم
وهروح اوديها للميكانيكى
انا كلمتة قالي نجيب بوجية 3 شمعة ب 65 جنية
اة رايكم يا شباب

واضح جدا ان الميكانيكي بتاعك مفتي طحن ومابيفهمش كمان. البوجيه الـ 3 شمعة ده مايركبش لأي عربية ولو ركبته عندك هيبرجل العربية ومش هتبقى مضبوطة وهتبقى زودت مشكلة جديدة لمشاكلك. انا بقول كده عن تجربة ... الميكانيكي بتاعي زمان افتى وخلاني ركبتهم في العربية القديمة وخلاني احلم بالسحب الجبار والأمركة وتوفير البنزين الخرافي. طبعا الكلام ده كله طلع كلام فارغ والعربية سحبها بقى زي الزفت وبقت بتغيب في الدوارة وبتنتش وهي ماشية وبتضرب مدافع كمان. وديها عند ميكانيكي تاني يكون بيفهم وخليه يراجع على طريقة تركيب سير الكاتينة ووش التقسيمة لأن غالبا هتكون دي سبب مشاكلك كلها وبالمرة يراجع على الشغل اللي عمله الميكانيكي ده.

[ihabchina]

نصيحة اخ اطلع بيها التوكيل احسن

احنا ل الاسف كلنا هنا مقدرناش نرجح حد عدل يعرف يشتغل فى الماروتى وكل الناس بتشتكى من كهربة الماروتى لو حد لعب فيها وزى ما حازم قالك فى سيور بتتغير على 40 الف ولما كنت فى التوكيل اخر مرة قالى هنغير سير كاتينة على 45 الف

وبصراحة حرام عليك تسيب العربيى لحد الرقم ده من غير اى صيانة

[dr.hazem]

نشكر ربنا العربية مشتغلتش اليوم
وهروح اوديها للميكانيكى
انا كلمتة قالي نجيب بوجية 3 شمعة ب 65 جنية
اة رايكم يا شباب

فتاي كبييييييير واوعى تسمع كلامه هتبهدلك الدنيا لان الشعله هيا هيا بتطلع من الموبينا وهتتقسم في كل بوجيه على 3

غير الميكانيكي فورا فورا فورا

معلش استحملوني في اسالتي
1 سعر طقم البوحيهات اليباني
2 سعر الابلتين والكوندنسر
3 فلتر هواء وبنزين
4 سير الدينامو والكاتينة
واسف علي كتر الاسألة

طقم البوجيهات الان جي كي بتوعها ب 25
مش عارف سعر الابلاتين والكوندنسر
فلتر الهوا ب 10 المصري والاصلي كان حد قال في التوكيل ب 40
فلتر البنزين ب 10 جنيه تايواني والياباني ب 20 والمصري ب 5
السيور مش عارف


واحنا تحت أمرك في الاسئله

واسمع كلامي واياك تروح للميكانيكي ده تاني والله اعلم هوا غير سير الكاتينه فعلا ولا لأ لانه جوا جيب محفوظ فلو اداك القديم يبقى غيره لو مداهولكش يبقى حضرتك تروح تاكله بايديك الاتنين وسنانك وتدوس عليه برجلك ولو محتاج مساعده اجيلك افتحله بطنه
هههههههههههههههههههههههه



تحياتي