إعـــــــلان

Collapse

.

,
See more
See less

بعد كتر مشكلة التنتيش.. مناقشة تركيب فلتر بنزين اضافي للماروتي

Collapse
X
 
  • Filter
  • الوقت
  • Show
Clear All
new posts

  • بعد كتر مشكلة التنتيش.. مناقشة تركيب فلتر بنزين اضافي للماروتي

    السلام عليكم ياشباب

    طبعا انا معرفش ازاي بكتب موضوع وفايق قوي وانا لسا طالع من امتحان كان اشبه بالماراثون الكتابي استمر لمدة تلات ساعات متواصله واتسحبت مني الورقه وانا لسا مخلصتش
    عادي جدا جدا


    المهم

    دلوقتي شفت كتير الايام اللي فاتت موضوع ان الناس العربية بتنتش منهم بالذات بعد تفويل بنزين (تراب بالبنزين) والعربية عندهم ابتدت تشتكي

    طيب
    انا بفكر لو ركبنا فلتر اضافي
    ياترى ايه الاخبار؟؟
    هل هيكون في تأثير على السحب؟؟؟

    انا معتقدش هيكون في تأثير عالسحب الا في حالة اتسد واحد او اتنين منهم

    طيب ايه الهدف من اننا نعمل كده؟
    الهدف هوا حماية الكربيراتير بأكبر قدر بحيث متوصلوش حاجه من الزباله دي وتسده....


    انا عندي استعداد لخوض التجربة لكن الموضوع بالنسبالي مش هقدر اعمله لان زي منتو عارفين انا في نص الامتحانا لكن انا باذن الله هعمله في اقرب وقت واجرب واشوف النتيجه....


    ياترى حد جربها قبل كده؟؟؟

    حد عنده استعداد يجرب؟؟؟


    في انتظار تفاعلكم وياريت ناخد الموضوع بجد لانه لازم نجرب الموضوع ده.....


    تحياتي
    don't judge a car unless you have driven it

    hm414 سابقا

  • #2
    هو انا يتهيألي الموضوع دا هيضعف ضغط البنزين الداخل للكربراتير و ممكن سحبها يقل معاك بس مش قوي....
    [URL="https://www......pay.com/?DZzeoFQ7r9yn1ZzFeeuW8A%3d%3d"][/URL]

    Comment


    • #3
      المشاركة الأصلية كتبت بواسطة x_gomgom مشاهدة المشاركة
      هو انا يتهيألي الموضوع دا هيضعف ضغط البنزين الداخل للكربراتير و ممكن سحبها يقل معاك بس مش قوي....
      والله يا عزيزي مهو احسن رد عالموضوع هوا اننا نجرب فعلا

      وانا مستعد اجرب عندي بس والله مش لاقي الوقت
      وخصوصا ان عندي فلترين في البيت زياده عن احتياجي فممكن اجرب من غير تكاليف ان شاء الله....

      عموما في انتظار باقي الماروتيين


      تحياتي للجميع
      don't judge a car unless you have driven it

      hm414 سابقا

      Comment


      • #4
        شفت واحد كان عامله
        فلتر العربيه الاصلي
        و فلتر قبل الكربياتير و كانت ماشيه معاه عادي
        ده انا فضلت راكبها سنه كلمله
        حتي الميكانيكي كان عايز يعميهالي لماشاف شكل الفلتر و هوا بيغيره بس قلتله لا
        و هوا قال ملوش تأثير طالما حافظت عليه نضيف زيه زي اي فلتر بس مجربتش
        بس انا عوز انضف الكربيراتير و اشوف النتيجه ايه
        و هروحله النهارده و اساله تاني
        http://www.facebook.com/home.php?sk=group_189600157746068&ap=1
        روووووبابكيا اي حاجه مستعمه (مش قديمه) للبيع
        شارك معانا

