صيانه ال 10000 للماروتي

[sab3aawy]

بشمهندس سبعاوي
انا عندي الماسوره اللي بتدفي الهوا الداخل لبوابة العمه مش موجوده لان الشكمان بالكامل متغير لشكمان رياضي
فهل ياترى ليها لازمه ولا مش مهمه؟؟
تحياتي

طالما العربية بتدور الصبح يبقى مش مهم

[dr.hazem]

طالما العربية بتدور الصبح يبقى مش مهم

بوركت وجزاك الله خيرا
هوا انا العربية بتدور لكن بديها دوسة بنزين قبل ما ادور والحمد لله بتدور بعد كده علطول والكلام ده بس في ايام البرد دلوقتي


شكرا لردك

[LORD.ADeL]

فى الشتاء كل اللى انت محتاجه لو العربية ببوية فابريكتها هو ان البطارية تكون كويسة، وش الاسبراتير سليم بدون شروخ، الكهرباء مظبوطة ، علشان العربية تدور معاك الصبح بسهولة، ومحتاج تحول باب العمة على الوضع الشتوى(باب العمة عبارة عن شداد صغير كدة موجود فى مدخل الهواء بتاع العمة يمين السيارة من الامام بالقرب من قربة مياه المساحات، وهتلاقى مكتوب عليه شتاء وصيف بالانجليزى على ما اذكر، حوله على الوضع الشتوى علشان العربية تدفى بسرعة فى الصباح
ولو حصلت امطار انت فقط محتاج تغسل فجوات الرفارف بعد الأمطار
لو كان عزل السيارة من اسفل اتلعب فيه لأى سبب(حوادث، اصلاحات فى دواسة السيارة، بارومة ...الخ) حاول تحافظ على الرفارف من جوة وأرضية السيارة نضاف قدر الامكان طوال الوقت

الف الف شكر يا كبير والله ع معلومات دي
والحمدلله عربيه مفهاش لعب من تحت الحمدلله وهما مرتين فقط اللى تم غسيلها لانى عرفت ان كتر غسيل وحش ولسه والله عايز اروح اغسله لانى بقالي كتير جدا ماتغسلتش
وايه هيا فجوات رفاف دي معلش؟
وكمان يقال ان في امكان تسريب المياة بعد غسيل العربيه ياترى اماكنها فين فى عربيتناااا؟ علشان ماتتكومش فيها وتعمل مشاكل؟ بطاريه بقالها سنه معاياا وبتابع فى صيانتها وكهرباء صراحه عايز تضبيط بس للاسف لحد دلوقتى مش عارف استقر ع مكانيكي يضبطلي عربيه صح
واسف ع الازعاج

[love7amada]

الميكانيكي عند شارع ابو زيد كده
هوا جوا
ممكن اقابلك و اوديك

[love7amada]

النهارده جبت فلتر البنزين التايواني ب 10 جنيه و رجت للميكانيكي ركبه و ربطلي عفشه و شحمها كمان

[love7amada]

ناقصلي اغير زيت و الفلتر مع ان لسه 900 كيلو و اغسل العربيه غسله تمام و بقكر اعمل فرش للارضيه بعدها و بس ع كده

[aymanay32]

الف الف شكر يا كبير والله ع معلومات دي
والحمدلله عربيه مفهاش لعب من تحت الحمدلله وهما مرتين فقط اللى تم غسيلها لانى عرفت ان كتر غسيل وحش ولسه والله عايز اروح اغسله لانى بقالي كتير جدا ماتغسلتش
وايه هيا فجوات رفاف دي معلش؟
وكمان يقال ان في امكان تسريب المياة بعد غسيل العربيه ياترى اماكنها فين فى عربيتناااا؟ علشان ماتتكومش فيها وتعمل مشاكل؟ بطاريه بقالها سنه معاياا وبتابع فى صيانتها وكهرباء صراحه عايز تضبيط بس للاسف لحد دلوقتى مش عارف استقر ع مكانيكي يضبطلي عربيه صح
واسف ع الازعاج

