اوعوا تشيلو الاستبن

[medo_sirion]

ايوة ياااااااااجماعة اوعوا تيشلو الاستبن من العربية وبالذات الماروتى

انهردة كنت داخل على اشارة ووقفت عادى وسمعت صوت اىييييييييييييي طاخ لقيت نفصى فى نص اشارة التانية واقف بالعرض والحمدالله العربيات لحقت قبل ماتكمل عليا
نزلت لقيت تاكسى والحمدالله حصل اللى حصل

ولما روحت للمركز الراجل السمكرى قالى احمد ربنا ان استبنك محطوط لان الخبطة كانت هتاخد الشنطة بالعضم وتدخل على الكنبة لولا الاستب عمل كا مصد للخبطة بين الشنطو والعظم العربية من جوة
وممكن حضرتكوا لما تنزلوا شيلوا غطا الاستبن الخشبى وتشوفوا كلامى على الواقع
هتلاقو الاستبن محطوط بين حديدين للعربية
يعنى جزء الشنطة وجزء شاسية الشنطة فبحميها لان بامانة العربية صاجها ضعيف شوية

خدوا بالكم ياجماعة من اللى وراك فى الاشارة وربنا يسترها علينا كلنا

[amado318]

معنديش ماروتى بس شكرا ليك جداااا

[injection]

وأنا كمان معنديش ماروتى:), بس ملاحظة رائعة فعلا ياباشا ألف شكر عليها.

[LORD.ADeL]

اولا
قدر الله وماشاء فعل يا ميدو والف حمدلله ع سلامتك انت
ثانيا
ملحوظه جميل ومفيد جداا والحمدلله موجود مش بيتشال
وربنا يستر طريقنا جميعا
والف حمدلله ع سلامتك تحياتي

[aymanay32]

الف سلامة يا ميدو سيريون
و ياريت تطمنى على الماروتى حصل فيها ايه بالظبط و اخبارها ايه و عملت ايه مع التاكسى الغلطان و الاكصدام الخلفى و الفوانيس و قفل الشنطة و ياريت تطمنا والسمكرى قال هيعمل ايه و هياخد كام

[abogogo]

تصدق انا بقالى مده ماشفتش الاستبن اخباره ايه ..... شكرا للتذكره .... والف حمدلله على السلامة وقدر الله ومشاء فعل وربنا يعوضك خير

[medo_sirion]

الف سلامة يا ميدو سيريون
و ياريت تطمنى على الماروتى حصل فيها ايه بالظبط و اخبارها ايه و عملت ايه مع التاكسى الغلطان و الاكصدام الخلفى و الفوانيس و قفل الشنطة و ياريت تطمنا والسمكرى قال هيعمل ايه و هياخد كام

مش عايز اقولك انا لحد دلوقتى محتار هل العربية صاجها قوى ام ضعيف
الاضرار ان حتة من تحت باب الشنطة دخلت لجوة بالمقابل التاكسى اقصدام امام وكبوت ادمروا وكانت نيو اكسنت انا مستغرب
الاقصدام الفبر بتاع الماروتى دخل لجوة بس مطلعش على طول بس السمكرى قال امرة سهل
والفانوس اللمين فى حتة منة اتشرخت شرخ بسيط

[medo_sirion]

شكرا لرودودكم ياجماعة
وقدر الله ماشاء فعل

[eiad_naser]

نفس الموضوع ده حصل معايا وبرده كان استبن ليه دور هام في امتصاص الصدمه

[A.Saad]

حمدالله على سلامتك يا محمد

[medo_sirion]

حمدالله على سلامتك يا محمد

الله يسلمك ياستاذى
هوة الجو عندكم سقعة ولا اية

[Hmatchy]

يا جماعة دة مش فى الماروتى بس
دا فى أغلب السيارات الحديثة وبيكون اعتماد تصميم الشنطة على مكان الاستبن علشان يساعد فى تشتيت قوة الصدمة وابعادها عن صالون السيارة
المهم الف حمد لله على سلامتك بس قولنا عملت ايه مع السواق التانى

[medo_sirion]

يا جماعة دة مش فى الماروتى بس
دا فى أغلب السيارات الحديثة وبيكون اعتماد تصميم الشنطة على مكان الاستبن علشان يساعد فى تشتيت قوة الصدمة وابعادها عن صالون السيارة
المهم الف حمد لله على سلامتك بس قولنا عملت ايه مع السواق التانى

