زميل جديد

[shshmoh]

صباح الفل يا رجالة
سمعت عن التوكيل ان التعامل معاه متعب
فلو ممكن حد يدلنى على مركز خدمه او ميكانيكى كويس فى مدينة نصر
لان انا مشناوى اروح اى صيانات عند الوكيل بعد الكلام السمعتة
و الف شكر للمعلومات القيمة و التى اعتمدت عليها بشكل كبير فى الاختيار

[shshmoh]

محدش فى مدينة نصر خالص
ايه الحلاوه ده

[abogogo]

محدش فى مدينة نصر خالص
ايه الحلاوه ده

هههههه كده إدامك حل من اتنين ياتعزل ... ياتغير العربيه .... واضح انك من التجمع ممكن تركب الدائري وتنزل الحرافيين هتلاقي عشروميت ميكانيكي وخلافه على بتوع قطع غيار جديد ومستعمل ..... هو حضرتك معاك لوجان ولا سوزوكي ؟؟؟!!!

[shshmoh]

هههههه كده إدامك حل من اتنين ياتعزل ... ياتغير العربيه .... واضح انك من التجمع ممكن تركب الدائري وتنزل الحرافيين هتلاقي عشروميت ميكانيكي وخلافه على بتوع قطع غيار جديد ومستعمل ..... هو حضرتك معاك لوجان ولا سوزوكي ؟؟؟!!!

معايا لوجان و الماروتى جبتها للبيت و اللف فى التجمع طول الليل ببلاش

[abogogo]

معايا لوجان و الماروتى جبتها للبيت و اللف فى التجمع طول الليل ببلاش

شوف مساكن الزلزال فيه هناك حتة فيها ورش ميكانيكا وكهربائي سيارات وفي بتاع قطع غيار هناك انا كنت في التجمع الخامس قبل كده ورحت المنطقة دي عشان اظبط حاجة في عربية واحد صاحبي جولف2 عطلت مني هناك بس مش فاكر اسم الميكانيكي بس كان في كذا واحد هناك وكان في بتاع قطع غيار اشتريت منه فلتر بنزين

[shshmoh]

شوف مساكن الزلزال فيه هناك حتة فيها ورش ميكانيكا وكهربائي سيارات وفي بتاع قطع غيار هناك انا كنت في التجمع الخامس قبل كده ورحت المنطقة دي عشان اظبط حاجة في عربية واحد صاحبي جولف2 عطلت مني هناك بس مش فاكر اسم الميكانيكي بس كان في كذا واحد هناك وكان في بتاع قطع غيار اشتريت منه فلتر بنزين

شكرا على المعلومه و ربنا يباركلك

[dr.hazem]

للمعلومية فقط
مهما كان التوكيل سئ انا اكتشفت انه محدش بيظبطها زيه


اغلب الناس اللي هنا كانت شكواهم من المعامله او من حاجات ثانويه
انما العربيات بتطلع من عندهم زي الفبريكا
وده احنا مش عارفين نوصله خارج التوكيل

يعيب التوكيل غلو اسعاره فقط
فلو معاك القدره المادية انك تعملها في التوكيل اعملها وانتا بتدخلها على الصيانه قول استودعك اللهم سيارتي فاحفظها ومتقلقش هترجعلك متظبطه عالآخر


تحياتي

[hamaza81]

للمعلومية فقط
مهما كان التوكيل سئ انا اكتشفت انه محدش بيظبطها زيه


اغلب الناس اللي هنا كانت شكواهم من المعامله او من حاجات ثانويه
انما العربيات بتطلع من عندهم زي الفبريكا
وده احنا مش عارفين نوصله خارج التوكيل

يعيب التوكيل غلو اسعاره فقط
فلو معاك القدره المادية انك تعملها في التوكيل اعملها وانتا بتدخلها على الصيانه قول استودعك اللهم سيارتي فاحفظها ومتقلقش هترجعلك متظبطه عالآخر


تحياتي

وانا برضه أؤيد كلام الدكتور حازم
فعلا التوكيل بيظبط العربية غير اي حد تاني
ودي كلمة حق لازم نقولها عشان في ناس كتير اخدت فكرة سيئة عن التوكيل

