تعديل الماروتى الجميلة

[DALY]

السلام عليكم ورحمة الله وبركاته

بجد حاجه فى قمة الروعة ما شاء الله يعنى ربنا يحفظهالك

بس ياريت نعرف التكاليف لحد دلوقت كام

[ayman_012]

التكاليف فتحت منى شوية لان المشكلة ف الصنايعية معندهمش ضمير وحرامية.
سعر التابلوة كامل1150جنية
الفيبر 4200جنية بعد السرقة
الطارة والزور الاسبور 300جنية
الفرش الجلد700جنية بس لسة مكملش لسة الابواب والسقف
جى ام بيونير 1100جنية وطقم سماعات بيونير بيضاوى 4 800جنية من واحد حبيبى............
الجنوط 13 950جنية
كاوتش 4 الفردة 205 جنية
ومش فاكر دلوقتى بقيت الحاجة كلها

بازوكة1000gbl_جنية550

[love7amada]

شغل الفيبر اوفر اوي ف السعر

[hatchy]

متهيالى الطابلوة دة بتاع عربية هيونداى اتوس
اول مرة اعرف ان ليها قطع غيار استعمال

[ayman_012]

التابلوة موجود ف الوكالة من اول250جنية الى............زى مانتا عايز حسب الحالة

[ayman_012]

ودى الصور اثناء الشغل والبهدلة




سبحانك اللهم وبحمدك ، أشهد أن لا إله إلا أنت أستغفرك وأتوب إليك

[m7nsh]

واااااااااااو
بيرفكت يا مااااااان ... حاجه بيس جداً ....
اللهم صلى ع النبى ماشاء الله .. حاجه تحفه
ربنا يباركلك فيها و يملهالك بركه

[LORD.ADeL]

ماشاء الله ولاحول ولاقوة الا بالله
ربنا يبارك لك فيها ويكفيك شر عجلها
بس انت صارف عليها جامد ماشاء الله
انت راضي عن بقا عن تقفليها والاداء بتعها دلوقت؟
وفي حاجه لاحظتها من صور العداد لحد 180 بخلاف ان عداد ماروتى 150.؟
انت ضبطهاازي دي؟ سؤال تانى
بوردة السماعات مثبتها على ايه وماسكه ولا بتتهز مع مطبات..؟ وكلفتك كام بالضبط..؟
ومبروك عليك ياباشاااا

[ayman_012]

اولا انا بشكرك على ردك الجميل استاذ لورد.

ثانيا موضوع ف فرق اكيدف فرق فكل حاجه
اولا شكل التابلوة مش تقليدى لان التابلوة الاصلى استايل قديم جدا ومحبط حتى ف تركيب الكاسيت.

البوردة الخلفية اكبر من الاصلية وعملتها خشب وقاعدة على القواعد الاصلية ومحكومة بالقايم ومش ممكن تسمع

ليها صوت زى الاصلية ولا ارتجاج مع المطبات الؤزية الى موجودة عندنا

نيجى للنور بقى كشاف اكبر واعلى من الاول والرؤيا بقت اكبر

الجنوط 13 عملت ثبات اكبر من الاول لانى كنت بسافر بيها شرم الشيخ كتير والطريق معظمة منحنيات

اما موضوع العداد العربية 4 غيار وبجيب اخرها بعد130 لكن اكيد الموضوع دة هايتغير مع تسقيط ماتور اكبر

وبيكون ف غيار زيادة .

تكلفة البوردة 150جنية بالجلد.

وبعدين انا عملت دواسة جلد للارضية كلها حتى الشنطة وبكدة عملية التنظيف بقت اسهل لان الموكيت لية مشاكل كتير

وعلى فكرة انا معايا لانوس 2009 زيرو وبفضل الماروتى عنها بس كان فرق الاوبشن كان بيعملى مشكلة

لكن دلوقت الموضوع بقى قريب من بعضة وموضوع السحب لو ليك كهربائى كويس بيظبطة

انا دلوقت شكل العربية بيستفز اى حد على الجرى معايا على الطريق وفى ناس مبتصدقش ان دى ماروتى خالص.