        Comment


        • #5
          ربنا يوفقك و يا ريت تطمنا ايه الاخبار
          [URL="https://www......pay.com/?DZzeoFQ7r9yn1ZzFeeuW8A%3d%3d"][/URL]

          Comment


          • #6
            صباحو يا دكتور ههه

            المهم طمنا عليك عملت اية فى الامتحان. انا برضة طالع عينى فى الشغل ومعلش مش بدخل خالص الايام ده

            اما بنسبة للموضوع ده انا عانيت منة من فترة وقولت فى مشكلة فى العربية وطلع ان البنزين فية ماية وعرفت كده لما حطيت بنزين تانى بس بصراحة معرفش حكاية الفلتر التانى ده هههه
            :what:

            Comment


            • #7
              بالمناسبه فكرتوتي انا بين التفويله و التانيه
              اللي هما ال 20 لتر
              كان كل مره العربيه تعمل 280 كيلو
              المرادي عملت 180 كيلو
              شغال ف البنزينه و لا كلب حراميه و اول مره اجربها
              هيا ميزتها انها لسه جديده نوفي و التانكات و كده فتاخد منهم بنزين نضيف بس مبيعمرش و حاجه قرف
              http://www.facebook.com/home.php?sk=group_189600157746068&ap=1
              روووووبابكيا اي حاجه مستعمه (مش قديمه) للبيع
              شارك معانا

              Comment


              • #8
                معتقد هينفع لإن ده هيقلل ضغط البنزين فلازم طرمبة بنزين أكبر وبالذات مع الكربيراتير مش هيحس بنقص البنزين زي الإنجكشن
                [img3]http://img21.imageshack.us/img21/3957/28138510150332809507433.jpg[/img3]

                Comment


                • #9
                  المشاركة الأصلية كتبت بواسطة hm414 مشاهدة المشاركة
                  السلام عليكم ياشباب

                  طبعا انا معرفش ازاي بكتب موضوع وفايق قوي وانا لسا طالع من امتحان كان اشبه بالماراثون الكتابي استمر لمدة تلات ساعات متواصله واتسحبت مني الورقه وانا لسا مخلصتش
                  عادي جدا جدا


                  المهم

                  دلوقتي شفت كتير الايام اللي فاتت موضوع ان الناس العربية بتنتش منهم بالذات بعد تفويل بنزين (تراب بالبنزين) والعربية عندهم ابتدت تشتكي

                  طيب
                  انا بفكر لو ركبنا فلتر اضافي
                  ياترى ايه الاخبار؟؟
                  هل هيكون في تأثير على السحب؟؟؟

                  انا معتقدش هيكون في تأثير عالسحب الا في حالة اتسد واحد او اتنين منهم

                  طيب ايه الهدف من اننا نعمل كده؟
                  الهدف هوا حماية الكربيراتير بأكبر قدر بحيث متوصلوش حاجه من الزباله دي وتسده....


                  انا عندي استعداد لخوض التجربة لكن الموضوع بالنسبالي مش هقدر اعمله لان زي منتو عارفين انا في نص الامتحانا لكن انا باذن الله هعمله في اقرب وقت واجرب واشوف النتيجه....


                  ياترى حد جربها قبل كده؟؟؟

                  حد عنده استعداد يجرب؟؟؟


                  في انتظار تفاعلكم وياريت ناخد الموضوع بجد لانه لازم نجرب الموضوع ده.....


