ايه رأيكم فى الاسعار دى لقطع غيار الماروتى

[DALY]

السلام عليكم ورحمة الله وبركاته

ازيكم يا اخوانى الكرام ان شاء الله الجميع يكون بخير

كنت محتاج قطع غيار للماروتى سألت عند اتنين هقول لحضرتكم عليهم وعلى اسعارهم

المحل الأول اسمه : السرساوى

عنوان المحل : شارع التحرير الجانب الآخر من كوبرى الدقى ناحية معهد البحوث

رقم التليفون : 33376717

اسعار الحاجه اللى سألت عليها عنده

جوز مقصات 170 جنيه ( صناعه هندى )
جوز كبالن 220 جنيه ( صناعه هندى )
جوز كاوتش كبالن 30 جنيه ( صناعه هندى )
حشو علبه دريكسيون 20 جنيه ( صناعه هندى )
طقم كوتش ميزان 30 جنيه ( صناعه هندى )

__________________________________

المحل الثانى اسمه : شركة الجيزة العالمية

عنوان المحل : 10 شارع المطبعة ناصيه مطعم الشبراوى متفرع من شارع فيصل

رقم التليفون :37431141

اسعار الحاجه اللى سألت عليها عنده

جوز مقصات 130 جنيه ( صناعه كورى )
جوز كبالن 170 جنيه ( صناعه تايوانى )
جوز كاوتش كبالن 30 جنيه
حشو علبه دريكسيون 20 جنيه
طقم كوتش ميزان 20 جنيه

فالصراحه ان مش عارف اجيب من عند اى محل واى قطع غيار افضل ياريت يا اخوانى اعرف رأيكم ايه فى الموضوع ده

[dr.hazem]

منزلتش ليه شارع احمد حلمي تسأل هناك؟؟ رامي اسعاره حلوة وخاماته معقوله
عموما خليك في القطع الهندي وابعد عن الصيني



تحياتي

[DALY]

منزلتش ليه شارع احمد حلمي تسأل هناك؟؟ رامي اسعاره حلوة وخاماته معقوله
عموما خليك في القطع الهندي وابعد عن الصيني



تحياتي

الصراحه اصل شارع احمد حلمى ده عايز يوم كامل علشان الواحد يعرف يختار ويلف كويس وده طبعا مش هينع علشان عندى شغل الايام دى كثير علشان كده شوفت عند الناس دى

[tiger451]

يعني الهندي احسن من الكوري؟؟

[dr.hazem]

يعني الهندي احسن من الكوري؟؟

بالنسبه للماروتي اعتقد اه
لان الماروتي عربية هنديه
واولوية الاختيار كالتالي
ياباني
هندي
كوري
تايواني
صيني
مصري

ده بأكد وجهة نظري انا

تحياتي

[sab3aawy]

لو لها قطع غيار مصرى-بشرط تكون من منتج معروف-انا احطها احسن من الصينى بمراحل، لأن المصرى-من مصنع معروف-يمثل جودة معروف حودها مسبقا، لكن الصينى لا له اسم ولا تعرف له وش من ضهر ولا اذا كان كويس او وحش وانت وحظك، يعنى مثلا لو فلتر زيت فرام مصرى انا اخده وانا مغمض، لكن لو صينى مضمنش ده يطلع ايه، الصينى اساويه بالمصرى بتاع تحت السلم وليس المصرى من مصنع معروف