نصيحه بعدم التعامل مع توكيل مودرن موتورز الهايكستب

[amlolo]

نصيحه بعدم التعامل مع توكيل مودرن موتورز الهايكستب
بعد تعاملي النتكرر مع توكيل مودرن موتورز الهايكستب اثبت انه توكيل فاشل وكل مايقوم به في عملية الصيانه هو انه يقوم بوضع كيس على كرسي السائق كأنه يقوم بعمل عمل عظيم

لكن لا يقوم بأي شيء حتى مراجعة السوائل للبطاريه او الردياتير لايقوم به حتي اني كدت افقد البطاريه لانها بددون ماء رغم انه قد تم عمل الصيانه الخاصه (30000) لها

واخر شيء كنت محتاج تغير زر الالزجاج الأمامي لسيارتي التو 2008 الا انه غير موجود وسوف يتصلو بي وهذا الكلام من قبل العيد وانا على ثقه بأن هذا التوكيل الذي قررت عدم التعامل معه نهائيا لانه يحصل على مال بدون اي خدمه وعندما سألت عرفت انه لبد ان يكون لي وسطه حتي يتم عمل صيانه والا انه تضيع وقت ومال فقط

اللهم قد بلغت اللهم فشهد

[dr.hazem]

ياباشا مجربتش ليه تكنو وان اللي في الحرفيين؟؟؟

عموما من كتر ما سمعنا التوكيل خلاص فقد قيمته

حضرتك هتلاقي الزرار غالبا في شارع احمد حلمي عند كل محلات السوزوكي هناك
تحياتي

[gad_fcis]

بص هو مش وحش أوي يعني ، أنا لسة عامل صيانة ال-60 ألف من يومين و هقول رأيي من ناحيت العيوب و الملاحظات خلال السنتين اللي فاتو :


العيوب :

1- عندي مكنة الإزاز بتاعت السواق كانت باظت و بقت تعمل صوت لما أجي أرفع الإزاز للأخر و قلتلهم عليها قللي ده عايزة تتغير و مش موجودة، رحت صلحتهة عند واحد في الحي السابع و الحمدلله الدنيا مشيت
2-مكنة الإزاز اليمين عملت نفس الحركة و صلحتهة عند نفس الراجل
3-الفوانيس اللي قدام كانو كل شوية يعلقه و يطفوه و حبة واحد يشتغل و التاني لأ و أوقات الاتنين ، قلتلهم عليها قللي اللمبات عايزة تتغير قلتلهم لو اللمبة فيها حاجة يبقى هتفصل على طول مش هتشتغل شوية و تفصل شوية، قللي لء العيب من اللمبات ، المهم رحت عند واحد كهربائي عند الوفاء و الأمل و طلع إن فيش إل فوانيس سايحة و هي إل سبب، غيرتهم و الحمدلله ماشي الحل
4-في صيانة ال-40000 و ال-60000 المفروض إنه بيربط العفشة و يشحم و كدا ، و في الصيانةٍ عمل رجلاش للهاند و العجل إلي ورى تحس إنه قفش و رحت للمكانيكي عشان يريحهموي طلع عينه عشان يعرف يفك el-طنبورة

5- المفروض اني أغير البجهات في صيانة ال-60000 بكم يعم؟ 120 جنيه دة طبعن بالإضافة ل-10% ضربة معبعات يعني 132 جنيه ، و للعلم هما 3 بوجه ، رحت جبتيهم من برة NGK الأربعة ب-90 جنيه




المميزات :
1- حصل إن كان فيه كوبلين شمال فيه مشكلة غيره في الضمان
2-بيلت العاجل شمال قدام كانت خشنة و غيرها في الضمان
3-مكنة حزام الأمان بتاعت السواق كانت رخت و الحزام مكنش بيرجع و هما عملوها


أنا بفكر اني معملش صيانة تاني في التوكيل عشان بصراحة المصنعية بقت كتير أوي و كمان كدا كدا قطع الغيار عندهم غالية موت يعني مثلاً تيل الفرمل ب-325 جنيه أنا بجبه من برة مرة ب-120 و مرة ب-80

[zalpany2000]

بعد تجربة العيش كمواطن محترم مع توكيل مودرن موتورز أأكد كلامك يا amlolo

انا حكاياتي معاهم تملا كتب يعني :))

فعلا بلاش صيانة التوكيل .. خصوصا ان الماروتي والالتو (يفترض) انهم عربيات اقتصادية ، وهما مش فاهمين ده للاسف في اسعار المصنعية وقطع الغيار المبالغ فيها

يا فندم ده انا مرة رحت التوكيل بمشكلة في الفرامل .. وده ابورواش يعني المركز الرئيسي... وقعدت العربية لحد الساعة 5 وبعدين لاقيت مهندس الاستقبال بيقولي معلش بقي مش هانعملها النهارده حضرتك مافيش عندنا الطنابير بتاعة الالتو :)))

ومشيت بالعربية علي الصحراوي من غير فراااامل وانا راجع من التوكيل

أأويد رأيك بكامل طاقاتي

تحياتي

[ehab_11_22]

نفسى أعرف فين جهاز حماية المستهلك

والله حاجة تجنن

يعنى الواحد لو فكر يشترى عربية جديدة عشان يبقى فى الضمان ويريح دامغووو

بردو دماغو مش هترتاح ...