                  تحياتي
                  كيف الاحوال يادكتور الله معاك ويوفقك في امتحانك...... بخصوص فلتر البنزين أنا عامل كده مركب فلتر قبل الكربراتير والاخر في مكانه الطبيعي ناحية العجلة الخلفية شمال ناحية التنك وتقريبا مفيش اي مشكلة في السحب لو عايز اعملك الموضوع ده بعد لما تخلص امتحان نتقابل ونركبه سوا
                  [mshosh2]http://www7.0zz0.com/2013/05/08/17/903528565.jpg[/mshosh2]

                  Comment


                  • #10
                    ابو جنة
                    ايه ياعم لا سلام ولاكلام كدة برحتك هشتكيك لاجودي هههههههه
                    ازي عينى ينفع نركب فلتر اماامي او خلفى انا مش فاهم؟
                    LORD.ADEL

                    Comment


                    • #11
                      دعونا نضيف قليل من التفاصيل الميكانيكية للموضوع حتى تكتمل الصورة

                      ما هى رحلة البنزين من التانك وحتى غرفة الاحتراق؟

                      البنزين بيخرج من التانك بفعل سحب طلمبة البنزين ثم يمر على الفلتر ثم الطلمبة (احيانا يكون العكس بحسب تصميم السيارة) ثم يذذهب الى الكاربراتير، هنا يجب ان نلاحظ ان البنزين فى هذة الحالة لا يذهب الى بيكات الكاربراتير لكى يختلط بالهواء مباشرة وانما يذهب الى غرفة صغيرة فى الكاربراتير تسمى غرفة العوامة ، هى اشبه ما تكون بصندوق الطرد(السيفون) الموجود فى المنزل، بمعنى انها صندوق صغير فيه عوامة اعلاها صمام على شكل ابرة، حينما ترتفع العوامة بسبب امتلاء الغرفة بالبنزين تقوم الإبرة بسد مدخل الغرفة وتحويل البنزين القادم من الطرمبة الى خط العودة الى التانك مباشرة ، وهذة الغرفة لها وظيفتين، الوظيفة الأولى هى خلق buffer او فاصل بين ضغط الطلمبة وبين الضغط الذى يعمل عليه خانق الهواء، وذلك حتى لا تتأثر كمية الوقود اثناء الخلط بضغط الطلمبة فيما يمكن ان يربك اداء المحرك، ،الهدف الآخر هو توفير كمية من الوقود للمحرك فى الأوقات التى يكون فيها المنصرف من الطلمبة اقل من حاجة المحرك عند بداية تدوير المحرك(هنا نفهم لماذا يصعب تدوير السيارة لو نفذ الوقود منها بعد إعادة التفويل، نظرا لفراغ غرفة العوامة)،يعنى برضه نفس فكرة صندوق طرد الحمام، صندوق الطرد (ألسيفون)فى الحمام بيدينا ضغط ثابت لمياه التنظيف سواء مياه الحنفية ضعيفة او قوية،
                      طيب بعد ما استعرضنا شوية المعلومات دى، ايه فائدتها بالنسبة لموضوع الفلتر الاضافى، اللى انا عايز اوصل له ان اضافة فلترا اضافى للبنزين مش هيوثر على السحب، بنفس فكرة ان لما مية الحنفية تكون ضعيفة مش هتؤثر على قوة طرد المياه فى الحمام، لكن هيحط حمل اضافى على طلمبة البنزين (كانى مركب فلتر مية على خط مياه الحنفية) ، ومثلما ان لما المية تكون ضعيفة السيفون بياخد وقت اطول علشان يتملى ، برضه الحمل اللى احنا هنحطة على الطلمبة معناه ان غرفة العوماة هتاخد وقت اطول علشان تتملى، طيب هل هذة المسألة هتؤثر على اداء العربية بشكل ما، هنا خلونا نرجع للحمام تانى ونفكر، لو انا عندى مية الحمام قوية بحيث انها بتملا السيفون فى دقيقة واحدة ، واحد استعمل الحمام وبعدين استعمل السيفون، بعديه بدقيقة واحدة واحد تانى دخل استعمل الحمام وبعدين استعمل السيفون السيفون هيقوم بالتنظيف بقدرته الكاملة لأنه اتملا، لكن لو مية الحنفية ضعيفة ولا تكفل ملئ السيفون فى دقيقة ممكن الزبون التانى يضطر انه يستنى شوية علشان يقدر يستعمل السيفون
                      بنفس المنطق، لو احنا حطينا فلتر اضافى فيما سيضعف صرفية البنزين من الطلمبة الى عوامة الكاربراتير الى حد ما، لو العربية ماشية بشكل معتدل وصرفية قليلة فالمتوقع انه مش هتحصل مشاكل نظرا لكفاية المنصرف من البنزين لحاجة المحرك، لكن ممكن يحصل ان فى حالة تسارع فجائى ان صرفية البنزين من الطلمبة الى العوامة تكون اقل من الصرفية المطلوبة من العوامة الى المحرك وبالتالى الغرفة تفضى، وهنا تتوقف السيارة، ممكن تتوقف فى شكل نتشة وترجع تدور تانى لو الطربمة لحقت تعوض بسرعة اثناء تباطؤ السيارة، وممكن يحصل توقف تام يتطلب الانتظار واعادة تدوير السيارة، وهو نفس الشئ اللى بيحصل لما يكون فلتر البنزين مسدود تماما مما يضع حمل عالى على طرمبة البنزين ويقلل صرفيتها بشدة، فى احدى السيارات القديمة اللى كانت معايا كنت ابقى ماشى زى الفل وأول ما أوصل سرعة 100 أو فى مطلع جامد يحتاج لكبس البنزين الاقى العربية قطعت ووقفت، ودخت وراها لحد ما لقيت ان فلتر البنزين كان مسدود