شوف انا فى الصيف لما كنت بحمى العربية كنت بلاقى مياه بتخرج شلال من عند الرفارف من تحت فى جانب الباب اللى قدام
و كنت باستخدم الخرطوم فى الشارع و الحمد لله بطلت الموضوع دة من فترة طويلة جدا و اخر مرة حصل فيها كدة لما عملت الحادثة و راحت البنزينة يغسلوها بس كان عندهم زكاء خارق و خبرة شديدة لدرجة انه دخل الخرطوم بتاع الميه جوه العربية و غسلها من جوة و قاللى سيبها شوية لغاية ما فرش العربية ينشف انا بصراحة كنت شايفة بيعمل كدة بس اعصابى كانت تعبانة شوية و مقدرتش اتكلم حتى اقوله ما تغسلش العربية من جوة و كانت الكنبة مبلولة و الكراسى كمان و كان عذرى له انه لسة غاسل جرار زراعى و اعتبر مافيش فرق بين الاثنين كبير

فجوات الرفرف زى ماقلت لك فى المنطقة السفلية بين العجلة و الباب و بيتجمع فيها مياه من الفتحات اللى عند المساحات فوق
و بصراحة اللى قاللى عليهم اول مرة يوم المقابلة بتاعتنا الاستاذ/ احمد ابو جنة و جودى لما سالته المية لما بتدخل هنا بتخرج من اين

[aymanay32]

اولا زيت الفرامل متزودوش طالما منزلش عن ال min
ثانيا الميكانيكي هنا ف فيصل ف شارع الملكه متقاطع مع العشرين
فلتر البنزين انا لسه هجيبه بكره و اركبه ان شاء الله عنده بس هوا انا شفت الفلتر عندي كان زفت كانه معبي شحم
لكن عفشجي معرفش الصراحه غالبا هروح بريدجستون او هسال الميكانيكي بكره
الابلاتين من محل ف شارع حي الهرم قدام موقف المساكن و الميكانيكي هوا اللي قالي عليه

الف شكر على العنوان انته كدة وفرت عليه مشوار لاحمد حلمى علشان اجيب الابلاتين

[hamaza81]

شوف انا فى الصيف لما كنت بحمى العربية كنت بلاقى مياه بتخرج شلال من عند الرفارف من تحت فى جانب الباب اللى قدام
و كنت باستخدم الخرطوم فى الشارع و الحمد لله بطلت الموضوع دة من فترة طويلة جدا و اخر مرة حصل فيها كدة لما عملت الحادثة و راحت البنزينة يغسلوها بس كان عندهم زكاء خارق و خبرة شديدة لدرجة انه دخل الخرطوم بتاع الميه جوه العربية و غسلها من جوة و قاللى سيبها شوية لغاية ما فرش العربية ينشف انا بصراحة كنت شايفة بيعمل كدة بس اعصابى كانت تعبانة شوية و مقدرتش اتكلم حتى اقوله ما تغسلش العربية من جوة و كانت الكنبة مبلولة و الكراسى كمان و كان عذرى له انه لسة غاسل جرار زراعى و اعتبر مافيش فرق بين الاثنين كبير

خد بالك من موضوع غسيل العربية من جوة عشان احنا عندنا ضفيرة الكهرباء ماشية تحت موكيت العربية

[aymanay32]

خد بالك من موضوع غسيل العربية من جوة عشان احنا عندنا ضفيرة الكهرباء ماشية تحت موكيت العربية

شوفتها يا باشا مشية تحت الموكيت ناحية الكرسى اليمين و مكملة للخلف
بس انا بعد صيانة الالف كيلو فى التوكيل قمت ركبت فى ارضية العربية من جوا و على الموكيت مشمع بلاستيك من اللى تحتية زى قطيفة او قماش كدة و سميك الحجم علشان يحمى الموكيت و الصاج من الصداء و ده بعد ما حكى لى زميلى محمد فى الشغل عن وقوع عصائر من اطفالة فى الارض و ان اللى حمى الموكيت و الصاج كان المشمع اللى ركبة
على فكرة انا جيبته من التوحيد و النور و المتر ب 17 جنية و ركبته بنفسى بعد ما فكيت الاربع مسامير بتوع الكرسى اليمين و الشمال و القونصول و البلاستيكة بتاعة الفتيس و الكنبة الخلفية و عملت له لزق ناحية البلاستيك بتاع البابين الاماميين عبارة عن علبة كوله
و من ذات النوادر كان معى على الدواسة الخلفية ترمس شاى و اتكسر و الشاى كله نزل منه و مرة تانية كولمان مياه و اتفتح و نزل كل المياه بتاعته على الارض و اخر مرة امبارح كنت مسافر الفيوم و راجع فى نفس اليوم و كان معى زجاجة مياه بلاستيك و فتحت الغطاء و انا ماشى بسرعتى و باشرب و مع السرعة وقع منى الغطاء فى الارض و كان عندى اختيار اما اسيبه فى الارض او ادور عليه و اعمل حادثة على الطريق السريع و قررت اسيبه و حطيت الزجاجة البلاستيك بباقى المياه اللى فيها بين الكرسيين الاماميين و قررت اتوقف فى اقرب استراحة و ادور على الغطاء بس مع تفاعلى مع الطريق و السيارات اللى ماشية فييه وصلت الفيوم و اكتشفت ان العربية من تحت غرقانه فى المية للان الزجاجة مع المطبات اتحركت و نزلت مياه كلها و كل اللى عملته انى نشفت المشمع بفوطة و كان شيئا لم يحدث

