سؤال للبشمهندس سبعاوي عن قواعد موتور الماروتي

[dr.hazem]

بسم الله الرحمن الرحيم
بشمهندس سبعاوي منورنا وحبيت اسأله
ازاي اكشف عالقواعد؟
المكنه عندي بتترجرج اول اما ادور العربيه وبتقل الرجرجه بعد دقيقه من لما بدور
العربيه عامله بالظبط عشرين ألف كيلو
هل ممكن تكون القواعد؟
للعلم العربيه لم تزر اي صنايعي او توكيل من اكتر من عشرة آلاف كيلو
انا عملت الصيانات البسيطه ولسا هعمل ال عشرين ألف باذن الله

هل القواعد بتتربط؟ ولا ملهاش علاقه
اه بالمناسبه الكهربه اتأكد ازاي انها مظبوطه؟

تحياتي ليك وشكرا مقدما

[LORD.ADeL]

تمام السؤال يا دوك...
وفي كمان طبع الرجرجه الجامدة اللى بعد قفل كونكت ومروحه شغاله دة ليه تاثير سلبي ع قواعد؟
والعضه اللى بتكون ماشي ع الاول مثل وسبت دبرايج فجاء بيكون في غضه جامدة شويااا دي ايه ظروفها
لان عندي منطقه ماشاء الله تضاريس وهضاب مش شوارع عاديه بجد بحس انى فى منخال ومش عارف دة برضو ليه اثر ع قواعد وعفشه ولا ايه ؟

[sab3aawy]

ممكن طبعا قواعد الموتور تكون عايزة تتربط ، لكن مع العلم ان مسألة الرجرجة هى مفروض تكون داخل الحدود المقبولة لكنها مش هتختفى نهائيا لأن الموتور ده 3 سلندر وفى اول لحظة للتدوير بيكون الحريق غبر منتظم لحد ما الشمايز تسخن فممكن يكون فى لحظة 2 سلندر واحيانا 1 فقط اللى شغالين لحد ما الموتور يدفى وينتظم الاداء، لذلك التربيط هيحسن الرجرجة شوية لكنها لن تصبح صفر
الكهرباء تتأكد انها مش عالية طالما ان العربية مش بتسقف، وتتأكد انها مش واطية طالما ان العربية لما بتبطل مش بتفضل ترفص واستهلاك البنزين معقول والعادم لا يحمل رائحة وقود نئ وبتسحب كويس ومبتسخنش

بالنسبة لسؤال العضة مع ترك الدبرياش فدى قواعد موتور برضه عايزة تتربط ، وبرضه بتتحسن شيوة لكن مش 100 لأن ده جزء من تصميم العربية

[dr.hazem]

طمنتنا يا بشمهندس باذن الله الصيانه الجايه بس اخلص الامتحانات فورا هعملها وربنا ييسر الاحوال ان شاء الله


هل ممكن اني اربط قواعد الموتور دي بنفسي ولا محتاجه حد اوديهاله؟؟؟

تاعبينك معانا بكتر اسئلتنا

تحياتي

[love7amada]

الله ينور

[micromoud]

انا كانت عندى المشكله دى وغيرت التلات قواعد والحمد لله العربية الرعشه فيها قلت بس تربيط القواعد فى العربية متعب حبتين للصنايعى وخصوصا انه بيفك الشنب بتاع العربيه

[aymanay32]

بردوا ممكن نربطهم احنا و لا لازم نروح لصنايعى و اذا كان على الفك بتاع الشنب مش مشكلة بس التفاصيل بتاعة الطريقة ايه

[micromoud]

روح لصنايعى ياباشا وريح دماغك الحوض بتاع العربيه ضيق جدا ومقرف فى شغله

[dr.hazem]

بس مش الماروتي ليها قاعدتين فقط؟؟؟

[aymanay32]

مازلنا فى انتظار رد البشمهندس سبعاوى

[LORD.ADeL]

