أفيدونا فى شراء ماروتى 2008

[Hazemabdallah]

السلام عليكم يا رجال المنتدى الكرام ..

قررنا أخيرا نشترى عربية ماروتى لأختى .. ان شاء الله تكون كويسة , و تكفيها .. و انا شايف ان الناس المجربة فى المنتدى هنا بتشكر فى العربية الى حد كبير .. و نحتاج نصيحتكم فى الاتى ( احنا ملناش خبرة خالص فى الموضوع ده ) :

1- أى المعارض أفضل , و تعاملهم محترم , و الدفع حيكون كاش .. و يا ريت يكون عندهم تشكيلة ألوان للعربية ..

2- ايه اللى المفروض نسال عليه و احنا بنشترى .. يعنى هل بيبقى فى حاجة ناقصة فى العربية كاسيت أو فرش ؟؟ ..

3- ايه اللى بنستلمه مع العربية , و هل فى فرق بين 2007 و 2008 ؟ و هل فى موديل بالتكييف ؟؟

افيدونا أفادكم الله .. و جزاكم الله خيرا مقدما ..

[noni67]

1- افضل مكان تشترى منه مودرن موتورز ميدان المساحه الدقى.
2- العربية لا يوجد بها لا فرش ولا كاسيت بس تأكد من 4 كوباية صرة عجل دول بيكونوا فى صندوق فى الشنطة بالأضافة الى موكيت الأرضية كمان الضمان وكتالوج الصيانه وشنطة العدة.
3- الماروتى من زمان وبطلوا ينزلوها بتكييف وانا دخت السنة اللى فاتت وانا باشترى عربية مراتى ومالقتش بتكييف تماما لكن التكييف بيتركب برة ب 3 الاف جنية.
والف مبروك على اختك وهى عربيى محترمة لابعد الحدود.

[Hazemabdallah]

ألف شكر على ردك الكريم يا أخ noni ..

و احنا خلاص حجزنا من معرض فى الحى الثامن على 36 ألف ... و المفروض نستلم الاسبوع ده ان شاء الله ..

بس اللى مستغربله .. ان فى كلام ان سعر الماروتى زاد , لانى سألت عند المحمل موتورز اللى فى الحى السابع , و قالولى العربية ب 38 ألف , و أخرها 37 ألف .. فربنا يستر عند الاستلام ميطلبش زيادة فى السعر ..

بالمناسبة .. هى العربية ضمانها اد ايه ؟؟

[noni67]

مبروك عليك وضمنها 3 سنين او 60 الف كيلو ايهما اقرب

[Abdm]

يا أخ noni أنا عارف انك ما بتتأخرش عن أى مساعدة للاخوة كنت عايز استشارة منك حضرتك تفضل الماروتى ولا الآلتو 800 ولماذا ويا ريت تكتب باستفاضة ولك جزيل الشكر.

[Hazemabdallah]

مبروك عليك وضمنها 3 سنين او 60 الف كيلو ايهما اقرب

الله يبارك فيك .. و ألف شكر على ردك