                      طيب نسأل سؤال، لو احنا ركبنا فلتر اضافى، فين النقطة اللى عندها هتعجز طرمبة البنزين تحت حملها الاضافى عن سد حاجة المحرك، يعنى على سرعة كام او فى مطلع شكله ايه او كبسة بنزين شكلها ايه؟
                      الإجابة هى انه يؤسفنى انى معرفش، لأن فيه عوامل كتير هتؤثر على هذا، مدى قدرة طلمبة البنزين(معرفش) ، حالتها الحالية(معرفش) مدى مسامية الفلتر الجديد(معرفش) مدى انسداد الفلترين الجديد والقديم (معرفش) حجم غرفة العوامة(معرفش) ، والعديد من العوامل اللى برضه معرفهاش فيما ملخصه ان التجربة هى المحك الوحيد

                      نلخص المحاضرة الطويلة العريضة دى فى جملتين

                      تركيب فلتر اضافى يضعنا فى الموقف الآتى:

                      1- حمل اضافى على طرمبة البنزين مما يقصر من عمرها الى حد ما
                      2- احتمالية التعرض للنتشة لو كانت صرفية الطرمبة فى ظروف بعينها لا تغطى الصرفية المطلوبة للحمل فى هذة الظروف، وهى احتمالية لا يمكن اتلحقق منها سوى بالتجربة
                      3- ليس لاضافة الفلتر تأثير على السحب نظرا لما اوضحناه من وجود غرفة العوامة فى طريق البنزين
                      [SIZE=5][COLOR=navy]سبعاوى[/COLOR][/SIZE]
                      _______________________________________________

                      Comment


                      • #12
                        سلم يمينك والله ع المعلومات دي والملخص اللى بعدها جزاك الله الف خير
                        وسؤال لحضرتك
                        طلبنا كلنا من حضرتك انك تقابل ونناقش مواضبع عن العربيه ككال ع حداا
                        وقبل كل شي ان نتشرف بمعرفه حضرتك اولا واخيراا لانك شخصياا محترما ونحن جميعا نكن لك كل احترام وتقدير
                        وصدقنى مش هتقل ع حضرتك اكتر من كدة بخصوص مقابله....؟
                        اسف للاطال واتنمنى ان تتقبل رد بصدر رحب تحياتى..عادل
                        LORD.ADEL

