عمر الماروتي الافتراضي

[amrfares]

عاوز اعرف ايه العمر الافتراضي للماروتي 2010 وهل مشوار 50 كم يوميا كتير ولا لا ؟
ايه الاشياء الواجب عملها لاطاله عمر العربيه ؟
ايه الاشياء الواجب تغيرها باستمرار والعمر الافتراضي لكل قطعه ( سير - كاوتش - كاربرتير - ........... )

[aymanay32]

بالنسبة للمشوار 50 كيلو مافيهوش مشكلة بس الباقى انتظر رد الخبراء

[beshomilan]

لا ولا كبير ولا حاجة..مبروك اول حاجة عليها

بس انت ربنا يحافظلك عليها واهتم بيها وبلاش تشد بيها اوى وبما انها جديده اتبع تعليمات الصيانة والوكيل واقرا كتاب المانيوال بتاع العربية كويس جدا هيفيدك اوى فحاجات كتيررررر جدا

احفظ العربية تحفظك

[beshomilan]

والسيور بتتغير بعد 30 الف كيلو والكاوتش فى تلك الحدود برضه او اعلى على حسب الاستعمال

[mohamed_rhem]

والسيور بتتغير بعد 30 الف كيلو والكاوتش فى تلك الحدود برضه او اعلى على حسب الاستعمال

[gdwl]اسمحلي اصحح المعلومات السابقة طبقا لما هو متعارف عليه دوليا [/gdwl]

السيور سير الكاتينه وبلي الكاتينه بيتغير عند 60 الف كم

وطبعا يفضل تغيير سير الدينامو والتكييف وفي بعض السيارات زي عربيتي ديهاتسو سيريون

الكاتينة جنزير وسير واحد للتكييف والدينامو وممكن يتغير عند 100 الف كم بدون مشاكل


الكاوتشوك

لم اقرأ في اي موقع متخصص للكاوتشوك بضرورة التغيير عند كيلومتر معين

وذلك لان عمر الكاوتشوك يتأثر

1- طبيعة الارض فكلما كانت وعرة قل عمر الكاوتشوك
2-طريقه استخدام المكابح فكلما كانت اعنف قل عمر الكاوتشوك
3-القيادة الرياضيه
4-ظبط الزوايا فعدم ظبط الزوايا يجعل الكاوتشوك عرضه للتأكل غير المنتظم
5- ضبط مقياس الهواء كل اسبوعين او شهر
6- درجه حرارة الجو لذلك انصح بأستخدام النيتروجين
7- عمل روتيشن للعجل كل 10 الاف كم

وبناء علي ما سبق

[gdwl]
يتلزم تغيير الكاوتشوك باء علي

1- عمر الكاوتشوك من 4 الي 5 سنوات من تاريخ الانتاج شرط الحالة الجيدة
2-هناك مثلثات في جانب الاطار توضح التأكد في المداس عن نهاية الحد لابد من تغيير الكاوتشوك
3-وجود اي تشققات في جانب الكاوتشوك
[/gdwl]
اسباب اضافية

1- تلف الكاوتشوك نتيجه مطب ووجود انتفاخ به
2- تلف الكاوتشوك نتيجة الاصلاح الخاطئ واستلزم شنبر داخلي
3- تلف الكاوتشوك نتيجه تسرب مفاجي اثنا ء السير اسفر عن قطع او ظهور سللك

[beshomilan]

اشكرك استاذ mohamed_rhem على التصحيح

واسف على الاخطاء ومنك نستفيد