[LORD.ADeL]

النهارده جبت فلتر البنزين التايواني ب 10 جنيه و رجت للميكانيكي ركبه و ربطلي عفشه و شحمها كمان

ربط ماشي شحم ايه يا اسلام عربيه عندنا مش بتتشحم من تحت ؟؟؟؟؟؟؟؟؟
وبعدين فلتر بنزين دة الاصلي بتاع العربيه ولا غيرة لان الاصلي اعرف انه ب30ج؟

شوفتها يا باشا مشية تحت الموكيت ناحية الكرسى اليمين و مكملة للخلف
بس انا بعد صيانة الالف كيلو فى التوكيل قمت ركبت فى ارضية العربية من جوا و على الموكيت مشمع بلاستيك من اللى تحتية زى قطيفة او قماش كدة و سميك الحجم علشان يحمى الموكيت و الصاج من الصداء و ده بعد ما حكى لى زميلى محمد فى الشغل عن وقوع عصائر من اطفالة فى الارض و ان اللى حمى الموكيت و الصاج كان المشمع اللى ركبة
على فكرة انا جيبته من التوحيد و النور و المتر ب 17 جنية و ركبته بنفسى بعد ما فكيت الاربع مسامير بتوع الكرسى اليمين و الشمال و القونصول و البلاستيكة بتاعة الفتيس و الكنبة الخلفية و عملت له لزق ناحية البلاستيك بتاع البابين الاماميين عبارة عن علبة كوله

شوف انا عايز اعمل الارضيه كلها جلد بلد موكيت اللى خنقننى دة ؟ ومش عارف انضفه ؟
اعمل عربيه كلها مشمع دة ولا ايه وبعدين كرسي عندي بيلوك ومهززوز معرفش عيب مسمار ولا فى حاجه بقااا؟
اروح عند سورجي ولا اعمله ازي انا؟؟

ع فكرة كان فى عضو معنا اسمه استذا وسام قلي ع مكانيكي كان شغال فى نسيان وسوزكي فى توكيل واتصلت بيه وحدد معه معاد ورجع اتصل واعتذري وهكلمه نهارد احدد معه معاد وسئل ع كل شي بالتفضيل زي بتوع توكيل بالضبط؟ وقالي هاتلي فلتر بنزين من توكيل الاصلي بتعها علشان اللى ف سوق مش هيركب كويس وهيعملك مشاكل؟

[love7amada]

هوا الفلتر انا جبته من سوزوكي سنتر و هوا شبه الاصلي بالظبط و اتركب و ماشي لغايه دلوقتي 70 كيلو مثلا و زي الفل مفيش مشاكل و عاين معايا برده الفلتر القديم

[love7amada]

الميكانيكي ده اللي اسمه محمد مرعي طيب لما تجربه قلنا خلاصه التجربه ايه
و بالسبه للفرش انا كمان عايز اعمل فرض عشان المكيت عامل و لا كانه سجاده ف الشارع و حاجه تقرف و لا بينضف فشوف كده و لو هتعمل نعمل سوا يمكن يكون لينا اكراميه و لا حاجه

[love7amada]

معرفش هوا شحم ايه هوا حطه تحت كده عند الاربع عجلات ع حاجه معرفهاش بس الصبي اللي عنده هوا اللي عمل كده

[aymanay32]

عاوزين تشوفوا المشمع اللى انا عاملة نتفق نتقابل فى يوم و تتفرجوا علية و لو عايزين اساعدكم و نروح نشتريه سوا من التوحيد و النور و تركبوه و اساعدكم فى تركيبة و اربط لك الكرسى اللى بيلق معاك ماشى بس يكون يوم من اوله فى النور علشان نخلص بسرعة و يبقى معانا بقية اليوم نقعد سوا