                        Comment


                        • #13
                          انا اتشرف بالطبع بمقابلة الجميع، فقط هستسمحكم حتى نهاية الشهر نظرا لارتباطى ببعض المهام العائلية فى الكام نهاية اسبوع القادمة وممكن نتفق على مقابلة فى اى جمعة الشهر القادم باذن الله تعالى
                          [SIZE=5][COLOR=navy]سبعاوى[/COLOR][/SIZE]
                          _______________________________________________

                          Comment


                          • #14
                            المشاركة الأصلية كتبت بواسطة sab3aawy مشاهدة المشاركة
                            انا اتشرف بالطبع بمقابلة الجميع، فقط هستسمحكم حتى نهاية الشهر نظرا لارتباطى ببعض المهام العائلية فى الكام نهاية اسبوع القادمة وممكن نتفق على مقابلة فى اى جمعة الشهر القادم باذن الله تعالى
                            ياهندسة حضرتك لك متاح لك تحديد المكان والزمان اللى يناسب حضرتك وباذن الله نتفق ونتجمع باذن الله تعالي
                            ويكون الاتفاق ع كل شي بموضوع لوحدة وبجد اسعدنى ردك واكيد الكل هنا هيسعد بكدة باذن الله تعالي
                            سوف افتح موضوع بخصوص مقابله دي بس سنه جايه ههههههههههه كل عام وانتم بخير
                            يعنى فى شهر واحد باذن الله اذا حياناا وحياكم ربنا باذن الله تعالي
                            وشكر لك يا بشمهندس ع سعه صدرك وقبولك طلبنا وتحياتى.....
                            LORD.ADEL

                            Comment


                            • #15
                              المشاركة الأصلية كتبت بواسطة sab3aawy مشاهدة المشاركة
                              دعونا نضيف قليل من التفاصيل الميكانيكية للموضوع حتى تكتمل الصورة