ممكن طبعا قواعد الموتور تكون عايزة تتربط ، لكن مع العلم ان مسألة الرجرجة هى مفروض تكون داخل الحدود المقبولة لكنها مش هتختفى نهائيا لأن الموتور ده 3 سلندر وفى اول لحظة للتدوير بيكون الحريق غبر منتظم لحد ما الشمايز تسخن فممكن يكون فى لحظة 2 سلندر واحيانا 1 فقط اللى شغالين لحد ما الموتور يدفى وينتظم الاداء، لذلك التربيط هيحسن الرجرجة شوية لكنها لن تصبح صفر

الكهرباء تتأكد انها مش عالية طالما ان العربية مش بتسقف، وتتأكد انها مش واطية طالما ان العربية لما بتبطل مش بتفضل ترفص واستهلاك البنزين معقول والعادم لا يحمل رائحة وقود نئ وبتسحب كويس ومبتسخنش

بالنسبة لسؤال العضة مع ترك الدبرياش فدى قواعد موتور برضه عايزة تتربط ، وبرضه بتتحسن شيوة لكن مش 100 لأن ده جزء من تصميم العربية

شوف يا كبير الله ينور ع اللى قلته
بس بخصوص كهرباء عندي لما ابطل ومروحه شغاله برتفص وبتتنفض طبعا كل دة فى ماتور اوكي
وصبح بدري لما بجي ادور وهيا بتسخن بيكون فى يب داخان كتير طالع من شكمان لحد ما اهدي شفاط ع مستو ي الاول او اقفله يروح دخان لاكن وهيا ماشيه او بعد عصر لما بجي ادور وامشي مفيش دخان؟
وبخصوص تربيط اوك هربط ماتور لانى لسه مغير قاعد فتيس؟

[micromoud]

انا زيك يا لورد بالظبط ... بس انا بحس برضه ان موتور العربية دى خفيف ولو قرصت عليه موش هيعدى الميت الف كيلو الا ويتغيرله شمبر

[hamaza81]

شوف يا كبير الله ينور ع اللى قلته
بس بخصوص كهرباء عندي لما ابطل ومروحه شغاله برتفص وبتتنفض طبعا كل دة فى ماتور اوكي
وصبح بدري لما بجي ادور وهيا بتسخن بيكون فى يب داخان كتير طالع من شكمان لحد ما اهدي شفاط ع مستو ي الاول او اقفله يروح دخان لاكن وهيا ماشيه او بعد عصر لما بجي ادور وامشي مفيش دخان؟
وبخصوص تربيط اوك هربط ماتور لانى لسه مغير قاعد فتيس؟

باشا موضوع الرجرجة اللي بعد ما تبطل دي في اي ماروتي في الدنيا لما تبطل والمروحة شغالة بتعمل الرجة دي وكل الزملاء في المنتدى اجمعوا على كدة، انما لو استنين وخليت العربية دايرة لحد ما المروحة تبطل مش هتلاقي الرجة دي نهائي.
اما بخصوص الدخان الكتير اللي طالع الصبح، انا بيبقى عندي دخان ابيض كدة اول ما بدور العربية لكن بعد كدة بيختفي ودا تقريبا حد قال انه بيبقى بخار مياة خارج مع العادم فبيعمل اللون الأبيض ودا شيء طبيعي.

[sab3aawy]

الرجرجة بعد التبطيل مع المروحة دى مش قضية لأنها بتاخد ثانية او اتنين ودى سببها ان العربية مش مزودة ببيك سلانسيه كهربائى يمنع دخول الوقود للمحرك بمجرد تبطيل المحرك، لكن الترفيص اللى انا بتكلم عليه اللى بيعبر ان الكهرباء واطية ده ممكن يستمر دقيقة او اكتر بعد تبطيل السيارة

[sab3aawy]

لو الدخان اللى بتتكلم عليه دخان اسود بيروح مع تنزيل الشفاط فلا مشكلة اطلاقا، هو بس ممكن يكون معناه ان الشفاط بيرمى بنزين كتير شوية او ان البوجيهات بتكون مرطبة شوية الصبح ومش بتحرق مظبوط لحد ما تدفى، لكن كل ده لا يعنى اى مشكلة من اى نوع فى السيارة

ولو لونه ابيض ثلجى ومالوش ريحة مزعجة فبرضه ده بخار مية متكاثف وليس معناه اى مشكلة

أما لو لونه ابيض مزرق ورائحته شياط فهنا لدينا مشكلة