كلامك سليم 100% وبالذات السيارات الهاتش بالك

انا اخدت رخصتين من السواق وودتها مركز تتعمل على حسابة ولا ادفع حاجة خالص انا الحمدالله
لولا كل مرة بقول الحمدالله وبمشيهم الا المرة دية كان متهور اوى جدا وحبيت اعرفة غلطة لانة مكنش معترف بية

[Hmatchy]

كلامك سليم 100% وبالذات السيارات الهاتش بالك

انا اخدت رخصتين من السواق وودتها مركز تتعمل على حسابة ولا ادفع حاجة خالص انا الحمدالله
لولا كل مرة بقول الحمدالله وبمشيهم الا المرة دية كان متهور اوى جدا وحبيت اعرفة غلطة لانة مكنش معترف بية

انا بردو حصل معايا نفس الموقف من سواق تاكس بس الحمد لله من غير تلفيات
كانت خارج من شغلى فى الخليفة المأمون وكان فى عربيه نص ناقل واقفة صف تانى
المهم لقيت السواق بيفتح الباب و انا كنت ماشى براحة اوى 20 تقريبا فا هديت براحة لحد ما وقفت
بعد كدة اسمعلك دبببببببببب
رحت مشغل انتظار ونازل بقى ومستنى يزعق علشان اسحبوا من الشباك و اجيبوا تحت العربية بس هديت لما مش لقيات فى اى حاجة او حتى خربوش الحمد لله
تخيل رد يقولى ايه لما بقلو مش تفتح؟؟؟؟؟؟؟؟؟؟؟؟؟؟
يقوم يقلى دا رد الفعل وكان لازم يحصل !!!!!!!!!!!!!
رد فعل ايه وزفت ايه(اتعصبت زيادة بس مسكت نفسى لأنو راجل كبير)
يقولى شوف حتى واقفين بنا مسافة ازاى!!!!!!!!!!!
مسافة ايه ؟؟؟ انت ليه تلزق فيا ما تسيب مسافة طالما بتمشى نايم.........(طبعا خلانى اتجنن و ازعق من كلاموا و ردودو الغير منطقية للتبرير وخلاص)
يقولى دا لازم طالما انت وقفت فى نص الشارع انا مش غلطان
طبعا انا سمعت الكلمة دى و ابنديت الشوف السواق وعربيتو من خلال لون احمر
و حسيت ان امبير الحرارة بتاعى عدى الاحمر بأربع شرط
رحت فاتح فيه
انت هتألف رد فعل ايه وهبل ايه اللى انت بتقولو انت ليه تمشى لازق فى ضهرى
راح سواق النص نقل متدخل (طبعا لأنو السبب من البداية )
يا اسطى انت غلطان وكمان هو كان ماشى بالراحة و انت خبطو بعد ما وقف يعنى انت اللى ماشى سرحان(طبعا هو شاف بعد ما نزل--تخيلو انا وقفت وسواق النص نقل نزل وبعد كدة خبطنى سواق التاكس وبردو مش غلطان)
ابتديت اتعصب عليه بقى و للحظة نسيت انو راجل كبير بعد ما ابتدى يزعق هوا كمان ومديت ايدى على الاكره بتاعته
و الاقى امين شرطة من بتوع المرور جاى علينا وبيقول لسواق التاكس انت اللى غلطان وموش عاوز كلام كتير
قلتلوا هوا دا اللى انا عاوزو يعرفوا علشان ميفتريش على حد تانى ويعرف غلطوا وياخد بالو
راح الامين قيلى معلش يا باشا عندى انا دى و الحمد لله انا مش شايف حاجة حصلت بس لو حابب نعمل محضر انا هعمل
راح سواق التاكس انا غلطان يا عم خلاص انا غلطان
رحت قايلو بعد كدة بلاش تسرح وسبتوا و مشيت
معلش بقى لو طولت عليكو بس قولت افضفض معاكو

[medo_sirion]

ياراجل فضفت برحتك بجد بقت ظاهرة عجيبة يبقى غلطان والغلط راكبة من اولة لاخر ويجى يقولك مش عجبك

دول بيقفوا فى نص الطريق لو حد شورلة ولما تعدية وتبسلة تلقية بيبوصلك بقرف اكنك انت اللى غلطان
حسبى الله ونعم الوكيل فيهم