حسبى الله ونعم الوكيل

[M.A.EL-SATAR]

بص هو مش وحش أوي يعني ، أنا لسة عامل صيانة ال-60 ألف من يومين و هقول رأيي من ناحيت العيوب و الملاحظات خلال السنتين اللي فاتو :


العيوب :

1- عندي مكنة الإزاز بتاعت السواق كانت باظت و بقت تعمل صوت لما أجي أرفع الإزاز للأخر و قلتلهم عليها قللي ده عايزة تتغير و مش موجودة، رحت صلحتهة عند واحد في الحي السابع و الحمدلله الدنيا مشيت
2-مكنة الإزاز اليمين عملت نفس الحركة و صلحتهة عند نفس الراجل
3-الفوانيس اللي قدام كانو كل شوية يعلقه و يطفوه و حبة واحد يشتغل و التاني لأ و أوقات الاتنين ، قلتلهم عليها قللي اللمبات عايزة تتغير قلتلهم لو اللمبة فيها حاجة يبقى هتفصل على طول مش هتشتغل شوية و تفصل شوية، قللي لء العيب من اللمبات ، المهم رحت عند واحد كهربائي عند الوفاء و الأمل و طلع إن فيش إل فوانيس سايحة و هي إل سبب، غيرتهم و الحمدلله ماشي الحل
4-في صيانة ال-40000 و ال-60000 المفروض إنه بيربط العفشة و يشحم و كدا ، و في الصيانةٍ عمل رجلاش للهاند و العجل إلي ورى تحس إنه قفش و رحت للمكانيكي عشان يريحهموي طلع عينه عشان يعرف يفك el-طنبورة

5- المفروض اني أغير البجهات في صيانة ال-60000 بكم يعم؟ 120 جنيه دة طبعن بالإضافة ل-10% ضربة معبعات يعني 132 جنيه ، و للعلم هما 3 بوجه ، رحت جبتيهم من برة ngk الأربعة ب-90 جنيه




المميزات :
1- حصل إن كان فيه كوبلين شمال فيه مشكلة غيره في الضمان
2-بيلت العاجل شمال قدام كانت خشنة و غيرها في الضمان
3-مكنة حزام الأمان بتاعت السواق كانت رخت و الحزام مكنش بيرجع و هما عملوها


أنا بفكر اني معملش صيانة تاني في التوكيل عشان بصراحة المصنعية بقت كتير أوي و كمان كدا كدا قطع الغيار عندهم غالية موت يعني مثلاً تيل الفرمل ب-325 جنيه أنا بجبه من برة مرة ب-120 و مرة ب-80

لو سمحت ياباشا انت كان عندك مكنة الازاز مش بتفصل لما توصل للاخر وبتعمل صوت طرقعة كدة
اصل انا عندي المشكلة دي لوسمحت فين عنوان الراجل دة بالضبط

[gad_fcis]

أنا أسف جداً على التأخير


الراجل في الحي السابع، إدخل من عند أبو رامي و امشي شوية هتلاقي الطريق بيلف بيك و على يمينك جامع، هو جانب الجامع على طول

[amlolo]

ياباشا مجربتش ليه تكنو وان اللي في الحرفيين؟؟؟

عموما من كتر ما سمعنا التوكيل خلاص فقد قيمته

حضرتك هتلاقي الزرار غالبا في شارع احمد حلمي عند كل محلات السوزوكي هناك
تحياتي

شكرا على النصيحه بس هو تكنو ون ده مركز صيانه ولا ورشه واسعارها اخبارها ايه؟؟؟

تقريبا زر الزجاج سعره كام؟؟

[M.A.EL-SATAR]

أنا أسف جداً على التأخير


الراجل في الحي السابع، إدخل من عند أبو رامي و امشي شوية هتلاقي الطريق بيلف بيك و على يمينك جامع، هو جانب الجامع على طول

يا باشا العفو مش محتاجة اسف خالص - ومتكشر على اهتمامك ادعليلي افضى وارحلوا وهبقي اقولكم على اللي حصل ان شاء الله

شكرا جدا جدا

[amlolo]

مش حتصدقو اد ايه بتوع الصيانه دول في الطراوه لان الزرار بتاع الزجاج الى قالو عليه في التوكيل لازم يتغير سبحان الله والحمد لله رجع اشتغل تاني كأنه حب يثبت ان التوكيل عايز يغرم الناس فلوس وخلاص يلا حسبنا الله ونعم الوكيل

[Amr Axel]

فعلا مودرن موتورز الهايكستيب
معاملته سيئة جداااا مع مالكي السوزوكي
و معاملته فوق الممتازة مع مالكي النيسان صني
اتمني يكون في توكيل غيره لينا يكون افضل

[tiger451]

فعلا التوكيل ده اخر مغالاه في الاسعار
الميزه بس لو انت في الضمان بيغيروا الحاجه لو ياظت
غير كده ملوش لازمه

[amlolo]

حاجه زي ايه الي ممكن يغيروها دا الفتيس بيجيب ورا بصعوبه من اول 1000 كيلو ومفيش فايده كل مره يعلو الدبرياج وخلاص والى الان المشكله موجوده