[shshmoh]

طيب الف شكر على النصيحه بس فى حد جرب التوكيل ال فى طريق السندباد ده
و هل يوجد امكانيه انى اكون مع العربيه فى وقت الصيانه علشان انا من النوع المبيحبش يسيب عربيته لحد
و الف شكر للمساعده و النصيحة

[dr.hazem]

طيب الف شكر على النصيحه بس فى حد جرب التوكيل ال فى طريق السندباد ده
و هل يوجد امكانيه انى اكون مع العربيه فى وقت الصيانه علشان انا من النوع المبيحبش يسيب عربيته لحد
و الف شكر للمساعده و النصيحة

اغلب الناس هنا نصحتني بفرع المساحه اللي في الدقي
وبرضو كذا واحد راح لفرع الهايكستب بس بيقولو ان المعامله فيه مش قد كده وانهم بيهتموا فيه بالنيسان اكتر

معرفش ينفع تقف على ايديهم ولا لأ


تحياتي

[sab3aawy]

انا مختلف مع اللى بيقول ان التوكيل مشكلته غلاء السعر فقط، المرة الوحدية اللى وديت العربية التوكيل خرجتى كهربتها عالية(الادفانس متقدم زيادة) والسلانسية عالى ، والعفشة متربتطش نهائيا ووشكوى ان عصاية الفتيس كانت مش بتجيب الغيارات بسهولة متعملش فيها اى حاجة(ظهر لاحقا ان كل الحكاية ان عصاية الفتيس محتاجة تتربط كويس مطرحها) ، وخدو مبلغ محترم والإسم صيانة وكل ما تم بشان العربية هو تغيير زيت وفلتر وإلقاء العربية فى الشارع علشان خاطر اللى راكبين نيسان،مع العلم ان كل هذة المشاكل اخدت منى اقل من ساعة شغل علشان تتظبط بعد ما لقيت انه ما حك جلدك مثل ظفرك، يعنى الموضوع مش موضوع عبقرية او اختراعات او هى العربية نظامها كدة، لا الموضوع ان التوكيل مش بس غالى لكن معاملتهم غير أمينة ومستهترة

[dr.hazem]

انا مختلف مع اللى بيقول ان التوكيل مشكلته غلاء السعر فقط، المرة الوحدية اللى وديت العربية التوكيل خرجتى كهربتها عالية(الادفانس متقدم زيادة) والسلانسية عالى ، والعفشة متربتطش نهائيا ووشكوى ان عصاية الفتيس كانت مش بتجيب الغيارات بسهولة متعملش فيها اى حاجة(ظهر لاحقا ان كل الحكاية ان عصاية الفتيس محتاجة تتربط كويس مطرحها) ، وخدو مبلغ محترم والإسم صيانة وكل ما تم بشان العربية هو تغيير زيت وفلتر وإلقاء العربية فى الشارع علشان خاطر اللى راكبين نيسان،مع العلم ان كل هذة المشاكل اخدت منى اقل من ساعة شغل علشان تتظبط بعد ما لقيت انه ما حك جلدك مثل ظفرك، يعنى الموضوع مش موضوع عبقرية او اختراعات او هى العربية نظامها كدة، لا الموضوع ان التوكيل مش بس غالى لكن معاملتهم غير أمينة ومستهترة

يا بشمهندس خالد مش مهم الحوار ده دلوقتي
هنعمل مقابله وعايزينك معانا
نقول الجمعه دي ولا اللي بعدها؟؟؟؟

عايزين كلام جدي
ولو في تقل عليك ابعتلي رقمك عالخاص للتواصل مع حضرتك لو حصل اتفاق على مقابله
ومتقلقش لن تتلقى مني معاكسات آخر الليل
ههههههههههههههههههههههههههههه


تحياتي

اخوك الصغير حازم

[shshmoh]

فى كمان مجموعه ورش فى السابع خلف ابو رامى انا شفتهم بس متعملتش مع حد منهم لسا و بحاول اعرف حد هناك و ده للافاده لاى زميل ساكن فى التجمع و شكرا على المشاركه و المساعده و بارك الله فيكم