زيت راشح فوق الماتور وعمة فلتر الهوا

[meromero]

يا جماعه انا تعبت من العربيه هي ماروتي 2009 وكل الى عاملها 16500 يعني مش ماشيه كتير ولسه مغير زيت مكملكش الف كيلو ولقيتها مرشحه زيت فوق الماتور ناس قالولي طقم شنبر يعني نص عمره معقوله يعني مكملتش سنتين والماتور يطير مع ان الزيت بغيره فى مواعيده ويمكن قبلها

[hamaza81]

مابقتنعش ان في عربية موديل حديث تعمل حاجة كبيرة زي كدة

شوف الأول مستوى الزيت هل هو أعلى من الماكس.

[micromoud]

انت بتقرص عليها؟

[mesaharaty]

متابع علشان نعرف الحل

[meromero]

مابقتنعش ان في عربية موديل حديث تعمل حاجة كبيرة زي كدة

شوف الأول مستوى الزيت هل هو أعلى من الماكس.

بص هو لما غيرته اه كان اعلي من الماكس لان الراجل حاطلي 3لتر بالفلتر يعني كان في ربع زياده

انت بتقرص عليها؟

والله ما بقرص عليها ده انا بعاملها زي اختي الصغيره

[dr.hazem]

بص هو لما غيرته اه كان اعلي من الماكس لان الراجل حاطلي 3لتر بالفلتر يعني كان في ربع زياده



والله ما بقرص عليها ده انا بعاملها زي اختي الصغيره

ضرتك جاوبت نفسك

شئ طبيعي ان العربية لو خدت زيت اكتر انه يرشح بالسكل اللي وصفته ده
واسمحلي اللي قالك شنبر على عربيتك ده بيفتي
هوا في عربية جديده تعمل كده؟؟؟

ولو عايز تتأكد
هل مية الرديتر بتنقص كتير اليومين دول؟
هل الميه في القربه لونها اخضر طبيعي ولا عامله زي متكون طحينه؟

لو كله تمام والعربية سحبها كويس يبقى هوا الزيت الزياده رشح مش اكتر
خصوصا لو كان فيسكو 2000 لانه بيرشح كده حتى لو الليفيل بتاعه طبيعي فمابالك لو زياده
ومتكررش تاني انك تمشي بالعربية لو في زياده عالمقياس اكتر من 2 مليمتر وابقى خلي العامل يسحب الزياده دي لانه غلط.....


لا تقلق ياعزيزي

حصلت معايا قبل كده بسبب العامل وجهله والحمد لله عدت على خير
تحياتي

[micromoud]

حصل برضه معايا من العامل بتاع بنزينة موبيل كذا مره يحط زيت بزيادة لغاية كل مره ما بقيت بقف فوق دماغه وهو بيحط الزيت واخليه يورينى مؤشر الزيت

[LORD.ADeL]

عربيه بتاخد 3 لتر الا او 2.5 ولازم تشوف مقياس زيت يكون ع مكس بالضبط او تحته بالملي واحد؟
موبيل مكنش بيجب زيت كتير لاكن فسيكو لما حطيتتو كان بيجب زيت كتير للاسف علشان بااشاا حط لي 3لتر برضوو ويمككن اكتر
ياعم دا مكنش عارف يفك الفلتر ويركب تانى ههههههههه

[meromero]

اه هو فيسكو الحمد لله طمنتوني
طب سؤال بقي لقيت مياه خضرا تركيزها 22% دي كويسه ولا اجيب اقل وعايز اغير المياه الى فى القربه ينفع انا ولا لازم متخصص

[dr.hazem]

اه هو فيسكو الحمد لله طمنتوني
طب سؤال بقي لقيت مياه خضرا تركيزها 22% دي كويسه ولا اجيب اقل وعايز اغير المياه الى فى القربه ينفع انا ولا لازم متخصص

لميه الخضرا انتا مش محتاج تغيرها الا بعد 40 ألف كيلو
لسا ياعزيزي والموضوع مش صعب لكن انتا مش محتاجه
بالنسبه للتركيز
انا انصحك بتركيز 10 % لان التركيز العالي والله اعلم سمعت انه بيبوظ المواسير فهوا مش ميزة

وفعلا ابن خالتي كان حط تركيز 40 % وفعلا المواسير اتشققت فده اكدلي الروايه
عموما ال 20% مش كتير قوي لكن انا عن نفسي بحط 10% فقط.....




تحياتي

[meromero]

لميه الخضرا انتا مش محتاج تغيرها الا بعد 40 ألف كيلو
لسا ياعزيزي والموضوع مش صعب لكن انتا مش محتاجه
بالنسبه للتركيز
انا انصحك بتركيز 10 % لان التركيز العالي والله اعلم سمعت انه بيبوظ المواسير فهوا مش ميزة

وفعلا ابن خالتي كان حط تركيز 40 % وفعلا المواسير اتشققت فده اكدلي الروايه
عموما ال 20% مش كتير قوي لكن انا عن نفسي بحط 10% فقط.....




تحياتي

تسلم يا باشا علي تعبك معانا وربنا ينجحك وتروح سنة الامتياز بره من غير ما تبيع العربيه

[omr513]

لكل الماروتية تحييييييييييييييييييييييييييياتى القلبية
انا رخصت الماروتى النهاردة وعاوز اركب زجاج كهربا الرجاء الافادة



سبحانك اللهم وبحمدك ، أشهد أن لا إله إلا أنت أستغفرك وأتوب إليك

[aymanay32]

لكل الماروتية تحييييييييييييييييييييييييييياتى القلبية
انا رخصت الماروتى النهاردة وعاوز اركب زجاج كهربا الرجاء الافادة



سبحانك اللهم وبحمدك ، أشهد أن لا إله إلا أنت أستغفرك وأتوب إليك

روخ التوفيقية شارع زكى اوله من رمسيس و اسال عن عادل الكهربائى بتاع مكن الزجاج الكهرباء

[josephn]

يا جماعه انا تعبت من العربيه هي ماروتي 2009 وكل الى عاملها 16500 يعني مش ماشيه كتير ولسه مغير زيت مكملكش الف كيلو ولقيتها مرشحه زيت فوق الماتور ناس قالولي طقم شنبر يعني نص عمره معقوله يعني مكملتش سنتين والماتور يطير مع ان الزيت بغيره فى مواعيده ويمكن قبلها

أنا كان عندى الموضوع ده بيظهر بس تحت المسمار الآسود اليمين الى فوق الماتور و كمان من على الشمال تحت المقياس وناس كتير خوفتنى رغم أنى بحت زيت موبيل xhp بس أنا أفتكست و قلت أجرب حاجة قمت بتربيط المسمار ده من فوق شوية فقرص على الكاوتش التى بينه وبين الماتور فمنع تسريب الزيت من فوق بس مش عارف أعمل أيه فى تسريبة من أسفل المقياس رغم أنى مش بذودعن الماكس أنا بقول ممكن من السخونة لما بمشى مشاور كبير مش عارف ألى عملته ده صح ولا غلت

[i_Am_Legend]

الله يخرب بيت زيت فيسكو وأيامة_هو وشركة بريتش بيتروليم_الزيت دة عار على الزيوت كلها_ولا يصلح ابدا ابدا_انا حصل معايا نفس القصة بالظبط _رشح زيت كتير_وداخل العمة وخرطوم الفايظ_ورحت للميكانيك_قالى طقم شنبر فى أولة لسة!_وفى النهاية إكتشفت إن الزيت الحقير دة هو السبب_لإن البوجيهات طلعتها بتلمع وزى الفل!وغيرت نوع الزيت_والمشكلة إتحلت تماما