                              ما هى رحلة البنزين من التانك وحتى غرفة الاحتراق؟

                              البنزين بيخرج من التانك بفعل سحب طلمبة البنزين ثم يمر على الفلتر ثم الطلمبة (احيانا يكون العكس بحسب تصميم السيارة) ثم يذذهب الى الكاربراتير، هنا يجب ان نلاحظ ان البنزين فى هذة الحالة لا يذهب الى بيكات الكاربراتير لكى يختلط بالهواء مباشرة وانما يذهب الى غرفة صغيرة فى الكاربراتير تسمى غرفة العوامة ، هى اشبه ما تكون بصندوق الطرد(السيفون) الموجود فى المنزل، بمعنى انها صندوق صغير فيه عوامة اعلاها صمام على شكل ابرة، حينما ترتفع العوامة بسبب امتلاء الغرفة بالبنزين تقوم الإبرة بسد مدخل الغرفة وتحويل البنزين القادم من الطرمبة الى خط العودة الى التانك مباشرة ، وهذة الغرفة لها وظيفتين، الوظيفة الأولى هى خلق buffer او فاصل بين ضغط الطلمبة وبين الضغط الذى يعمل عليه خانق الهواء، وذلك حتى لا تتأثر كمية الوقود اثناء الخلط بضغط الطلمبة فيما يمكن ان يربك اداء المحرك، ،الهدف الآخر هو توفير كمية من الوقود للمحرك فى الأوقات التى يكون فيها المنصرف من الطلمبة اقل من حاجة المحرك عند بداية تدوير المحرك(هنا نفهم لماذا يصعب تدوير السيارة لو نفذ الوقود منها بعد إعادة التفويل، نظرا لفراغ غرفة العوامة)،يعنى برضه نفس فكرة صندوق طرد الحمام، صندوق الطرد (ألسيفون)فى الحمام بيدينا ضغط ثابت لمياه التنظيف سواء مياه الحنفية ضعيفة او قوية،
                              طيب بعد ما استعرضنا شوية المعلومات دى، ايه فائدتها بالنسبة لموضوع الفلتر الاضافى، اللى انا عايز اوصل له ان اضافة فلترا اضافى للبنزين مش هيوثر على السحب، بنفس فكرة ان لما مية الحنفية تكون ضعيفة مش هتؤثر على قوة طرد المياه فى الحمام، لكن هيحط حمل اضافى على طلمبة البنزين (كانى مركب فلتر مية على خط مياه الحنفية) ، ومثلما ان لما المية تكون ضعيفة السيفون بياخد وقت اطول علشان يتملى ، برضه الحمل اللى احنا هنحطة على الطلمبة معناه ان غرفة العوماة هتاخد وقت اطول علشان تتملى، طيب هل هذة المسألة هتؤثر على اداء العربية بشكل ما، هنا خلونا نرجع للحمام تانى ونفكر، لو انا عندى مية الحمام قوية بحيث انها بتملا السيفون فى دقيقة واحدة ، واحد استعمل الحمام وبعدين استعمل السيفون، بعديه بدقيقة واحدة واحد تانى دخل استعمل الحمام وبعدين استعمل السيفون السيفون هيقوم بالتنظيف بقدرته الكاملة لأنه اتملا، لكن لو مية الحنفية ضعيفة ولا تكفل ملئ السيفون فى دقيقة ممكن الزبون التانى يضطر انه يستنى شوية علشان يقدر يستعمل السيفون
                              بنفس المنطق، لو احنا حطينا فلتر اضافى فيما سيضعف صرفية البنزين من الطلمبة الى عوامة الكاربراتير الى حد ما، لو العربية ماشية بشكل معتدل وصرفية قليلة فالمتوقع انه مش هتحصل مشاكل نظرا لكفاية المنصرف من البنزين لحاجة المحرك، لكن ممكن يحصل ان فى حالة تسارع فجائى ان صرفية البنزين من الطلمبة الى العوامة تكون اقل من الصرفية المطلوبة من العوامة الى المحرك وبالتالى الغرفة تفضى، وهنا تتوقف السيارة، ممكن تتوقف فى شكل نتشة وترجع تدور تانى لو الطربمة لحقت تعوض بسرعة اثناء تباطؤ السيارة، وممكن يحصل توقف تام يتطلب الانتظار واعادة تدوير السيارة، وهو نفس الشئ اللى بيحصل لما يكون فلتر البنزين مسدود تماما مما يضع حمل عالى على طرمبة البنزين ويقلل صرفيتها بشدة، فى احدى السيارات القديمة اللى كانت معايا كنت ابقى ماشى زى الفل وأول ما أوصل سرعة 100 أو فى مطلع جامد يحتاج لكبس البنزين الاقى العربية قطعت ووقفت، ودخت وراها لحد ما لقيت ان فلتر البنزين كان مسدود

                              طيب نسأل سؤال، لو احنا ركبنا فلتر اضافى، فين النقطة اللى عندها هتعجز طرمبة البنزين تحت حملها الاضافى عن سد حاجة المحرك، يعنى على سرعة كام او فى مطلع شكله ايه او كبسة بنزين شكلها ايه؟
                              الإجابة هى انه يؤسفنى انى معرفش، لأن فيه عوامل كتير هتؤثر على هذا، مدى قدرة طلمبة البنزين(معرفش) ، حالتها الحالية(معرفش) مدى مسامية الفلتر الجديد(معرفش) مدى انسداد الفلترين الجديد والقديم (معرفش) حجم غرفة العوامة(معرفش) ، والعديد من العوامل اللى برضه معرفهاش فيما ملخصه ان التجربة هى المحك الوحيد

                              نلخص المحاضرة الطويلة العريضة دى فى جملتين

                              تركيب فلتر اضافى يضعنا فى الموقف الآتى:

                              1- حمل اضافى على طرمبة البنزين مما يقصر من عمرها الى حد ما
                              2- احتمالية التعرض للنتشة لو كانت صرفية الطرمبة فى ظروف بعينها لا تغطى الصرفية المطلوبة للحمل فى هذة الظروف، وهى احتمالية لا يمكن اتلحقق منها سوى بالتجربة
                              3- ليس لاضافة الفلتر تأثير على السحب نظرا لما اوضحناه من وجود غرفة العوامة فى طريق البنزين
                              حبك يا هندسة وانتا مظبطنا كده
                              كلامك كله جميل
                              بس على اللي فهمته انه برضه التجربه خير برهان

                              وليا وجهة نظر
                              بالاحرى تساؤل
                              هوا ايه الهدف من وجود الفلتر التاني؟؟

                              انا جه فبالي ان انواع الفلاتر الحالية غير مضمونه
                              وانا زيادة حماية للكربيراتير بقول لو اتحط فلتر تاني قبله ومرئي للعين ده نظريا ممكن نقول انه هيعيق البنزين
                              لكن عمليا المفروض انه اساسا متوصلوش وساخه لان الفلتر الاولاني يعمل بكفاءه

                              وبالتالي المفروض انه ميعيقش اي حاجه في خط البنزين
                              وفنفس الوقت هيبقى مقياس مرئي لحالة البنزين لانه في الحاله دي هيكون قبل الكربيراتير يعني تحت عينينا ومش هيتطلب اننا نفك الفلتر من مكانه عند العجل
                              بمجرد نظره لو لقينا الفلتر ده فيه وساخات ده معناه حاجتين
                              ان تنك البنزين مليان وساخه
                              والتانيه ان الفلتر الاولاني بدأ يفقد وظيفته وبالتالي التاني شال شويه وده مؤشر سريع يتطلب تغيير الفلتر الخلفي

                              ياريت كلامي يكون وصل انا بكتب بسرعه لان امتحاني بكره والله المستعان

                              اما في حالة ان الفلتر مفهوش وساخه تسده فأعتقد انه هيكون زيه زي اي ماسوره ماشي فيها البنزين ولا يؤثر على السحب...


                              المشاركة الأصلية كتبت بواسطة sab3aawy مشاهدة المشاركة
                              انا اتشرف بالطبع بمقابلة الجميع، فقط هستسمحكم حتى نهاية الشهر نظرا لارتباطى ببعض المهام العائلية فى الكام نهاية اسبوع القادمة وممكن نتفق على مقابلة فى اى جمعة الشهر القادم باذن الله تعالى
                              طيب حيث كده انا معاااااااااااااااكم قلبا وقالبا حتى لو صابح عندي امتحان اجي اشوفكم وامشي والله المستعان بس حددوها من قبلها عشان ابقى فعلا مفرغ الوقت ده....
                              وطبعا لينا الشرف اننا نتعرف ونتشرف بحضرتك يابشهمندس وبالمره نشوف بقيت الشعب حبايبنا الماروتيين...


                              المشاركة الأصلية كتبت بواسطة lord.adel مشاهدة المشاركة
                              ياهندسة حضرتك لك متاح لك تحديد المكان والزمان اللى يناسب حضرتك وباذن الله نتفق ونتجمع باذن الله تعالي
                              ويكون الاتفاق ع كل شي بموضوع لوحدة وبجد اسعدنى ردك واكيد الكل هنا هيسعد بكدة باذن الله تعالي
                              سوف افتح موضوع بخصوص مقابله دي بس سنه جايه ههههههههههه كل عام وانتم بخير
                              يعنى فى شهر واحد باذن الله اذا حياناا وحياكم ربنا باذن الله تعالي
                              وشكر لك يا بشمهندس ع سعه صدرك وقبولك طلبنا وتحياتى.....:10d5c8w1107:
                              لورد والله هتبقى مناسبه جدا ووالله اغير جو الامتحانات الزباله ده واشوفكم وانا معاكم في المكان اللي تحددوه بحول الله

                              تحياتي
                              don't judge a car unless you have driven it

                              hm414 سابقا

                              Comment

                              Working...
                              X