وخصوصا ف طرق السفر
عموما لواحتجت اى معلومة انا تحت امرك.

[LORD.ADeL]

الله يخليك يا باشاا كله من زوئقك
ربنا يبارك لك فيها يارب
وفعلا هيا مختلفه يمكن بس فانوس الخلفى ممكت اللى يبنها انها ماروتي؟
بخصوص بوردة ياريت تصورلي القواعد بتعهها من الزويتين لانى عايز اعملهم عندي
لان بوردة عندي خشب ونفس مقاس بس مهزوة ومش ثبته يعنى مريحه ع بازوكه مش اكتر
الارضيه عملت معاك كام هيا وشنطه جلد طبعا ؟
وبخصوص تابلوة فعلا هوا زى ماقلت ومقرف فى كاسيت بالذات غير شكل مش يناسب وقتنا خالص بس هنعمل ايه
بس وانت بتغير تابلوة فى مشاكل حصل معاك وحوار تابلوة عامل كام معاك سعرة منفرداا وسعر تقفيله
وتبالوة فابريكاا بعته ولا محتفظ بيه؟ ومعلش هتعبك معاياا ادينا بندردش..(:

[megamoudy]

ماشاء الله لا قوة الا بالله

جميلة اوي
واللون حلو اوي

[ayman_012]

يا استاذ لورد انا معاك ومش بزهق من الددشة
بص ياباشا الاول انا تعبت من البحث على تابلوة مناسب وكان ف اختيارات كتير بس كان يهمنى الشكل والحالة

ف تابلوهات كتير تنفع بس المهم طريقة قطعة وتقفيلة على مقاس العربية
وكان دة افضل تابلوة لقيتة معقول بس كان سعرة غالى شوية وانتا عارف الاستغلال بتاع التجار وف مشكلة فيا
انا مش بعرف افاصل مع التجار انتا عارف ان دى موهبة وانا فاقدها.

والتابلوه القديم اهديتة لواحد صحبى هوا والدريكسيون معاة 128 وكان شكلة احلى ف128

بص لو هاتغير حاول تنز ل الوكالة ويكون معاك واحد صحبك شاطر ف الفصال علشان يشجعك

التابلوة دة فيه مميزات اولها قوى جدا استحمل التقطيع والى حصل فية

ولما هانزل هاصورلك القواعد بتاعه البوردة
اما ثمن الارضية والشنطة مش عارف لوحدهم يعملوا كام انا عامل العربية كلها 700 جنية
بس هاسئلك عليهم وبعدين خلى بالك من فرق الاسعار لانى ساكن ف6اكتوبر والحاجة عندنا
فيها زيادة شويتين.

[ayman_012]

على فكرة التابلوة انا فكيتة من 1/2عربيه اتوس كان جديد خالص وخدتة بالقطمة بتاعت الدريكسون والطارة بس غيرت الطارة بطارة اسبور لان الطارة الهيونداى كبيرة اوى على العربية لان فيها اير باج

[LORD.ADeL]

الله ينور يا باشااا كلامك تمام واصلي وربنا يبارك لك فيها يارب
وبنتظار صور البوردة وسعر الفرش..
وفى ع فكرة صور كتير للعربيه معدله بس شغل براا وانت عارف شغل براا ازي
انتا ممكن تحطهم ع موقع تعديلات ويكونو باسمك وهتبقى عالميه وللكل
وربنا يوفقك واذا عندك صور لهيا معدله حط وانا هدور واحطهم رئيك

[aymanay32]

دى اجمل تعديلات و اجمد تعديلات شوفتها فى ماروتى
و ده بيشجعنى اعمل بعض هذه التعديلات عندى